ISAIAH 51:18 - Sumi Naga CL (Re-edited) Bible (BSI)

¹⁸ Li no punu keu nuli gholo, li sapheni kemi lakhimu kühae; li no saputhu keu nuli gholo, li u sünheluni kemi khumu kühae.

BAIBEL (BSI)

¹⁸ Nongu saphenikemi milakhimu kuha, nowu timi gholo milakhimu o-u lono sunhe sawuni kemi kuhake.

ISAIAH 51:18 Mawu Ofanana

JOB 8:20

“Julo, Alhou ye tukutiye küha kemi kileve chemoe, momu alhoksa kümlami mu kuphu chemoe.

LESHELE 142:4

Ajeu jupuwo julo: khunomu ni ithulu amoe; I no ijekulupu kiumu kühae; khunomu I ngulho hiju amoe.

LESHELE 88:18

Nono I qhuu eno I küsau pelo I qhivepe; aküzü no I küsau shivae.

ISAIAH 41:13

Kughengu Ni Ampeu, o Lhou no, o u ajeu sünhepe anike; I no o vilo hi piani, “Msa kevilo, I no o kuphu nani.”

ISAIAH 45:1

Ampeu no Paw nukikishe Cyrus vilo ishi piani, I no pa pelo shiyeqo qhasü penike pa u ajeu tsüqü luvae, kükami pokha xaluve tsü, pa zülo ahukikhaqo khaqhi tsü, eno khaghoqo khapemo nike pi:

ISAIAH 49:21

Tileno nongu mlo lono pinani: ‘Khuu no ni ghenguno atianuli hijehi lhotsü kea? Ni ye amlo kighishi lo ache eno anuhami shiche, ni ye haphe sawuve kemi; ikemu khuu no hipaqo süghi kea? Julo, ni ye I likhi ake khilano hipaqo ighi kea?’”

ISAIAH 54:11

O aghimeshi akeu, no ye pasapagha no fukuchoqhi ke, ikemu o lopiqi tsümoe, Julo, I no o ghenguno aboqha tuqo pesü ayi kümka shou qhitsüni, eno sapphire tuqo pesü o boqha ghotsü nanie.

JEREMIYA 10:20

I phiki ye xaleqhive tsüae, akighi kümtsü süthavae; I tianuliqo ye I launo wuvae, panongu ye kühavae; I phiki tshü tsüni kemi eno nhaqhiphi sütsüni kemi khumu kühavae.

JEREMIYA 31:32

ti ye I no Egypt yeghi lono pano puasüqo au lono sünhe sapeghike tsala lono puloshoqhi shikeu toimo nani, kughengu I no panongu kimi shi anamu panongu no Iw puloshoqhi tipau kubove ke.

EZEKEL 34:6

I mbeqo ye apanagha khavae; panongu ye naghuto eno atoghi kümtsü lo itsüsü wuvae. I mbeqo ye ayeghi kümtsü lo apanagha khavae, panoqo phuwu momu juwuni kemi khumu kühavae.

AMUS 5:2

“Ayiliu Israel ye ithughi kümlapu shi ikiqivae; li sünhe puthuni kemi kühano li yeghi lono li qhivae.”

MATTHEW 15:14

Palokuto lo; panongu ye anhethi kighiche lapiyemi ke. Anhechemi no anhechemi saphe aye, pama kinikujo aqo lo ilove nani.”

MATTHEW 9:36

Kughou pa no aqokitikhi ithulu keno, panongu ghenguno pa mlo ighiqhiyive, kughengu panongu ye akheu kühakeu mbeloji toi pishipiyi eno akukuphu kühano ae.

Mark 8:23

Jisü no anhecheu sünhepe aphu khalau ipeve, eno pa no amiti pesü timi nhethi lo sütsü püzü pa u no buno pi, “No ye kiuala ithulu animoe?”

Apostolmi 13:11

Julo, itehi Ampeu u o shou ikughivae, eno no ye anhethi icheve no ado hami khetsünhe küvü ithulu moae.” Paikhavi akimhi eno aküzü no pa küzüluve, eno pa sünhepe penike kütami kükauve.

Apostolmi 9:8

Saul no ayeghi lono ithughi kelo pa nhethi tsükho akemu kiumu ithumlave. Ikehu panongu no au no pa sünhepe Damascus lo ighi.

IBRIMI 8:9

ti ye pano puasü no Egypt yeghi lo akelo I no au no sünhe saipeke tsalani no panoqo sasü puloshoqhi shikeu toimo nani. Kughengu panongu no Iw puloshoqhi pulo move kehu I no panongu jukuto moveke, ipi Ampeu no sheshu.