ISAIAH 49:1 - Sumi Naga CL (Re-edited) Bible (BSI)

¹ O azüghimkü yeghi, I tsa inilo, nongu putoumiqo, I tsa inilo. Ampeu no aza tita lono I kulue, I za po lono Pa no I je kutsüe.

BAIBEL (BSI)

¹ Ashiayeh tusumiqo, nongu khunoqo putou acheni keno tipaqono, itsa inilo! Ipunu mphi lono AMPEU no ikishe luke eno pa qeu shipe nike ni sukusu shipe qhike.

ISAIAH 49:1 Mawu Ofanana

LESHELE 22:10

I punu kelono I no O lau pükhübe, eno I za tita lo akelono No ye I Lhou shi ighivae.

ISAIAH 11:11

Tipa ghuloki lo Ampeu no Assyria, Egypt, Pathros, Cush, Elam, Shinar, Hamath, eno azüghimkü lo Paw timi achilishi ghüpüaghi keqo itaghi ghuthu akiniu xaphe nike Pa küka peitha nani.

ISAIAH 24:15

Ikehu kipelau no Pa sheqhelo; azüghimkü lo küami no Ampeu, Israel Lhou je sheqhelo.

ISAIAH 33:13

Nongu putou eno aphivilo akeqo, I kümla eno I kumto ghili ithilo.

ISAIAH 41:1

Oh Azüghi mkülo küamiqo, inaqhoi shino I no pikeu inilo, timiqo pelo panongu shikumto kithelu pelo; panongu pelo ighino atsa pipelo; ningu küghakütha ghenguno kumqoni nolo.

ISAIAH 42:12

Panongu pelo Ampeu lau ajuküvü tsü pelo; eno azüghimkü yeghi lo Ampeu sheqhelo.

ISAIAH 44:2

O lhokeu Ampeu, khuu no atita lono o lho eno o kuphu nani keno Pa no ishi piani: O I qeu Jacob, msa kevilo, I no kisheluve keu Jeshurun.

ISAIAH 44:24

Ampeu khuu no atita lono nongu lhophe keno, nongu Xachilekuluu no piani: “Ni ye Ampeu, I no thokha kümtsü lhophe ke, I likhi no atsütsü sükhope qhi, I likhi no ayeghi xakhope qhie.

ISAIAH 45:22

“Ayeghiqha kümtsü no I lau tsüghü ighi no xakulupu shilo! Kughengu Ni ye Alhou, eno kütami khumu kühae.

ISAIAH 45:3

I no zümoike-a lo kinikülü achekeu o tsü nani eno tuqhou-a lono akughupu nhemgha o tsü nani, tishikeu lono Ni ye Ampeu kepi nono ithi nani, eno Israel Lhou no o je kughi o kulu kepi ithi nani.

ISAIAH 46:3

“O Jacob kibolomi, I tsa inilo, Israelmi ghükulumi kümtsü, nongu punu mphi lono I no nongu tucho hiju ighi, eno atita lono I no nongu tuchosü ighike;

ISAIAH 49:12

Julo, hipaqo ye aghacheu no ighi nani; ahuu eno kulolau no ighi nani; eno Syene yeghi lono ighi nani.”

ISAIAH 49:5

Itehi Ampeu khuu no I no atita lo akelono Pa qeu shipeniye I lhoe, I pelo Pa lau Jacob saghipe, eno Israel pelo Pa lau hekütsü peniye shi keno— ni ye Ampeu nhethe lo agigihupu shi ani eno I Lhou no I kumto shive akehu— Pa no piani,

ISAIAH 51:5

Iw achipiu-mikucho ye kupunu ighi nani, eno I launo xakulupu ipevae, Ni ampi no timiqo shou xathabe nani; azüghimkü lo akeqo no Ni ighini keu khe ani; eno panoqo xalu penike panongu ye lajuqhiyi I khe ani.

ISAIAH 52:13

Julo, I qeu ye alokütsü lono mlaitha nani; pa ye akiqheu lono pa süqhe nani, eno pa sheqhe nani.

ISAIAH 55:3

O kini kughopuwo lo eno I lau ighilo; Inilo tishianguno o ngulho ye xülu nani; eno I no nongu sasü shekhaha puloshoqhi shini, eno Iw iqemokeu kikimiye David shou akeu nongu tsüni.

ISAIAH 57:19

eno panongu kichi lo shekiqhe sütsü nani. Ampeu no piani, Kupunu akemi, eno aghache lo akemi, aloino peniu, aloino peniu,” “eno I no pa shipivi nani.

ISAIAH 60:9

Kughengu azüghimkü yeghi ye Ni ighini keu laju nani; Tarshish lono zükiluqo paghi ighive nani; Tileno nongu tianuli aghacheu no saighi nani, eno panow ameshoyi ngo ghükayi ghi pesü ighi nani, eno ti ye Israelmiw Akimthe Mpeu je ghenguno saighi nani, kughengu Pa no nongu jukighilepu shive tsüe.

ISAIAH 66:19

Eno I no panoqo gholo amchipu lakhi tsü nani. Eno panoqo gholo ghüluve kemi khami I no shiyeqo lau puwu nani eno I juküvü ghili pesü hipaqo lau pi nani, ti ye shexilika peche kemi shiye Tarshish, Pul eno Lud, eno I jekipi chimla aphikemi, azüghimkü lo akeqo Tubal ngo Javan qhalo.

ISAIAH 7:14

Tighenguno Ampeu ampi no amchipu lakhi o tsü nani. Julo, ili thathe lakhi no mishipuve no anu punu nani, eno pa je pesü Immanuel kutsü nani.

ISAIAH 9:6

Kughengu ni lau anu punutsü ani, anu lakhi ningu tsü anie; Yepeka kükagha ye Pa u lo anani, Pa je ye Akümzapu Mijekütsüu, Akughushu Lhou, Alholo Apu, Külakishi Yepeu kutsü nani.

JEREMIYA 1:5

“Atita lo azü ghomphi züuno Ni ye no ithi ae, o punu mphi züuno I no o kishekimtheve; I no o pesü shiyeqo lau tungkupu lakhi shi süsüe.”

ZEFANIA 2:11

Ampeu no panoqo shou aküighüpu süghi nani; kughengu Pa no ayeghi lo lhouqo akhü no pithive nani, eno shiye kümtsü pütüta-a lono, Pa zülo qhoqhü itsaqi nani.

Luke 1:15

kughengu pa ye Ampeu zülo kije shi nani. Pa ye khilemu aji momu shomzü kepu aji kümka yemo nani, eno pa ye aza polo aphi lono Aghungu Kimthe no chhitoi nani.

Luke 1:31

Julo, no ye mishiluve no anu lakhi punu nani, eno nono pa je Jisü kutsü nani.

John 10:36

I no, ‘Ni ye Alhou Nu’ ipike ghenguno nongu ye khuu Apu no kishekimthe no ayeghiqha lo puwu keno, pa vilo ‘No ye Alhou thaigha ani,’ ipilu nani keshea?

Galatiami 1:15

Ikemu I punu mphi lono khuu no ni kishe kütüta shino paw küpükini lono I kulu keno,

Ephesiami 2:17

Khristo no ighi no külakishi pesü nongu putou akeqo ngo aphivilo akeqo vilo sheshue.

IBRIMI 12:25

Khuu no pi ani keno pa tsa milive kevilo. Kughengu ayeghi lono kütüghü keu panongu no ini move kelo panongu ye pomlave aye, kungugha lono kütüghü keu ningu no milive aye ningu ye kitilamu pokulupu kühae.

1 Peter 1:20

Pa ye ayeghi boqha ghomphi lono nukisheve kemu nongu ghenguno ashekha ghuloki lono pephe piye,