ISAIAH 45:17 - Sumi Naga CL (Re-edited) Bible (BSI)

¹⁷ Ikemu Israel ye Ampeu no shekhaha xakulu pesü xalue; nongu ye lhokta kutolo khilemu kujo mzave pemo nani.

BAIBEL (BSI)

¹⁷ Ikemu Israil ye AMPEU no xaluke, eno liwu tokuluye alhokupujulo ache nani; liwu timiqoye khilemu kujo mza vepemo nani.’ ”

ISAIAH 45:17 Mawu Ofanana

LESHELE 103:17

Ikemu Ampeu sükümsami lau Paw iqemokeu kikimiye ye shekhaha acheni, eno Pa chipiu mikucho ye atianuli lono atilimi kutolo acheni,

LESHELE 25:3

Mtsüqheino O ngokhe chekemi ye akukujo lo ilove monani; Akiqi kühano pishiqhi kemi ye akukujo lo ilove nani.

ISAIAH 12:2

“Alhou ye I xakuluu; I no msa mono Pa pükhüni; kughengu Ampeu Alhou ye I kumtou eno I le ke, eno Pa no I xakuluu shivae.”

ISAIAH 26:4

Alhokuthu Ampeu lau pükhülo; kughengu Ampeu Alhou ye lhokta tuquke.

ISAIAH 29:22

Tighenguno Khuu Abraham xachilelu keno, Ampeu huno Jacob lagha ghenguno ishi piani: “Jacob lagha ye kujomza moae, pano gi ye phalai kithemae.

ISAIAH 33:6

eno nongu boqha kumtopu shino xakulupu, alokütsü, eno akighithi pofushi tsü nani; Ampeu sükümsa no Zion küakinie.

ISAIAH 45:25

Ampeu launo Jacob kughukomi kümtsü shou, achipi kepi xathabe nani eno ajuküvü ithulu nani.”

ISAIAH 49:23

Kükami no nongu papu kishe shi nani; eno kükalimi no nongu paza shi nani. Panongu no pano gi pishiqhope nongu agigihu tsü nani; eno nongu pukhu lo ayeghimkhu mineve tsü nani. Tileno nongu no Ni ye Ampeu kepi ithi nani; khunono I khe cheni keno, tipaqo ye kujovemo nani.”

ISAIAH 50:7

Ikemu Ampeu no I kuphu cheni, tigheno ni ye kujove moe; I no atuitu toi I gi teqhitelei ke, I no ithi anike I shikujo monani.

ISAIAH 51:6

Atsütsü küdau jupukulo, eno ayeghi qhou jupiqilo; kughengu atsütsü no amchhi toi hailove; ayeghi no aphimini toi ixüthave nani, eno tile küghüna akemi no tipaphi lono thive nani; ikemu Iw xakulupu ye alholo ache nani, eno Iw achipiu-mikucho ye khilemu hauvemo nani.

ISAIAH 51:8

Kughengu apila no aphimini toi panongu tsave nani, eno aninga no asüpha chukeshi panongu chuve nani, ikemu Iw achipiu-mikucho ye alholo ache nani, eno Iw xakulupu ye tiqheli kupuju lo ache nani.”

ISAIAH 54:4

“Msa kevilo, kughengu no ye kujove monani; avehu izü kevilo, kughengu o juaje shipüsamo nani; no ye o lhothe lo akukujo shikeu kümsümave nani, eno nono chimemi shiche kelo o thaigha keu kümsümave nani.

ISAIAH 54:8

Atüqhüdo hami I no amlo kighide lono I gi o launo tsüghüsü wuve, ikemu lhokta kikimiye lono, I no o shou küpükini betsü nani. Ampeu o xakuluu no piani.

ISAIAH 60:19

Khetsünhe ye puchou nongu küvü shimoae, momu putho lo aqhi ye nongu küvü shimoae, kughengu Ampeu no shekhaha nongu küvü shiniae, eno nongu Lhou no nongu juküvü shinani.

JEREMIYA 31:3

Ampeu no putou no ni lau ipeghi piye. I no lhokta kikimiye pesü o kimiye; tighenguno I no ishokibe o lau pükhükulu shike.

JEREMIYA 33:16

Tipa tsala lo Judah ye xaluve nani, eno Jerusalem ye sükusho lono xülu nani. Aje hipau pe ishi ku nani: ‘Ampeu ye ni chipiu mikuchoe.’

HOSIYA 1:7

Ikemu I no Judah shiaye küpüqhiyi nani, eno Ni Ampeu panoqo Lhou no panongu xalu nani. Ni ye shexilika, azütakikihi, aghükishi, khurshi momu khurshimi vecheo xalumo nani.”

JONAH 2:9

Ikemu I no shikimthikütsü sütsa pesü O lau aghakishi shini; I no kiu tushoqhive akeno ti tsüni. Xakulupu ye AMPEUw ke!”

ZEFANIA 3:11

“Tipani nono I hebide püaghi namu Ni ye o shikujomo nani; kughengu I no o launo aqheküzami tsütsüngoju chekemi ikhive nani, eno Iw akimthe toghi lo nongu ye akuchhoma shikithe mo nani.

John 10:28

I no lhokta küxü panongu tsüe, panongu ye khilemu pühave monani, eno khunomu I u lono panoqo süxaluve mlae.

John 5:24

Kuchou no I no nongu vilo piani, khunono I tsa chilu no I puwu keu pülüni keno lhokta küxü anani. Pa ye küghakütha lo ilomo nani, ikemu akithi lono aküxü lo wuluvae.

John 6:40

Kughengu I Pu pulou ye hike: khunono Anu shou jupuku no pa pülübeni keno kümtsü pelo lhokta küxü apeniye ke, eno I no ashekha tsala lo pa xüputhu nani.”

Rommi 10:11

Ti ye Kuchoyesü no piani, “Khuu no Pa pülüni keno shikujove monani.”

Rommi 11:26

Eno hipa ghola lono Israelmi kümtsü xaluve nani, ti ye ishi yepüake toi, “Xaphekuluu ye Zion lono ighi nani, Pa no Jacob lagha launo küsakügha ikhive tsü nani”;

Rommi 8:1

Tighenguno itehi ye khunono Khristo Jisü laumi shive akeno, panoqo ye kileqhive kepu kühavae.

Rommi 9:33

ti ye ishi yepüake toi, “Julo, I no Zion lo apukhu küpsüpu, küpxa kepu tuqu sho püani; ikemu khukhumu Pa pülübe keu ye shikukujo monani.”

2 Thes. 2:16

Itehi ye ni Mpeu Jisü Khristo ampi, eno ni Pu Alhou, khuu no ningu kimiye no küpükini vecheo lhokta lokughuno eno lajupu kivi ni tsü keno,

IBRIMI 5:9

Pa pesü kupukülai shitsü kelo pa no pa gholu kemi kümtsü ghenguno lhokta xakulupu puki shive,

1 Peter 2:6

Kughengu Kuchoyesü lo hitoi ani: “Julo, I no Zion lo atuqu sho püani, kishekiphe eno akughupu, atsükupu tuqu, khukhumu Pa lau pülübe keu ye kujovemo nani.”

1 John 4:15

Khukhumu Jisü ye Alhou Nu kepi piphetsü keu ye Alhou lau kimepe ani eno Alhou no pa lolo ani.