ISAIAH 43:27 - Sumi Naga CL (Re-edited) Bible (BSI)

²⁷ Nongu puasü atüghüu no axine shive; eno now aghinimi no I zülo axine shive.

BAIBEL (BSI)

²⁷ Nongu puasu atughumino axine shiveke; nowu sakiphemino ishou axine shike,

ISAIAH 43:27 Mawu Ofanana

LESHELE 78:8

panongu ye pano puasüqo toi kuthovi eno hekibide tiqheli shimo nani, ni puasüqo tiqheli ye iqemokeu mlo xapusü Alhou pükhükulupu shimove.

ISAIAH 24:20

Ti ye shokümzümi toi nanashi; apushonha toi sükujokiji ani; axine no mishishei qape ikiqive no ithughi kithe move nani.

ISAIAH 28:7

Tungkupmi ngo achinemi ghi aji kümka shopusü nanashi cheni; atsaijiu no panoqo munove akehu panongu ye anhetsü ghi zazashi, eno küghakütha lo ghi izüvui ke.

ISAIAH 29:10

Kughengu Ampeu no züchei keu ghungu nongu shou pukuvae, nongu tungkupmi nhethi kiyikhave tsüno nongu kütsü nhave tsüae.

ISAIAH 3:12

Angakughunuqo no Iw timi nedaqoda auvae, eno totimiqo no pano shou ayepe auvae. O Iw timiqo, now lapiyemi no nongu sabide ani, eno nongu laghi shiküghüzüve tsüae.

ISAIAH 50:1

Ampeu no ishi piani: “O zaw aküghüxa shepe I no li u lo sütsü keu khile ani kea? Momu I pi kupumi dolo, khuu lau o jepuwuve keno pi julo. Julo, nongu xine ghenguno nongu jepuwuve; eno nongu kipimi ghenguno nongu paza hapuwuve ke.

ISAIAH 51:2

Nongu pasü Abraham eno nongu punu keu Sarah kümsü julo; kughou I no pa kulu keno, pa ye thili ke, tishikeu lono I no pa kümgha tsüno kughuko tsüniye ke.

ISAIAH 58:1

“Ighamku lo, Süchile kevilo; afuko toi o ghügha süqhelo; Iw timiqo lau panongu xine shuphe tsülo, Jacob lagha lau panongu xine shuphe tsülo.

ISAIAH 9:15

layemi ngo ajuaje küami no akütsü, eno akimki tungkupmi no ashomhi;

JEREMIYA 3:25

Ningu akukujo lono ihozüni, eno niw küthaküghapu no ni küzüluve peni nolo, kughengu ningu no Ampeu ni Lhou mjochile axine shivae, ningu eno ni puasüqo ghi, ni lhothe lono ishi kutolo ningu ye Ampeu ni Lhou tsa gholu move.”

JEREMIYA 5:31

tungkupmi no akimki tungkuptsa pi, achinemi no pano gholau no ayepe; Iw timiqo no hipau ghola kimiye, ikemu ashekha tsala ighi kelo no ye kiu shinia?

JEREMIYA 8:8

“Nongu ye kishino, ‘Ningu ye alokütsü, eno Ampeu yezah ye ni gholo ani,’ ipini kea? Ikemu julo, akiyemiw yesüta no akimki shivae.

JEREMIYA 8:9

Alokütsümi ye shikukujo nani; panongu ye aghüthisüve no meluve nani; julo, panongu no Ampeu tsa milivae, tishiaye panongu gholo kiu lokütsü ani kea?

EZEKEL 16:3

eno pilo, Ampeu Alhou no Jerusalem vilo ishi piani: no hukuthu eno no punu keu ye Canaanmi yeghi lono ke; o pu ye Amorimi eno o za ye Hittimi ke.

HOSIYA 4:6

Iw timiqo ye akighithi mikheke ghenguno kütsavae; kughengu nongu no akighithi milive ke, I chinemi shipe monike I no nongu milivae. Eno nongu no nongu Lhou yezah kümsümave akeke Ni ghi nongu tianuliqo kümsümave nani.

MICAH 3:11

Tile sakiphemi no külügho vecheo xakütha tsü; achinemi no ame lono shika; tungkupmi no pisa ghenguno pichho tsü; ikeghi panoqo no Ampeu mungu bepe no pi, “Ampeu ye ni gholo anike kumo? Amhekiqi kiumu ningu shou ikughimo nani.”

MALAKI 3:7

Nongu puasüqo ghuloki lono nongu ye I yezah lono tsüghüve eno tipaqo pemove. I lau ideighilo, eno I no nongu lau ideighini, aqokitikhi Mpeu no pi. Ikemu nongu no pi, ‘Ningu ye kishi ideighini kea?’

AKIKIHI 32:14

Julo, Israelmi shou Ampeu xukighide kighishe penike nongu axinemi tianuliqo no nongu papuqo theli lo ipeghivae!

MATTHEW 15:14

Palokuto lo; panongu ye anhethi kighiche lapiyemi ke. Anhechemi no anhechemi saphe aye, pama kinikujo aqo lo ilove nani.”

MATTHEW 27:1

Inaqhe itheno achinetomi ngo Jewmi layemi kümtsü no Jisü pithive nike ghenguno kughu.

MATTHEW 27:41

Tipaphi lono achinetomi ngo Ayezah shikükami eno layemi no pa thaqhi pi,

Apostolmi 7:51

“Nongu kuthovi keqo, amlo eno akini kilimo kemi, no puasüqo toi nongu ye alhokuthu Aghungu Kimthe mjochile cheni.

Rommi 5:12

Ikehu, milakhi vecheo ayeghiqha lo axine ighi, tipau lono akithi ighive, eno timi kümtsü no axine shive keke akithi huno kümtsü shou ikughive—