ISAIAH 43:22 - Sumi Naga CL (Re-edited) Bible (BSI)

²² “Ikeghi O Jacob, nongu ye I lau ighamku moe; eno I ju angaghai auve ke.

BAIBEL (BSI)

²² AMPEU no pi; ‘Ikemu Israil, nonguye iju anga ghaiveke; nonguno imllamoveke.

ISAIAH 43:22 Mawu Ofanana

LESHELE 14:4

Küsaküghami kümtsü no asho chu akeshi Iw timi chukhavae eno Ampeu ku ighimoe, panongu ye akighithi küha keo?

LESHELE 79:6

No mtha kemi shiyeqo lau, eno kükaqha khunono O je ku chemo keno pano shou O mlo kighide lepuku lo!

ISAIAH 64:6

Ningu kümtsü no mithemo kemi toivae, eno ni mikucho ye niqhinilai keu phinhe toivae. Ningu ye asünipa ighiqive keu toivae, eno ni xine no amülhü toi ni sasü wuvae.

ISAIAH 64:7

Milakhi mu O lau ighamku moe, eno milakhimu O süije nike wumoe, kughengu Nono ni launo itshüvae eno ni pelo ni xine lo tsüma auve peke.

JEREMIYA 10:25

O mtha keu shiyeqo shou, O je kumo kemi shou, O loghu lepuku lo, kughengu panongu no Jacob munovae, qhoi pa munovae, eno pa kungo-a ye kümsa shivae.

JEREMIYA 2:5

Ampeu no ishi piani: “O puasüqo ye I lau achipikumo kiu ithulue pi panongu ye I launo putosü lo wuve, eno ameküküha pape wuve no ame kühave kea?

DANIEL 9:13

Moses Yezah lo yepüake toi, amhekiqi hipaqo kümtsü ningu shou ikughivae; tishimu ningu ye Ampeu ni Lhouw kikimiye qhüiniju ighimo eno ni kipimi xine lono tsüghüve no Ow kuchou vecheo vethakulu ithi küphalu move.

MICAH 6:3

“O Iw timiqo, Ni ye nongu lau kiu shive kea? Ni ye kishi nongu züpüzüve kea? I khochile lo!

MALAKI 1:13

Ikemu nongu no, ‘Hi ye kiu makho kelae,’ ipi no akuchhoma shi cheni, aqokitikhi Mpeu no pi. Nongu no ngukangugha lono luvetsü keu eno kiu no lhonima momu aküsü akeno tipau pe akümllagho shi süghi ke! Tipaqo ye I no nongu u lono ikhilu kepu keshea? ipi Ampeu no pi.

MALAKI 2:17

Nongu no nongu tsa vecheo Ampeu lokümghavae. Ikemu nongu no pi, “Ningu ye kishi Pa lokümghave kea?” “Khukhumu küsakügha shikeu ye Ampeu nhethe lo akivi ke eno Pa ye tipaqo lo aloqi cheni, ipikeu lono ke.” Momu “Achipiu xakütha Lhou ye khile ani kea?” ipikeu lono ke.

MALAKI 3:14

Nongu no pi, ‘Ampeu qe akeu ye adoue. Pa za pape momu qanimlo Ampeu zülo chewu keu lo kiu ala ani kea?