ISAIAH 33:24 - Sumi Naga CL (Re-edited) Bible (BSI)

²⁴ Aghakhu lo küami khumu, “Ni ye sü ani” ipimo nani; tile akemi kipimi pevetsü nani.

BAIBEL (BSI)

²⁴ Niyeghilo auvekemi khunomu suani kepi itaghi muchhomo nani eno axineye kumtsu pevetsu nanike.

ISAIAH 33:24 Mawu Ofanana

YEKIKITHI AKINIU 30:20

Ampeu no Hezekiah kighini chilu tsüno timiqo shipivi.

IPEKULU 15:26

ghi pi, “Tsala nongu no amlo tsüqhiyi Ampeu nongu Lhou tsa ini eno Pa nhethe lo kiu no achipi keno tipau shi aye, eno Pa yezah lo nongu mlo tsü eno tipaqo kümtsü pelu aye, I no Egyptmi lau aküsü puwu keqo kiumu nongu lau süghimo nani, kughengu Ni ye Ampeu, nongu shikipiviu ke.”

ISAIAH 1:5

Kushiye nongu heqhi apeni kea? Nongu ye kushiye hebide auveni kea? Azaku no akütsü kuchopu sü ani, eno amlo no pumhomoivae.

ISAIAH 30:26

Itaghi, kughou Ampeu no Paw timi ghime kelono azaku pipekeu khavetsü eno shipivini keno, tipa tsala lono aqhi küvü no khetsünhe küvü toive eno khetsünhe küvü huno ghulo tsüni küvü peküqha keshi ghuthu tsüni piqi alaushi vüqaive nani.

ISAIAH 40:2

Mükhano Jerusalem pütsalo, li ghime ye kishekhave no li kipimi peve tsüae, Ampeu no li xine jume küghüsü kini shino tsüve keu huno lukümkha shivae pi li vilo sheshulo.

ISAIAH 44:22

I no khüngküsü toi o kipimi nuxave tsü nani eno akimhi toi o xine pevetsü nani; I lau ideighi lo kughengu I no o xachile luvae.

ISAIAH 58:8

Tishiaye, nongu küvü ye tsükutho küvü toi ipeghi nani, eno nongu shou shikipivi ye itheno ighive nani; nongu chipiu no nongu züu shino wu nani; eno Ampeu juküvü no nongu thiu nongu khe nani.

JEREMIYA 30:17

I no o shiaji puthotsü nani, eno o ghüzaku shipivi tsünani, ipi Ampeu no sheshu, kughengu panongu no no ye hapheve kemi ipi ku: ‘Hi ye khunomu tucho chemo keu Zion ke!’

JEREMIYA 50:20

Tipa ghuloki lo Israel lo kiu xinemu phumla nani eno Judah lo kiu lhoksamu küha nani, kughengu I no khunoqo ghüpe qhive keno, tipaqo xine pevetsü nani.

EZEKEL 16:63

tishikeu lono no ye kümsülu eno kujove nani, eno kughou nono mlave keqo kümtsü ghenguno I no o qhukimtheni keno o kukujo vecheo no ye itaghi khilemu o kichi xükho move nani.”

ZEKHARIA 12:8

Tipa tsalani Ampeu no Jerusalem lo küami süsho nani, tishianguno pano dolo miqemlei kemi no tipa tsalani David toi nani, eno David laghami no Alhou toi, eno AMPEUw kungumi no panongu züu wucheke toi nani.

ZAKINIU 28:27

Ampeu no Egyptmi shou shi ketoi nongu phimpi lo amishe pukutsü nani, no phimpi lo apiyi, ayiko küsü, eno akumtho ipeghi no shipivi mlape nani.

ZAKINIU 7:15

Ampeu no nongu launo küsükini kümtsü süwuve tsü nani, eno nongu no Egypt lo ithulu keu küsü lhoksa lakhimu nongu shou pukutsü mono ti kümtsü no mithi kemi shou pukuve tsü nani.

James 5:14

Nongu gholo khuana ye küsükini shi ani keshea? Pa ye akukuho lo kichimi kuno panoqo pelo Ampeu je lono thazü pesü nu püzü pa shou inikhu tsü pelo.

Piyeküsü 21:4

Pa no panongu nhethi lono anhezü kümtsü isüvetsü nani, tile ye akithi ke kumono akumlo, aküqa, eno aghimeu ghi kühave niae, kughengu püzüu thime thaqhü ye wovae.”

Piyeküsü 22:2

ti ye aphughi lo alaghila mta züsü qowu, eno aghoki ajeu piyiu ghi aküxüpu sübo aghi, tipau lo axathi jeli chighikini pithi eno aqhi atsütsü xolu cheghi. Asübo nipaqo ye shiye shikipivi ghenguno ae.