ISAIAH 28:16 - Sumi Naga CL (Re-edited) Bible (BSI)

¹⁶ ikehu Ampeu Alhou no hitoi piani: “Julo, Zion lo aboqha shi ghi atuyitu sho püakeu huye I no ke, ti ye akughupu tsükucho, thebeike boqha: ‘Khukhumu pülü keu ye lhelheivemo nani.’

BAIBEL (BSI)

¹⁶ Tighenguno AMPEU Alhou no ishi piani: “Zion lo tsatsayi keu eno akumto boqha lakhi ino qhi ani. Tipaulo akicheku tuqu lakhi ino qhi ani eno tipau shou atsa ishi yepuku puani, ‘Mutotoikeu kupuluye lhelheimo nani.’

ISAIAH 28:16 Mawu Ofanana

BOTHUBO 49:10

Sükusho süqha Judah lau süghi moke kutolo kükaküsü ye Judah phevemo, momu yepeu küsü ye pa pukhu dolono kühave monani; eno ashiayeqo no pa lau aghokulu shi nani.

BOTHUBO 49:24

tishinamu paw shexilika ye ithamoe; Jacob Lhou Akumtou u ghenguno, (Israel Tuqu, Akheu ghenguno) pa umlo ye mthüthei anie,

YEKIKITHI AKINIU 20:20

Thanau inaqhe ithe ithu no panongu no Tekoa sayeqha lo wuve. Kughou panongu no tilau ipeghi keno Jehoshaphat no puthugho no pi, “Judah ngo Jerusalem timiqo, I tsa inilo! Ampeu nongu Lhou pülülo, nongu no mtotoilu nani; Paw tungkupmi pülülo nongu no tolu nani.”

LESHELE 118:22

Aki kishimi no atu kileve keu huno kümtsü nguno atsükupuu shive.

LESHELE 87:1

Akimthe toghi lo Pa no mishighüna shikeu ani;

ISAIAH 14:32

Shiye ghinimi vilo kiu khochileni kea? “Ampeu no Zion puthuphe, eno Paw timi aveküsami no ti ijelu cheni.”

ISAIAH 30:18

Ikeghi Ampeu no nongu küpüqhiyini ke khe ani, Pa no nongu lau kimiyekini piyeni ke ithughi ani. Kughengu Ampeu ye kuchou xakütha Lhou ke; khunono Pa lajukhe acheni keno panongu kümtsü kümghapue.

ISAIAH 54:11

O aghimeshi akeu, no ye pasapagha no fukuchoqhi ke, ikemu o lopiqi tsümoe, Julo, I no o ghenguno aboqha tuqo pesü ayi kümka shou qhitsüni, eno sapphire tuqo pesü o boqha ghotsü nanie.

DANIEL 2:45

ti ye atu khikhi timi u no chhuthamo keu naghuto lono ipeghi keu nono ithulu, eno tino ayi, alazayi, aghani, ghükayi eno ameshoyi kubovetsü keno, tihu toike. Hipa thiu kiu shiniye ani keno akiqheu Lhou no akükau pelo ithivepe ani. Asamo huye thebei, eno tipau hekupho ye mtsüqhei ke.”

ZEKHARIA 10:4

Atsükucho, aphiki kufuyi, aghüshi piji, yepemi kümtsü kümtsa Pa launo ipeghi nani.

ZEKHARIA 3:9

Kughengu julo, I no Joshua zülo atu qhipüa keu, atu lakhi anhethi tsüni akeu lo I no atsa yetha pukupe qhitsü nani, aqokitikhi Mpeu no asheshu, eno hipau ghakhu xine ye I no atsala lakhi lono ikhive tsü nani.

MATTHEW 21:42

Jisü no panoqo vilo pi, “Nongu ye Kuchoyesü lo khilemu phimla aphi keshea? “‘Aki kishimi no atu kideqhive keu no atsükupu tuqu shive; hi ye Ampeu kümlae eno ti ye ni nhethi lo akichiqhipu.’”

Mark 12:10

Nongu ye Kuchoyesü hipau philu mphi kea? “‘Aki kishimi no atu kileve keu huno atsüghi tuqu shivae,

Rommi 10:11

Ti ye Kuchoyesü no piani, “Khuu no Pa pülüni keno shikujove monani.”

Rommi 9:33

ti ye ishi yepüake toi, “Julo, I no Zion lo apukhu küpsüpu, küpxa kepu tuqu sho püani; ikemu khukhumu Pa pülübe keu ye shikukujo monani.”

1 Kor. 3:11

Kughengu aboqha khikhi qhave akeno, ti ye Jisü Khristo ke, tinguno alau ye kütau boqha khunomu qhamlae.

Ephesiami 2:20

Nongu ye apostolmi ngo tungkupmi no aboqha ghotsü keu lono shiqhe puku keu kiae, Khristo Jisü ampi no atsükupu tuqu shino

2 Tim. 2:19

Ikemu Alhouw akumto boqha ye puthugho ani. Eno ti ye amchipu ishi ani: “Khunono Ampeuw keno, Pa no ithi ani,” eno “khunono Ampeu je pini keno, panongu kümtsü alhoksa lono putosüve lo.”