ISAIAH 26:6 - Sumi Naga CL (Re-edited) Bible (BSI)

⁶ Itehi ye kumlhomi ngo küha kemi pukhu no ti nedasü chewu ani.”

BAIBEL (BSI)

⁶ Qodaneda puachekeqono itehiye tipa shouno chewu anike, eno tiye pano pukhuno qoda ani.

ISAIAH 26:6 Mawu Ofanana

KUKAMI AKINIU 9:33

Pa no pi, “Hilau li vepiqive lo.” Ikehu panongu no li vepiqive. Li ji no atozü ngo khurshiqo shou küza pukuve, eno panongu no li nedasü wuve.

ISAIAH 11:4

ikemu kuchou xakütha pesü kumlhomi tsü nani, eno akuchunimi ghenguno aghibiu lono xathatsü nani; pa kichi lo ayiküsü akeu pesü ayeghi shou hepuku nani, eno pa tuthukishe pesü kixikilami pithive nani.

ISAIAH 25:10

Kughengu Ampeu u no hipau naghuto khe anani, ikemu Moab ye tübatüzü lono aghijini qoda keshi pa-a lono qodave nani.

ISAIAH 28:3

Ephraim küka kütsükuqho xapusü shomzü chekemi ye ikhipe ayeghi lono nedaqhi nani;

ISAIAH 29:19

Aqhokighemi no alokivi kithe Ampeu launo ithulu nani, kumlhomi no Israelmiw Akimtheu lau amlokiqi shi nani.

ISAIAH 3:14

Ampeu no küghaküthapu lo Paw timiqow layemi ngo mijekütsümi saghini cheni: “Atsailu külhü chuve keu ye nongu no ke, kumlhomiw hakholu keu no nongu ki chhitoi ani.

ISAIAH 3:15

Kiu kiqi lono nongu ye Iw timi chunuqhi, kumlhomi gi nedape chisheqhi ani kea?” ipi aqokitikhi MPEU no sheshu ani.

ISAIAH 37:25

I no azükikhe chhuno azü yeke, Egypt lo aghoki kümtsü I pukhu no azü khetha luve no qhaivepe.”

ISAIAH 60:14

Nongu qodaqhi chekemi nuliqo no pishiqho pesü nongu lau ighi nani; eno nongu junuqhi kemi kümtsü nongu pukhu philo pishiqho nani; panongu no nongu pesü Ampeuw mishighüna, Israel lo Akimtheu, Zion ipi kunani.

JEREMIYA 50:45

Tighenguno Ampeu no Babylon lo küamiqo shou kughu püakeu eno Chaldea lo akemi pesü kiu shiniye kümsüpu ani keno inilo. Pano tianuli kutolo sünhe sawuve nani. Mtsüqheino panongu kümtsü küsakusho lono thüghüive nani.

DANIEL 7:27

Kükaqha ngo ayekipeqha eno atsütsü qholo kükaqhaqo kughushu ye Shishe Akiqheuw akimthemi shiayeqo tsüve nani; pa kükaqha ye lhokta kükaqha shi nani, eno ayekipeqha kümtsü no pa qe eno gholu nani.’

ZEFANIA 3:11

“Tipani nono I hebide püaghi namu Ni ye o shikujomo nani; kughengu I no o launo aqheküzami tsütsüngoju chekemi ikhive nani, eno Iw akimthe toghi lo nongu ye akuchhoma shikithe mo nani.

MALAKI 4:3

Tipau tsalani kughou I no mlani keno, nongu no küsaküghami qoda nani, kughengu panoqo ye nongu pukhumza lo ayevu shive nani, aqokitikhi Mpeu no pi.

Luke 10:19

Julo, nongu pelo tüghükupu pighi ngo achuwopaza nedalu, eno aghümi küka kümtsü qhasülu penike I no kükagha nongu tsüvae; eno kiumu nongu ghüzamo nani.

Rommi 16:20

Aloino keu Lhou no kighithe nongu pukhu philono Satan nedaqhi nani. Ni Mpeu Jisü Khristow küpükini no nongu gholo apeniu.

1 Kor. 1:26

Athiküzümiqo, nongu kulu keu kümsükuto julo. Ayeghi lo küxü gholau ye nongu gholo kutomo no alokütsümi kumo, ghüsükulumi kumo, momu ghenimi kumoe.

James 2:5

I qhuu athiküzümiqo, inilo, Alhou no ayeghi lo kumlhomi kishelu no aküpülü lo kinimi shilupe eno Pa kimiyekemi tsüni keu shi piqhi püakeu kükaqha mheghi kiyighimi shilupe kekumo keshea?

JOSHUA 10:24

Joshua lau ighi, Joshua no Israelmi kümtsü kukütsü no pa gholo wukemi ghüshimi shou atomiqo vilo pi, “Hilau kupunu ighilo, nongu pukhu no kükami hipaqo kuo lo nepuku lo.” Panongu no titoi shive.

Piyeküsü 2:26

Khuu no theqhilu no ashekha kutolo I kümla shini keno, pa pelo shiyeqo shou ayepe penike I no kükagha tsü nani,

Piyeküsü 3:9

Julo, Satanw sinagogmi khunono kumomu Jewmi kepi pishiqhi cheni keno, I no panoqo pelo o zülo ighi no o pukhu philo itsaqi penike jualo, tileno panongu no Ni ye o kimiye cheni pi ithi nani.