ISAIAH 23:9 - Sumi Naga CL (Re-edited) Bible (BSI)

⁹ Aqokitikhi MPEU no aqheküza ajekipi ikhivetsü, eno agigihu küami shikujo niye kughuke.

BAIBEL (BSI)

⁹ Aqokitikhi MPEU no hi kughuke. Pano hipau kughukeuye panoqono kiu shilu keno tipaulo qheza chekeu kishekhave tsuniyeke eno tipaulo timino gihu chekemiqo ghada qhiniyeke.

ISAIAH 23:9 Mawu Ofanana

JOB 12:21

Pa no gihuküzümi shou thoküghapu pukutsü cheni, akumtomi pokha xavetsü cheni.

LESHELE 107:40

Pa no kükapumiqo shou küthakügha lepuku cheni eno Pa no panoqo pelo ala kühakeu asayeli lo aveghüzü shiuvepe cheni;

IPEKULU 8:4

Achuyiqo no o shou, ow timiqo shou eno o qemi kümtsü shou ikughive nani.”’”

ISAIAH 10:33

Julo, Alhou, aqokitikhi MPEU no akümsapu küka lono aloka loqhi nani; shishe chuqumghai keu yeqhive nani eno qhemghai akeu sünheqhive nani.

ISAIAH 13:11

Ayeghiqha küsakügha eno kixikilami xine ghenguno I no ghime nani; aqheküzami lakhave nani eno akülaki shikemi kuchunive nani.

ISAIAH 14:24

Aqokitikhi MPEU no ashoqhi shivae: “I no kughu püake toi eno I no miji püake toi tishi nani,

ISAIAH 14:26

Ayeghiqha kümtsü ghenguno kughu püakeu kimji ye hike, eno shiye kümtsü lau au chhopuwo akeu u ye hipau ke.

ISAIAH 14:27

Kughengu aqokitikhi MPEU no kughuve ke khuu no moe pini kea? Pa u chhove ke khuu no tuchile luni kea?

ISAIAH 2:11

Aqheküza nhethi xapu kemi ngo tsütsüngoju kemi ye sünheqhipe kuchunive nani, eno tipani ye Ampeu likhino chuqumghai nanie.

ISAIAH 2:12

Kughengu aqheküzami eno tsütsüngoju kemi ghenguno aqokitikhi MPEU no atsala lakhi kuto püani tipani no panoqo sünheqhive nani;

ISAIAH 2:17

Timiqo kuchhoma eno tsütsüngoju keu sünheqhipe kuchunive nani; tipani ye Ampeu likhino chuqumghai nani.

ISAIAH 23:10

O Tarshishmiqo, itehi ye lakükhapu kühave ake Nile toi no yeghi vechesü alu chiwulo.

ISAIAH 32:13

iyei, Iw timiqo yeghi lo asahu ngo aghüsahu no ghüsüve keu, eno ahukülü phughi lo alokivi kiqo kümtsü ghenguno mloqa lo.

ISAIAH 5:13

Ikehu Iw timiqo no vethakulu kühave kehu panongu ye akughu lo wucheae; pano gholo ajuaje küami no akhüava shi ani, eno aqokitikhi no atüghü no qhai ani.

ISAIAH 9:15

layemi ngo ajuaje küami no akütsü, eno akimki tungkupmi no ashomhi;

JEREMIYA 13:9

“Ampeu no ishi piani: Hipaphi lono I no Judah ngo Jerusalem qheküza kütsave tsünani.

JEREMIYA 51:62

eno pilo, ‘O Ampeu, Nono a-a hipau ye kütsave nani, hile timi na lhoxü namu kühave nani, eno alholo küghüve nanie pike.’

DANIEL 4:37

Itehi ni, Nebuchadnezzar no kungugha Kükau sheqhe eno agigihu tsü ani, kughengu Pa kümla kümtsü kuchou eno Pa laghi ye achipi; khunono no aqheküza lono checheni keno Pa no kuchunive cheni.

Obadiah 1:2

Julo, I no o pesü shiyeqo dolo aghulo shive tsüni; eno o jukünatha peni.

MALAKI 4:1

“Kughengu julo, atsala ye cheni, amiphoki lo toi iqü ani, akuchhomami eno küsaküghami kümtsü aghijini toi pitive nani. Atsala tipau chekeu huno panoqo pitive nani, aqokitikhi Mpeu no pi, tishianguno tino panoqo ghenguno akuhu momu aloka mu qhimono pitive nani.

Apostolmi 4:28

Nono azünatha kughu püakeu panongu no shike.

Ephesiami 1:11

Alhou khuu no thokha Pa pulou kimji lono mlaitha cheni keno, Pa kukughu lono azünatha ningu kishelu kehu ningu ye Khristo laumi shilu keu lono Alhouw akütsa mheghi shiluvae,

Ephesiami 3:11

Hi ye Paw lhokta kimji ni Mpeu Khristo Jisü launo shikupu tsükeu kiqi lono ke,

James 4:6

Ikemu Pa no küpükini alau tsü kehu Kuchoyesü no ishi pie, “Alhou no aqheküzami lakhave cheni ikemu aqhokighemi lau küpükini tsü cheni.”