ISAIAH 12:4 - Sumi Naga CL (Re-edited) Bible (BSI)

⁴ eno tipa tsala lo ishi pi nani: “Ampeu shikimthi tsülo, Pa je kulo, ashiayeqo vilo Pa kümla lhepiyelo, Pa ye sheqheküzü kepi shuphelo.

BAIBEL (BSI)

⁴ Timiqono ishi shipili nikeu tsala lakhi ighi nani, “AMPEU shikimthilo! Nongu kuphupenike pa kulo! Ashiayeh kumtsu vilo pano kiu shipuani keno pesu pilo! Panoqo vilo paye kiutoi kijekela pilo!

ISAIAH 12:4 Mawu Ofanana

YEKIKITHI ATUGHIU 16:8

O Ampeu shikimthilo; Pa je kulo; ashiayeqo pelo Pa kümla ithi pelo!

YEKIKITHI ATUGHIU 29:11

Aküka kumto kuloghi, ajuküvü, tokulu, akükanguagha ye Ow ke, O Ampeu, kughengu atsütsü eno ayeghi lo akeu thime kümtsü Ow ke. Ayekipe ghi Ow, eno O pesü kümtsü shou yepeu shiküzüe.

NEHEMIA 9:5

Tishino Levimi Jeshua, Kadmiel, Bani, Hashabneiah, Sherebiah, Hodiah, Shebaniah, eno Pethahiah noqo no pi, “Puthugho lo eno alho lono alholo Ampeu nongu Lhou shelo. O jekipi je sheqhelo, kughengu O je ye shekiqhe eno akishe kümtsü nguno akiqheu lo peqhe püanike.

LESHELE 105:1

Shikimthi keu Ampeu tsülo; Pa je sheshulo; ashiayeqo pelo Pa kümla ithi pelo!

LESHELE 107:22

Eno panoqo pelo shikimthikütsü ghakishi mlla pelo, eno alokivi le vecheo Pa kümlaqo pitsü pelo.

LESHELE 113:5

Ampeu ni Lhou khuu kungugha lo ani keno Pa toike khuu ani kea?

LESHELE 148:13

Panoqo pelo Ampeu je sheqhe pelo, kughengu Pa je likhi no akiqheu ke; Pa kükanguagha ye ayeghi ngo atsütsü shou ani.

LESHELE 18:46

Ampeu ye xüani, I tuqu shipili lo, eno I xakulu Lhou sheqhelo.

LESHELE 21:13

O Ampeu, O kumto lono O süqhelo! Nino O küka shipili eno sheqheni.

LESHELE 22:31

Panongu no ighi no Pa chipiu mikucho pesü timi punu niye akeqo vilo sheshu nani, kughengu Pa no hipau shive tsüae.

LESHELE 34:3

O! I gholono Ampeu je pikülha lo, eno ningu kümtsa Pa jepipi tsüni nolo!

LESHELE 40:5

O Ampeu I Lhou, Nono ni lau Ow akümzapu kümla eno O kükümsü kutho kutomo shitsü; khunomu O sasü kimghi mlae! I no asheshuni eno tipaqo pini, ikemu ti ye pikhaluni chemoe.

LESHELE 46:10

“Iqüghai lo, eno Ni ye Alhou kepi ithilo. Shiyeqo gholo I je süqhe nani, ayeghi lo I je süqhe nani!”

LESHELE 57:5

O Alhou, kungugha shou O je süqhe lo! Ayeghiqha kümtsü lo O juküvü alupe lo!

LESHELE 68:5

Mighimi papu eno chimemi sükushou ye Alhou, Pa kimthe kungo-a lo ani.

LESHELE 73:28

Ikemu I ghengu ye Alhou phivilo ngolu keu pavie; ni ye Ampeu Alhou pesü Iw sükusho shivae, tishikeu lono I no O kümla ghili pini.

LESHELE 9:11

Ampeu, Zion lo kükalakhü lo iqa akeu lau shekiqhe le phelo! Ashiayeqo vilo Pa kümla pilo!

LESHELE 96:3

Shiye kümtsü lau Pa juküvü eno timiqo kümtsü vilo Paw akümzapu kümlaqo sheshulo!

LESHELE 97:9

Kughengu, O Ampeu, No ye ayeghiqha kümtsü shou shishe akiqheu; No ye alhou kümtsü shou qhemghai süqheke.

IPEKULU 15:2

Ampeu ye I kumto eno I le ke, eno Pa ye Iw xakuluu shivae; hi no I Lhou ke, I no Pa sheqheni, I pu Lhou, I no Pa süqheni.

IPEKULU 33:19

Eno Pa no pi, “I no Iw akivi kümtsü pesü o zülono wupeni eno o zülono I je ‘Ampeu’ ipi sheshuni. I no khuu küpüqhiyini keno pa küpüqhiyi nani, eno khuu kimiyeqhiyini keno pa kimiyeqhiyi nani.

ISAIAH 12:1

Tipa tsala lo nono ishi pi nani: “I no O shikimthini, O Ampeu, kughengu Nono I jupe amloide anamu, I lokughuno tsüniye O mlokighide taveke.

ISAIAH 2:11

Aqheküza nhethi xapu kemi ngo tsütsüngoju kemi ye sünheqhipe kuchunive nani, eno tipani ye Ampeu likhino chuqumghai nanie.

ISAIAH 2:17

Timiqo kuchhoma eno tsütsüngoju keu sünheqhipe kuchunive nani; tipani ye Ampeu likhino chuqumghai nani.

ISAIAH 24:15

Ikehu kipelau no Pa sheqhelo; azüghimkü lo küami no Ampeu, Israel Lhou je sheqhelo.

ISAIAH 25:1

O Ampeu, No ye I Lhou; I no O süqhe eno O je sheni, kughengu Nono akümzapu kümla püzüu no kughuchho püakeu mtsüqhei eno pükhükulu shi mlatsüe.

ISAIAH 26:8

O Ampeu, Ow küghakütha laghi lono nino O laju khe ani; O je eno O kümsüchilelu keu no ni ngulho no mine chekeu ke.

ISAIAH 33:5

Ampeu ye qhemghaike-a lo ani; Pa no kuchou xakütha ngo achipiu mikucho pesü Zion shepichhitsü nani,

ISAIAH 42:12

Panongu pelo Ampeu lau ajuküvü tsü pelo; eno azüghimkü yeghi lo Ampeu sheqhelo.

ISAIAH 48:20

Babylon lono ipevelo, Chaldea lono povelo, alokivi lono hipau sheshulo; ayeghi shekha kutolo ishi pilo, “Ampeu no Pa qeu Jacob xaluvae!”

ISAIAH 66:19

Eno I no panoqo gholo amchipu lakhi tsü nani. Eno panoqo gholo ghüluve kemi khami I no shiyeqo lau puwu nani eno I juküvü ghili pesü hipaqo lau pi nani, ti ye shexilika peche kemi shiye Tarshish, Pul eno Lud, eno I jekipi chimla aphikemi, azüghimkü lo akeqo Tubal ngo Javan qhalo.

JEREMIYA 50:2

“Shiyeqo gholo sheshulo, michiphi süqhe no pikülhalo, küsüpe qhikevi no veküphalo: ‘Babylon ye leluvae, Bel ye shikujovae, Merodach ye aghüthi süvae. Li julhoqo ye shikujovae, Li julhoqo ye aghüthi süvae.’

MALAKI 1:11

Kughengu khetsünhe ipeghike lono ilo moke kutolo I je ye shiyeqo dolo kije shi nani, eno a-a kümtsü lo tsüngqüi keu kümllagho eno akimthe kümllagho I je lono mlla nani. Kughengu I je ye shiyeqo dolo kije shi nani, aqokitikhi Mpeu no pi.

John 17:26

I no panoqo pelo O je ithive ape eno I no tishi anani, tishianguno Nono I kimiye keu kikimiye no panoqo lolo apeni, eno ni ghi panoqo lolo anani.”