IPEKULU 40:20 - Sumi Naga CL (Re-edited) Bible (BSI)

²⁰ Pa no ashepe tu ikhipe puloshoqhi bohu lo süve, eno akipesüqo pesü puloshoqhi bohu lo xisüve no akünha pesü tipau nhave.

BAIBEL (BSI)

²⁰ Tipathiu pano atu pha kuma ikhipesu Puloshoqhi Bohu lo suve eno akhadu pesu ayi bocholo chuxusuno akunha pesu tipau shou beve.

IPEKULU 40:20 Mawu Ofanana

KUKAMI ATUGHIU 8:9

Puloshoqhi bohu alou kütau ye kiumu küha, ikemu panongu no Egypt lono ipeghi kethiu, Ampeu no Israelmi sasü Puloshoqhi shikeu-a, Horeb lono Moses no atupha kini sükeu likhi ae.

YEKIKITHI ATUGHIU 15:3

David no Ampeuw Puloshoqhi Bohu pewo a-a khile pa no kutopüa keno tile qhive niye Israelmi kümtsü hekütsü sawo Jerusalem lo qhie.

YEKIKITHI AKINIU 5:10

Puloshoqhi bohu alou ye khaghi Israelmi no Egypt lono ipeche kelo Ampeu no panongu sasü Puloshoqhi shikeu, Moses no atupha kini Horeb lono süpüakeu nguno kütau ye kiumu kühae.

LESHELE 40:8

O I Lhou, O gho-apulou shinikeu no I züküvüe; O yezah ye I mlo lo anie.”

IPEKULU 16:34

Ampeu no Moses azah tsü ketoi, Aaron no tipau pesü Ampeu zülo thopi lakhi shi peniye qhive.

IPEKULU 26:34

Shishe Akimthe-a lo puloshoqhi bohu shepe ye akünha pesü nhavelo.

IPEKULU 31:18

Kughou Ampeu no Sinai Naghuto lono Moses pütsa tave keno, Pa no ashepe tulupha kini, Alhou uloti no yepuku keu atulupha küma pesü Moses tsüve.

IPEKULU 40:19

Ampeu no Moses azah tsüke toi, pa no Ampeu kungo phiki shou aphiki pesü nhave.

IPEKULU 40:3

Tipau lo puloshoqhi bohu qhilo, eno nongu no nhaqhiphi pesü puloshoqhi bohu küzüve lo.

MATTHEW 3:15

Ikemu Jisü no pa khochile, “Itehi ye tishive aghilo, kughengu Alhou lopu shiluni keu mikucho kümtsü shikupu tsükeu ye ningu ghenguno achipi ke.” Tileno John no pulove tsü.

Rommi 10:4

Kughengu Ayezah kimji ashekhau ye Khristo ke, tishianguno khukhumu pülü keu pelo achipikalu peniye ke.

Rommi 3:25

Khristo no axine pevekulupu ghakishi shikeu aküpülü lono ikhilu peniye Alhou no Pa pephetsü. Hi ye Alhou chipiu-mikucho piyeni kehue, kughengu Paw kheakulu vecheo Pa no püzüu xineqo juzüve tsüe.

ZAKINIU 10:5

Tithiu I no naghuto lono iqighi no atupha küma pesü Puloshoqhi bohu lo süve. Eno Ampeu no azah tsüke toi tilehi acheni.”

IBRIMI 4:16

Tighenguno ningu amlo kumtoshi küpükini kükalakhü kupunu wuni nolo, tishianguno ningu no kimiyekini ithulu eno avehupu shive kelo küpükini phulu nani.

IBRIMI 9:4

tile tsüngqüi keu kiptia ameshoyi no shikeu ngo puloshoqhi bohu ameshoyi no ako kümtsü küzüve keu ache, tipau alou ameshoyi bohu lo manna süpüa, Aaron küsü anipa ishe ipeghive keu, eno atulupha kini lo puloshoqhi tsa yepe qhikeu ache.

1 John 2:2

Pa no ni ghenguno axine kümllagho shive tsüe, ni ghengu likhi no kumo püzü ayeghiqha kümtsü xine ghengu ghike.