IPEKULU 32:16 - Sumi Naga CL (Re-edited) Bible (BSI)

¹⁶ Atulupha tiküma ye Ampeu kümla ke, eno ti ye Ampeu no yekeu, tiküma lo kixi puku keu ke.

BAIBEL (BSI)

¹⁶ Alhou ampino atu pha mlake eno ahzaqo pesu tipau qolo yepukuke.

IPEKULU 32:16 Mawu Ofanana

JOB 19:24

O, ayi yesüta lo ayizü lesü no alhokupuju atuqu lo yepukulu keaye lae!

IPEKULU 31:18

Kughou Ampeu no Sinai Naghuto lono Moses pütsa tave keno, Pa no ashepe tulupha kini, Alhou uloti no yepuku keu atulupha küma pesü Moses tsüve.

IPEKULU 32:15

Tithiu Moses no tsüghüsü pa u lo ashepe tulupha kini pesü naghuto lono iqive, atulupha tiküma ye azüu eno athiu ghi putoputo yesü püae.

IPEKULU 32:17

Kughou timiqo no igha akeu sütsa Joshua no chilu keno, pa no Moses vilo pi, “Aghazü lo aghüshi sütsa chilu anie.”

IPEKULU 34:1

Ampeu no Moses vilo pi, “Azüu toi keu atulupha kini no ampi no chhutha lo, eno azüu atulupha khikhi nono kubove keno tile yepüakeu tsa I no yepuku tsüni.

IPEKULU 34:4

Ikehu Moses no atulupha kini azüu toi chhutha. Eno Ampeu no azah tsü ketoi pa no inaqhe itheno ithu atulupha kini pa u lono pesü Sinai Naghuto lo ikuve.

2 Kor. 3:3

Eno nongu ye Khristo launo ighi keu, ni vecheo pekiye süghi keu yesü ke, akiyezü no kumoe ikemu aküxüpu Lhou Ghungu no yekeu, atulupha lo kumoe ikemu timi mlo lo yepuku keu ke.

2 Kor. 3:7

Tsala akithi süghi keu kümlapu, ti ye atupha lo atsathi chitha puku keu thotsü ajuküvüpu shi ighi kehu Israelmi ye ado ikhonhei kemu Moses gilo jupuku mlave aghi aye,

ZAKINIU 10:1

“Tileno Ampeu no I vilo pi, ‘Atupha atüghüu toi kini yetha eno tiküma süpe qhikepu asü bohu lakhi mlano naghuto lo I lau iqhoghi lo.

ZAKINIU 9:15

Ikehu I no naghuto lono iqighi kelo naghuto lono ami iqü aghi. Atupha küma I u lo peche.

IBRIMI 8:10

Ampeu no sheshu, hipa thiu I no Israel kibolomi sasü puloshoqhi shinikeu ye hike: I no I Yezah pesü pano kükümsü lo sütsü nani, eno pano mlo lo yepukutsü nani, I no panongu Lhou shi nani, eno panongu no Iw timi shi nani.