IPEKULU 31:18 - Sumi Naga CL (Re-edited) Bible (BSI)

¹⁸ Kughou Ampeu no Sinai Naghuto lono Moses pütsa tave keno, Pa no ashepe tulupha kini, Alhou uloti no yepuku keu atulupha küma pesü Moses tsüve.

BAIBEL (BSI)

¹⁸ Alhou no Muse sasu Sinai Toghilo kuptsa tave puzu atu pha kini pesu patsuke, tipau shou Alhou ampino ahzaqo yepukue.

IPEKULU 31:18 Mawu Ofanana

KUKAMI AKINIU 11:12

Tishino Jehoiada no akükau nu saipeghi no aküka kütsükuqho pa pipe eno ashepe pa tsü. Panongu no pa pesü akükau kepi shuphe eno nukisheve, tishino panongu no au kukhu ishi pi, “Akükau axüshu peniu!”

IPEKULU 24:12

Ampeu no Moses vilo pi, “Naghuto lo I lau ikughi lo eno tilauno I ngokhe lo, tishianguno I no atulupha lo Ayezah ngo azakütsü, khikhi I no panoqo kütsüshika penike yepüani keno tipaqo o tsüni.”

IPEKULU 24:18

Moses no khüngküsü dolo ilove no naghuto lo ikuve. Eno Moses ye putho pucho atsala lhobidi naghuto lo ngove.

IPEKULU 8:19

Tithiu küdüumi no Pharaoh vilo pi, “Hipau ye Alhou u kena.” Ikemu Pharaoh mlo ye kuthovive, eno Ampeu no pi ketoi, pa no panoqo tsa initsü move.

JEREMIYA 31:33

Tithiu I no itehi Israel kibo sasü puloshoqhi shini keu ye hike, Ampeu no sheshu: I no I yezah panongu lolo sütsüni, panongu mlo lo yesü tsüni. I no panongu Lhou shinani eno panongu no Iw timi shinani.

MATTHEW 12:28

Ikemu I no Alhou Ghungu pesü tüghami haphe aghi aye Alhou yekipe ye nongu lau ighivae.

Luke 11:20

Ikemu Alhou no au chhosü keu vecheo I no tüghami haphe aye, Alhou yekipe ye nongu lau ighivae.

2 Kor. 3:3

Eno nongu ye Khristo launo ighi keu, ni vecheo pekiye süghi keu yesü ke, akiyezü no kumoe ikemu aküxüpu Lhou Ghungu no yekeu, atulupha lo kumoe ikemu timi mlo lo yepuku keu ke.

ZAKINIU 10:4

Ampeu no atüghüu lo yepuku keu tsatho atupha küma lo yepuku tsü, ti ye Azakütsü Chighi nongu no naghuto philo kumqoke tsalani Pa no ami lono nongu vilo pikeqo tsake. Ampeu no tiküma pesü I tsüve.

ZAKINIU 4:13

Pa no Paw puloshoqhi nongu vilo sheshu, nongu vilo shilo pikeu ye Azakütsü Chighi, ti ye Pa no atupha kini shou yepuku tsüe.

ZAKINIU 5:22

“Atsa hipaqo ye nongu no naghuto lo kumqo akelono kütau kiumu süküqha mono Ampeu no ami, khüngküsü eno aküzü kutho lono asütsa kuloghi shi pike. Eno Pa no atupha kini shou tipaqo yepuku no I tsüe.

IBRIMI 9:4

tile tsüngqüi keu kiptia ameshoyi no shikeu ngo puloshoqhi bohu ameshoyi no ako kümtsü küzüve keu ache, tipau alou ameshoyi bohu lo manna süpüa, Aaron küsü anipa ishe ipeghive keu, eno atulupha kini lo puloshoqhi tsa yepe qhikeu ache.