IPEKULU 29:18 - Sumi Naga CL (Re-edited) Bible (BSI)

¹⁸ eno ambetsü kuchopu akiptia lono pitive lo. Hi ye Ampeu lau akipti kümllagho lakhi, Ampeu lopu xokütsüngü achuqupu kümllagho ke.

BAIBEL (BSI)

¹⁸ Achuqupu kumllagho lakhi shi bheri tipau akuchopu pitivelo. Hipau kumllagho xoye ipulokutu chenike.

IPEKULU 29:18 Mawu Ofanana

BOTHUBO 22:13

Abraham no pa nhethi tsüpuku jukelo pa thiu ambetsü lakhi atsünipho lo akibo künakufupe aghi. Pa no wuno ambetsü pesü pa nu züqhulo akipti kümllagho shi tsüve.

BOTHUBO 22:2

Alhou no pi, “O nu lakhi likhi akeu Isaac, khuu nono kimiye cheni keno, pa sasü Moriah yeghi lo wulo, eno tilau naghuto lakhi khikhi I no o piyeni keno tileno pa pesü akipti kümllagho shi tsülo.”

BOTHUBO 22:7

Isaac no pa pu Abraham vilo pi, “I pu!” Pa no pi, “Ni hile ani, I nu.” Isaac no pi, “Julo, ami ngo asü ye ani kemu akipti kümllagho ghenguno ambe khile ani kea?”

BOTHUBO 8:20

Tishino Noah no Ampeu lau akümlla-khache shiqhe eno mqhamqhi keu lhoxü ngo aghau khami ikhilu no akümlla-khache lono akipti kümllagho tsüe.

BOTHUBO 8:21

Kughou Ampeu no tsüngqüi keu xo münalu keno, Ampeu no Pa mlo lono ishi pi, “Ni ye itaghi khilemu timi xine ghenguno ayeghi müsüini moae, kughengu alhothe lonomu timi kükümsü kupulo ye küsaküghae. Ti kumono Ni ye I no shike toi itaghi khilemu lhoxüqo pügha kithemae.

KUKAMI ATUGHIU 18:38

Tileno Ampeu no ami piqi tsüno akipti kümllagho ngo asü, atu, ayeghimkhu, eno azülaki lo azü akeu kümtsü piti pühave.

KUKAMI ATUGHIU 3:4

Akükau no Gibeon lo aghashi niye wu, kughengu tino aghakishi-a kije ke; Solomon no tileno ghuthu qhethonhe akipti kümllagho tsüche.

LESHELE 50:8

O ghakishi ghenguno Ni ye o lomipi moe; o kipti kümllagho ye alhokuthu I zülo acheni.

IPEKULU 29:17

Tithiu ambetsü aleqhi shi ghethalo, eno kighinoli ngo apukhuqo qhukimthe no ashileqhi ngo akütsü gholo süküqha lo,

IPEKULU 29:25

Tithiu panoqo u lono tipaqo ikhilu no akümlla-khache shou no akipti kümllagho shi pitive lo, ti ye Ampeu lopu xokütsüngü, Ampeu lau achuqupu kümllagho lakhi ke.

ISAIAH 1:11

Ampeu no pi ani: “Nongu ghakishi hijeje kiu ala ani kea? Ni ye akipti kümllagho ghenguno ambetsü eno akivishi lojive keu lhoxü tha lukümkha ani; Ni ye amshitsü, momu ambeti ngo ane hipaqo ji pesü I züküvü shichemoe.”

JEREMIYA 6:20

Sheba lono müsüghüta, momu ayeghi putou no axo kivi ighi keu ye I ghenguno kiu avehupu ani kea? O kipti kümllagho ye ikhikümlapu, momu o ghakishi ye I lopu shimlae.

ACHINE 1:17

Pa no tipau chishibo tsüqüpe no sülaveni, ikemu sütha kütüta shimono akiptia lo ami iqü akeu lono pitiveni. Ampeu lopu mülüi keu xo hino akipti kümllagho ke.”

ACHINE 1:9

ikemu kighinoli eno apukhuqo ye azü lono qhuveni. Achineu no tipaqo kuchopu akiptia lono achuqupu kümllagho, Ampeu lopu mülüi keu xo shi ghi pitiveni.”

ACHINE 4:31

Külakishi kümllagho lo toi atha kuchopu pewo akiptia lono Ampeu lopushi mülüi keu xo tsünike pitiveni. Tishino achineu no pa ghenguno lokichile shitsü no pa kipimi qhivetsü nani.

ACHINE 8:21

Ampeu no azah tsüke toi Moses no aboloshi eno apukhuqo azü no qhuve no ane kupuju akiptia lono pitive. Tino mülüi keu xo kipti kümllagho, achuqupu kümllagho Ampeu lopu ke.

ACHINE 9:24

Ampeu zülono ami ipeghi no akipti kümllagho eno atha jeli akiptia lo akeqo pitive, ikehu kughou timi kümtsü no ti ithulu keno, panongu no ighau khave no ikiqi agi pishiqho luve.

Mark 12:33

Eno tipau gholo amlo kuchopu, vethakulu eno akumto kümtsü pesü Pa kimiyeni keu, alikhi ampi toi akisüghüu kimiyeni keu, hipaqo no kuchopu kipti kümllagho eno aghakishi kümtsü nguno akijeu ke.”

Ephesiami 5:2

Khristo no ningu kimiye no Pa ampi pesü Alhou lau axokütsüngü eno aghakishi kümllagho shi tsüve ketoi kikimiye lono xülo.

FILIPIAMI 4:18

Nongu no I tsüpuwu keu eno tinguno alau ghi ithuluvae. Nongu no Epaphroditus launo agho tsüpuwu keu ithulu ke ni ye lukümkha shivae, ti ye axokütsüngü kümllagho, Alhou lau ikhikulupu eno Pa pulou ghakishi ke.

SAMUEL ATUGHIU 7:9

Tighenguno Samuel no ambeti lakhi pesü kuchopu kipti kümllagho shi Ampeu tsü. Eno pa no Israelmi ghenguno Ampeu lau inikhu kelo Ampeu no pa khochiletsü.