IPEKULU 28:43 - Sumi Naga CL (Re-edited) Bible (BSI)

⁴³ eno alou mini tipaqo ye Aaron ngo pa nuli no kughou kuposhukulu phiki lo iloghini momu Akimthe-a lo achine kümla shiniye akümlla-khache lo ighini keno tileno pepuni, tikumo aye panongu ye akipimi xapu thive nosae. Hi ye alholo pa eno pa tikughuko athiumi ghenguno ayezah lakhi shi ache nani.

BAIBEL (BSI)

⁴³ Aron ngo panuliqoye ino ngochekeu phikilo ilonikelo momu Akimthe-alo achinemi shi iqenike akiptia kupunu wunikelo pulhapuju tipaqo pepu masa, tishi anguno panoqo phikumsa ithuluve pekeu lono panoqo pithive nosake. Hiye Aron ngo pa polo kughukomi ghenguno alholo peitha kepu yeh ke.”

IPEKULU 28:43 Mawu Ofanana

IPEKULU 20:26

Eno nongu ye anepa lono I kümlla khache lo ikumoni, tishianguno nongu kukujopu tileno ithulu pemonie.’

IPEKULU 27:21

Kuposhukulu phiki lo nhaqhiphi nguno khalau, ti ye ashepe akeu zülo, Aaron ngo pa nuli no Ampeu zülo avelau no inaqhe kutolo tipau jukutoni. Hi ye ayezah lakhi shi Israelmi no tiqheli kümtsü lo alholo ghenguno papeni.

IPEKULU 30:21

Panongu no au ngo apukhu qhuveni, tishianguno panongu ye thimo nani. Hi ye tiqheli kupuju lo panoqo ghenguno eno pano tikughuko ghenguno alholo khuaye shini.”

EZEKEL 44:17

Kughou panongu no khagho kikhala alou iloghini keno phepheike phi pepu nani. Panongu no khagho alou achine kümla shikelo amhi phi pepumo nani.

ACHINE 16:13

eno tsüngqüi keu ta pesü Ampeu zülo ami lo süni, tipau michhi no Puloshoqhi bohu shou kimiyekini lakhü küzü luve nani, tishianguno pa ye thimo nani.

ACHINE 17:7

Tishikeu lono panongu ye ane kimihi ghawu, khuu panoqo no sasü küzüvü acheni keno, pa lau aghashi auve monani. Tiqheli kupuju lo hi ye Israelmi ghenguno alholo pimheye shivae.

ACHINE 22:15

Israelmi no Ampeu lau akimthe kümllagho tsükeu kütami no chupusü akipimi xapuve no kitiqe nosa kehu achinemi ye panongu shikitiqe moni: kughengu Ni ye Ampeu nongu shikimthe chekeu ke.”

ACHINE 22:9

Achinemi ye I no azah tsükeu papeni, tikumo aye panongu no akipimi shive no thive nosae: Ni ye Ampeu panongu shikimthe chekeu ke.

ACHINE 3:17

Nongu ye atha na aji namu chumoni, hi ye tiqheli kupuju lo nongu no küghüna chekeu-a kümtsü lo pimhe cheni keu yezah shivae.

ACHINE 5:1

“Khuana no küqüve no thopi shi penike aqha zülono inijuni, eno timi lakhino pa ye ithulu püani momu ithi ani kehu thopi tsülu nani kemu pimove aye, timi hupau kipimi pa no xapuni;

ACHINE 5:17

“Khuana no Ampeu zakütsü lo shimo kepu lakhimu shive no axine shive aye, pa no mthano shive aghi namu kughou pa kipimi kümsüchile luni keno, pa ye pa xine xapu masae.

AKIKIHI 15:15

Tiqheli kümtsü lo nongu eno inaghami nongu gholo akemi kümtsü ghenguno akhuaye lakhishi pechelo. Ampeu zülo nongu eno inaghami kümtsü aphiphie.

AKIKIHI 18:22

tishianguno Israelmi kütami ye kuposhukulu phiki kupunu ighipe moniye ke, tikumo aye panongu ye axine shive no thive nosae.

AKIKIHI 18:32

Nongu no tipau lono akiviu pesü Ampeu lau tsüve aghi aye nongu ye chukelo kiumu akipimi shimo nani. Ikemu Israelmiw akimthe thimeqo shipixi kevilo, tikumo aye nongu ye thive nani.’”

AKIKIHI 18:8

Tishino Ampeu no Aaron vilo pi, “Julo, Israelmi no kishekimthepe akümllagho shi I tsükeu kümtsü shou jukütsü penike I no o pichetsü ani. Tipaqo pesü I no alholo ghenguno no eno o nuliqo saje shitsü ani.

AKIKIHI 9:13

Ikemu khuu no kicheghüzü lo wumo eno achinepu lo mithe apülaghi Hechekulu pini moni keno, pa ye azah shipüakeu tsala lo Ampeu kümllagho süghimo kehu paw timiqo gholono hapheveni; pa xine ye pa no xapuni.