IPEKULU 25:16 - Sumi Naga CL (Re-edited) Bible (BSI)

¹⁶ Eno I no o tsüniye akeu zakütsü pesü abohu lo ashepe lakhi shi qhini.

BAIBEL (BSI)

¹⁶ Tipathiu no abohu lo ino otsuniye akeu atu pha kuma ikhisulo, tipaqo shou ahzaqo yepuanike.

IPEKULU 25:16 Mawu Ofanana

KUKAMI ATUGHIU 8:9

Puloshoqhi bohu alou kütau ye kiumu küha, ikemu panongu no Egypt lono ipeghi kethiu, Ampeu no Israelmi sasü Puloshoqhi shikeu-a, Horeb lono Moses no atupha kini sükeu likhi ae.

KUKAMI AKINIU 11:12

Tishino Jehoiada no akükau nu saipeghi no aküka kütsükuqho pa pipe eno ashepe pa tsü. Panongu no pa pesü akükau kepi shuphe eno nukisheve, tishino panongu no au kukhu ishi pi, “Akükau axüshu peniu!”

YEKIKITHI AKINIU 23:11

Tishino panongu no akükau nu saipeghi no akütsükuqho pa pipe eno ashepe pa tsü. Panongu no pa pesü akükau kepi sheshu, eno Jehoiada ngo pa nuli no pa nukisheve, tishino panongu no pi, “Akükau axüshu peniu!”

IPEKULU 16:34

Ampeu no Moses azah tsü ketoi, Aaron no tipau pesü Ampeu zülo thopi lakhi shi peniye qhive.

IPEKULU 25:21

Eno akünha ye puloshoqhi bohu kütsüqa lo qhini, eno puloshoqhi bohu lo I no o tsüniye akeu zakütsü pesü nono ashepe lakhi shi qhini.

IPEKULU 26:33

Nhaqhiphi pesü aphiki kunguu akufupu ajoshi akeu lo pufu wolo eno puloshoqhi bohu shepe pesü tile nhaqhiphi dolo peiloghi lo. Eno nhaqhiphi no Akimthe-a ngo Shishe Akimthe-a küma dolo kotha kütüta shi qhini.

IPEKULU 27:21

Kuposhukulu phiki lo nhaqhiphi nguno khalau, ti ye ashepe akeu zülo, Aaron ngo pa nuli no Ampeu zülo avelau no inaqhe kutolo tipau jukutoni. Hi ye ayezah lakhi shi Israelmi no tiqheli kümtsü lo alholo ghenguno papeni.

IPEKULU 30:36

Tipaqo hami pesü mukhumuno shi kubo no kitila ikhipe kuposhukulu phiki lo ashepe akeu, khilehi I no o sasü kushoni ye ani keno, tipa zülo qhilo. Ti ye nongu ghenguno ighono akimthe ke.

IPEKULU 30:6

Eno tipau pesü nhaqhiphi puloshoqhi bohu zülo akeu, akünha phivilo qhilo, tileno I no o sasü kushoni.

IPEKULU 31:18

Kughou Ampeu no Sinai Naghuto lono Moses pütsa tave keno, Pa no ashepe tulupha kini, Alhou uloti no yepuku keu atulupha küma pesü Moses tsüve.

IPEKULU 32:15

Tithiu Moses no tsüghüsü pa u lo ashepe tulupha kini pesü naghuto lono iqive, atulupha tiküma ye azüu eno athiu ghi putoputo yesü püae.

IPEKULU 34:29

Kughou Moses no Sinai Naghuto lono ashepe tulupha kini pa u lono pesü iqighi keno, pa ye Alhou sasü küptsa ake ghenguno pa gi yiko vüqai akeu ithimoe.

IPEKULU 38:21

Ampeu kungo phiki, ti ashepe phiki ghenguno Moses zakütsü kiqi lono yekütsü keu ye hike, Levimiw bemakho ye Aaron achineu nu Ithamar kichemije kütsü qholono mlae.

IPEKULU 40:20

Pa no ashepe tu ikhipe puloshoqhi bohu lo süve, eno akipesüqo pesü puloshoqhi bohu lo xisüve no akünha pesü tipau nhave.

AKIKIHI 17:4

Tishino kuposhukulu phiki lo puloshoqhi bohu zülo I no o pütsa cheke-a lo qhivelo.

Apostolmi 7:44

“Asayeqha lo ni puasüqo ye Ampeu phiki ache, ti ye Alhou no Moses vilo mla lopi azah tsükeu, eno aye pa piyekeu kiqi lono ke.

Rommi 3:2

Kuchou no pithuni keloye ala kümtsü lono thono, Alhou tsape ye Jewmi lau tsü paghie.

ZAKINIU 31:26

“Ayezah kaku hipau ikhipe Ampeu nongu Lhouw Puloshoqhi bohu phivilo qhilo, tishianguno tino Paw timiqo shou thopi shinani.

IBRIMI 9:4

tile tsüngqüi keu kiptia ameshoyi no shikeu ngo puloshoqhi bohu ameshoyi no ako kümtsü küzüve keu ache, tipau alou ameshoyi bohu lo manna süpüa, Aaron küsü anipa ishe ipeghive keu, eno atulupha kini lo puloshoqhi tsa yepe qhikeu ache.

JOSHUA 4:16

“Puloshoqhi Bohu kipemi achinemi vilo Jordan lono ipeghive lopi azah tsülo.”