IPEKULU 16:28 - Sumi Naga CL (Re-edited) Bible (BSI)

²⁸ Ampeu no Moses vilo pi, “Nongu ye khitohi I yezah papeni keu miliveni kea?

BAIBEL (BSI)

²⁸ Tileno AMPEU no Muse vilo pike, “Khitotohi kutolo nongu timiqoye ino ahza tsukeu agholumono aniaphi kya?

IPEKULU 16:28 Mawu Ofanana

KUKAMI AKINIU 17:14

Ikemu panongu no ini tsümo eno pano puasüqo no Ampeu pano Lhou pülübemo ketoi, panongu no kuthovi ke.

KUKAMI AKINIU 17:15

Panongu no Pa khuayeqo eno puloshoqhi khikhi pano puasüqo sasü shi keno, ti thaighae. Panongu no kichile julhoqo pape eno sükümxa lo Ampeu no shiye khunoqo toi shi kevilo pi azah tsü keno, tipaqo pape ke.

LESHELE 106:13

Ikemu panongu no paikhavi lono Pa kümlaqo kümsümave; panongu ye Paw shiküka ngokhe move!

LESHELE 78:10

Panongu ye Alhouw puloshoqhi pemove, eno Pa yezah kiqi lono checheni keu milive.

LESHELE 78:22

kughengu panongu no Alhou pülü moe Paw xakulu küka pükhübe moe.

IPEKULU 10:3

Ikehu Moses ngo Aaron pama no Pharaoh lau wuno pa vilo pi, “Ampeu, Hebrewmi Lhou no ishi piani, ‘No ye I zülo ado khitohi no ampi pesü aqhokigheu shini keu mili anani kea? Iw timiqo puwuvelo, tishianguno panoqo pelo I qelu pelo.

IPEKULU 16:27

Atsala akütsüniu lo timi khami no ti kicheni ye wu, ikemu panongu ye kiumu ithulu moe.

IPEKULU 16:29

Julo! Ampeu no Sabbath nongu tsüe; tighenguno atsala akütsüghou lono Pa no atsala kini ghenguno asho nongu tsüe. Nongu kümtsü pütüta-a lo ngove lo; atsala akütsüniu loye khuu pelomu pa-a lono khalau ipepe kevilo.”

ISAIAH 7:13

Ikehu Isaiah no pi, “Tishiaye inilo, O David laghami! Nono timi züpüzüve keghi kiumu ithimo kehu no ye I Lhou ghi züpüzüveni keshea?

ISAIAH 7:9

Ephraim tou no Samaria, eno Samaria tou ye Remaliah. Nongu no aküpülü lo mtotoimo aye nongu ye mtomla nani.”

JEREMIYA 4:14

O Jerusalem, o xalu pekepu shi o mlo lono alhoksa qhuvelo. Khitohi o lolo kixikila kükümsü pekütsü püani kea?

JEREMIYA 9:6

Qhasü keu no veqabe, eno pishikiqhi no veqabe, panongu no Ni ithini ke lachile ipi Ampeu no asheshu.

EZEKEL 20:13

Ikemu Israel kibolomi no asayeqha lono I hebide ke. Panongu no I khuayeqo pemove eno Iw pimheyeqo milive ke, tsala milakhi no tipaqo pape aye, pa ye xülu nani; eno panongu no Iw Sabbath shishe shikitiqeve ke. “Tileno I no pi, Ni ye asayeqha lono I loghu panoqo shou lepukuni, eno kümtsü kishekhave tsüni.

EZEKEL 20:16

kughengu panongu no I khuayeqo milive eno I yezahqo pemove ke, eno Iw Sabbath shikitiqeve; kughengu panoqo mlo ye pano sü-atu julho lau wuveke.

EZEKEL 5:6

Ikemu li no shiyeqo nguno alau kixikila shikeu lono Iw pimheyeqo hebidevae, eno li homxape akeu ghakhuqo nguno alau I yezahqo hebidevae; kughengu panongu no Iw pimheyeqo milive eno I yezah lo cheche move ke.

AKIKIHI 14:11

Ampeu no Moses vilo pi, “Timi hipaqo ye khitohi I jukünatha anani kea? Eno I no panongu gholo amchipu kümtsü mlave pülaghi panongu ye khitohi I pülü mono anani kea?

AKIKIHI 20:12

Ikemu Ampeu no Moses ngo Aaron pama vilo pi, “Nokujo no I pülümo eno Israelmi zülo Ni ye akimthe kepi ikhilumoe, tighenguno I no tsünie pikeu yeghi lo nokujo ye panoqo sailo moae.”

Mark 9:19

Jisü no panoqo vilo pi, “O aküpülü küküha tiqhelimio, ni ye khitohi nongu gholo anani kea? Ni ye khitohi nongu khea lopi kea? Anu hilau saghi lo.”