IPEKULU 15:1 - Sumi Naga CL (Re-edited) Bible (BSI)

¹ Tithiu Moses ngo Israelmi no Ampeu lau ale ishi phe, “I no Ampeu lau ale pheni, Pa no ajekipi shi toluke; Pa no khurshi ngo tipa sakicheu azüghi lo vesüvae.

BAIBEL (BSI)

¹ Tileno Muse ngo Israilmino ale hipau AMPEU shipilike: “Ino AMPEU shipilini, pano ajekipishi tokulu lakhi tsue Pano khurshiqo ngo tipau shou ikuchekeqo azughilo vesuveke.

IPEKULU 15:1 Mawu Ofanana

NEHEMIA 9:11

Nono panongu zülono Azüghi kijeve tsü, eno ayeghi qhaikeu lo nepuku ghi Azüghi mta lono Nono panoqo sawue. Eno atu pesü azü kutho lo vesü ketoi, panongu haighi keqo ye Azü kutho lo vesüve.

JOB 36:24

“Alhou kümla ghili khikhi timi no shipili acheni keno ti akishe tsüni keu kümsülu lo.

LESHELE 105:43

Ikehu Pa no alokivi shi Paw timi saipeghive, Pa no kishelu kemi sasü alephe ghi ipeve.

LESHELE 106:12

Tithiu panongu no Pa tsa pülüve; panongu no Pa shekiqhe lephe.

LESHELE 107:15

Paw iqemokeu kikimiye eno Paw akümzapu kümla timi nuliqo lau mla keu ghenguno panoqo pelo Ampeu shikimthi pelo!

LESHELE 107:8

Paw iqemokeu kikimiye ghenguno, Paw akümzapu kümla timi nuliqo lau mlakeu ghenguno panoqo pelo Ampeu shikimthi pelo!

LESHELE 32:7

No ye I ghenguno aküghütshü-a ke; Nono aküküpna lono I peküsüe; Nono xakulu lekungo pesü I botha ke.

LESHELE 76:6

O Jacob Lhou, Nono panoqo lomipive aye, khurshi ngo khurshimi ghi akichiqhipe ngove cheni.

LESHELE 76:7

Ikemu No ye sümsa kepue! Kughou O loghu ghuthu lakhi ipeghini keno khuu no O zülo puthugho luni kea?

IPEKULU 14:26

Tile Ampeu no Moses vilo pi, “Azüghi shou o u chhopuwu lo, tishianguno azü no Egyptmi eno panow khurkulu ngo khurshimi shou idechile ikughive penie.”

IPEKULU 14:27

Ikehu Moses no azüghi shou pa u chhopuwu, eno kughou inaqhe shive keno azüghi no ideilo azüu tholo ngove. Egyptmi no tipau lo posü ilove kelo, Ampeu no Egyptmi azüghi mta lo vesüve.

IPEKULU 15:21

Eno Miriam no panoqo lau ishi ale phe: “Ampeu lau ale phelo, Pa no ajekipi shi toluke; Pa no khurshi ngo tipau sakicheu azüghi lo vesüvae.”

IPEKULU 18:11

Itehi ye I no ithive ake Ampeu ye alhouqo kümtsü nguno akijeue, kughengu hipau vehulo panongu no ngukangugha shi timiqo peitha ke.”

AHOLE 29:6

Alhoksami ye pa xine lono meve cheni ikemu kivimi ye ale phe eno alokivishi cheni.

ISAIAH 42:10

Ampeu lau ale kithe phelo, ayeghi shekhauno Pa sheqhelo, nongu azüghi lo chekeqo eno tile lhoxü akeqo kümtsü, azüghimkü lo xüküami kümtsü no Pa sheqhelo!

JEREMIYA 51:21

o pesü I no khurshi ngo ti sakicheu hekulu cheni; khurkulu ngo ti sakicheu hephole cheni;

HOSIYA 2:17

Kughengu I no Baalqo je li kichi lono ikhive tsü nani eno tipaqo je kümsüchilelu pemove nani.

HABAKUK 3:18

ni ye Ampeu jupe alovi nani; I xakulu Lhou lau I no alovini.

AKIKIHI 21:17

Tileno Israelmi no ale hipau phe: “O Azükikhe, azü ipeghilo, tipau lau ale phelo!

Kolosiami 2:15

Pa no yepemi ngo aküka jeli liluve tsüno panongu shou toluve keu vecheo ikhikiphe shi panongu shikujove.

Piyeküsü 15:3

Panongu no Alhou qeu Moses ngo Ambeti shikipili le ishi phe, “O kümla ye kije eno akümzapue, O Ampeu Alhou Akughushuu! O laghi ye achipi eno kuchoue, O shiyeqo shou Akükau!