IPEKULU 12:19 - Sumi Naga CL (Re-edited) Bible (BSI)

¹⁹ Atsala tsüni kutolo nongu kilo kholaqhi kiumu ithulupe kevilo. Kicheghüzümi na Israelmi namu, khuana no kholaqhi sükeu chuve aye, timi tipau ye Israel qoaho lono ayigheveni.

BAIBEL (BSI)

¹⁹ Atsala tsuni dolo nongu kilo kholaqhi qhimoni, kughengu kiche ghuzumi shiakeu na, aghakhu lomi shi anamu, timi khuuno kholaqhi sukeu chuni keno paye Israilmi gholono kututa shive tsunani.

IPEKULU 12:19 Mawu Ofanana

IPEKULU 12:15

Atsala tsüni nongu no kholaqhi sümo keu sho chuni. Atsala atüghüu lono nongu ki lono kholaqhi peveni, kughengu tsala khukhumu kholaqhi sükeu chuve aye, atsala atüghüu lono akütsüniu kutolo, timi tipau ye Israelmi gholono hapheveni.

IPEKULU 12:20

Nongu ye kholaqhi sükeu kiumu chumoni; nongu kungo-a kümtsü lo nongu ye kholaqhi sümokeu sho chuni.”

IPEKULU 12:43

Ampeu no Moses ngo Aaron vilo pi, “Hi no Hechekulu yezah ke: Inaghami khumu hipau chumoni,

IPEKULU 12:48

Tsala inami lakhi no nongu gholo ado hami küghüna no Ampeu lau Hechekulu ikhiluni shi aye, pa gholo kiptimi kümtsü aphighüyiko ghaveni. Tithiuno pa ye punukhoi ighi no ti pelu nani; pa ye Israelmi lakhi toi shilu nani. Ikemu aphighüyiko ghamo kemi khumu hi chumoni.

IPEKULU 13:3

Tithiu Moses no timiqo vilo pi, “Ishi tsala lo nongu no Egypt lo aqüaxe ki lono ipeghi keu kümsülu chelo, kughengu au kumto vecheo Ampeu no hipa-a lono nongu saipeghi ke. Kholaqhi sükeu sho chumoni.

IPEKULU 13:7

Kholaqhi sümo keu sho atsala tsüni chuni, eno nongu ghakhu kümtsü lo kholaqhi kiumu ithulu kepu shimoni.

IPEKULU 23:15

Kholaqhi sümokeu ghulhu ikhiluni. I no azah tsüke toi, kihitha tsükeu do, Abib qhi lono, no ye kholaqhi sümokeu sho atsala tsüni chuni, kughengu tipau qhi lono no ye Egypt lono ipeghi ke. Khumu au kümsashi I zülo ighi moni.

IPEKULU 30:33

Khukhumu hitoi keu thazü kimihi shi mlakeu momu hipau pesü ashoumi shou lepuku keu ye paw timi gholono hapheveni.’”

IPEKULU 34:18

“Nongu ye Kholaqhi sümokeu Sho Ghulhu pinilo. I no azah nongu tsüve ketoi nongu ye kihitha püakeu tüqhüdo Abib qhilo atsala tsüni kholaqhi sümo keu sho chuni, kughengu nongu ye Abib qhi lono Egypt lono ipeghi ke.

ACHINE 23:5

Ampeu lau Hechekulu ye aqhi atüghüu, atsala chighiabidiu khetsünhe ilove kethiu no huthuni.

AKIKIHI 9:13

Ikemu khuu no kicheghüzü lo wumo eno achinepu lo mithe apülaghi Hechekulu pini moni keno, pa ye azah shipüakeu tsala lo Ampeu kümllagho süghimo kehu paw timiqo gholono hapheveni; pa xine ye pa no xapuni.

ZAKINIU 16:3

Tipau ghulhu lo kholaqhi sükeu sho chumoni. Atsala tsüni dolo nongu ye kholaqhi sümokeu, aghime kitikhi sho chuni, kughengu nongu ye mighimghai Egypt lono ipeghi ke, tishikeu lono nongu no aküxü tivilo Egypt lono ipeghi keu tsala kümsülu chenani.