IBRIMI 9:12 - Sumi Naga CL (Re-edited) Bible (BSI)

¹² Pa ye anetsü ngo aneti ji pesü ilomoe, ikemu pa ampi ji pesü ghuthu khavino kümtsü ghenguno Shishe Akimthe-a lo ilo no lhokta xachile kulupu pesü ni tsüke.

BAIBEL (BSI)

¹² Pano ghuthu khavino pulhapuju ghenguno aphiki vechesu Akimthe-A lo ilokelo, paye anetsu ngo anetiqo jih pesu ilomoe ikemu pa likhi pa jih pesu ilopuzu ningu ghenguno lhokta xakulupu phutsuke.

Sümi Tiqhelimi Bible

¹² Pa ye anetsü ngò amishitiqo jì vechewo ilo ke kumoe; ikemu pa ye ghuthukhavi kümtsü ghenguno pa likhi pa jì vechewo Akimthe Nguno Akimtheu-a lo ilo ke, tishi keu lono lhokta xakulu ithulu ke.

IBRIMI 9:12 Mawu Ofanana

DANIEL 9:24

“Ow timi eno ow akimthe mishighüna ghenguno hekibide tave, axine kishekhave, küsakügha ghenguno aghashilu, pülhapuju achipiu mikucho süghilu, kungunhetsü ngo tungkuptsa mekhave, eno shishe akimthe-a nukishelu peniye apinedo lhotsüni za tsüvae.

ACHINE 16:15

“Tishino pa no timiqo ghenguno axine kümllagho shi ane ghiqhi no aji pesü nhaqhiphi thiu ilo no amshitsü ji pesü shike toi kimiyekini lakhü shou eno agizüu küzüteni.

ACHINE 4:3

momu nukisheve keu chineu no axine shive no timi mlo lo akipimi süghi aghi aye, pa ye pa kipimi ghenguno amshitsü lhothe tukutiye kühakeu pesü Ampeu lau axine kümllagho tsüni.

ACHINE 8:2

“Aaron ngo pa nuli saghi no achinemi phimini ngo nukikishe thazü, axine kümllagho mishitsü, anetsü kini, eno kholaqhi sümokeu sho ashoghi lakhi süghilo.

ACHINE 9:15

Tithiu pa no timiqo xine kümllagho ghenguno ane heqhi no lhoxü atüghüu toi axine kümllagho shi ikhiphe tsü.

ZEKHARIA 3:9

Kughengu julo, I no Joshua zülo atu qhipüa keu, atu lakhi anhethi tsüni akeu lo I no atsa yetha pukupe qhitsü nani, aqokitikhi Mpeu no asheshu, eno hipau ghakhu xine ye I no atsala lakhi lono ikhive tsü nani.

Mark 3:29

ikemu khunono Aghungu Kimthe thaighani keno khilemu akipimi qhitsümo nani, eno pa ye lhokta xine shivae”—

Luke 1:68

“Israel Lhou Ampeu ye sheqhe küzüe, kughengu Pa no Paw timiqo xuju ighi no qhüchile luvae.

Apostolmi 20:28

Nongu ampi jukütsükiyi lo eno Aghungu Kimthe no nongu pesü khunoqo shou jukükütsümi shive akeno, aloji kümtsü jukuto lo. Alhou kukuhou kheu shilo, ti ye Pa no Pa ji pesü qhüluvae.

Ephesiami 1:7

Khristo ji vecheo ningu ye pa lau no xachilekulu eno axine qhikütsü ithulu. Paw küpükini ililai akeu kiqi lono

Kolosiami 1:14

Pa launo ningu ye xachilekulu, axine qhikütsü ithulue.

1 Thes. 1:10

eno Pa Nu Jisü khuu akithi lono xüputhupe aloghu ighini ye akeu lono ni xaphelu nani keno, nongu no kishi Pa ikighi khekuto cheni keno, panongu ampi no pesü pike.

Titus 2:14

Khristo no kixikila kümla kümtsü lono ningu qhüchile lunike Pa küxü tsüve, eno akivi kümla shinike khelho chekemi pesü Pa mheghi shi shikimthe luve.

IBRIMI 1:3

Pa ye Alhouw phuphushi keu küvü yekibide ke, eno Alhou lhoaye aphiphishi xapu ani, Pa küka lono Atsa huno atsütsü ayeghi kümtsü puqhepe acheni. Axine shikimtheve tsü kethiu Pa ye akiqhe-a lo Akughushuu u ajeu iqave,

IBRIMI 10:19

Tighenguno athiküzümiqo, Jisü ji vecheo ningu ye akimthe-a lo iloni keu mlo kumto ani kehu,

IBRIMI 10:4

Kughengu amshitsü ji ngo ane ji ye khilemu axine ikhive tsümlae.

IBRIMI 13:12

Titoi Jisü ghi pa likhi pa ji vecheo timiqo shikimthe tsüniye khagho nguno khalau no pithive.

IBRIMI 5:9

Pa pesü kupukülai shitsü kelo pa no pa gholu kemi kümtsü ghenguno lhokta xakulupu puki shive,

IBRIMI 7:27

Pa no ghuthu khavino kümtsü ghenguno pa ampi ikhiphe tsüve keke pa ye achinemi kütami toi atüghüshi pa xine ghenguno eno tithiu no timiqo ghenguno tsalakipe ghakishi shi akepu kühae.

IBRIMI 9:13

Kughengu anetsü ngo amshitsü ji, momu amshiali pitikeu yevu pesü mithe kumomi shou lepuku kelo ashou shikimthe luve cheni aye,

IBRIMI 9:14

Khristo, khuu no lhokta Ghungu vecheo tukutiye kühano Alhou lau pa ampi pephe tsü keno, pa ji ye tinguno alau ningu pelo aküxüpu Lhou huthu peniye akithipu kümla lono niw kiviküsa lotsü shikimthe tsülu nani.

IBRIMI 9:15

Hi ghenguno pa ye puloshoqhi akitheu lacheu ke, tishianguno kuluve kemi pelo lhokta mheghi pikiqhi ithulu peniye ke, kughengu puloshoqhi atüghüu lo timi no axine shikeu lono xaphe niye akithi ighike.

IBRIMI 9:19

Moses no timi kümtsü lau Ayezah lo azakütsü lakhikhi no sheshu kelo, pa no amshiti ji ngo ane ji pesü azü, ayiloni eno ayeho kuhu gholono Ayezah kaku ngo timi kümtsü shou küzüte puku,

IBRIMI 9:28

Khristo ghi timi kutomo xine puluve tsünike ghuthu lakhi pa ampi pephe tsüve kethiu ghuthu akiniu ipeghi nani. Ti ye axine peve tsüniye kumono pa khekulho shi akeqo xalu nani.

IBRIMI 9:7

ikemu akiniu bocho loye achinetou likhino ampe lo ghuthu lakhi likhi iloche, tighi pa ampi ghenguno eno timiqo kümtha xine ghenguno aji pemo keloye ilo chemoe.

Piyeküsü 1:5

eno pükhükulupu thopiu, akithi lono xüputhu tüghüu, ayeghi lo kükami shou Yepeu, Jisü Khristo launo ighikeu pesü nongu tsü ani. Khuu no ningu kimiye cheni, eno Pa ji vecheo axine lono ningu kuqhophepe

Piyeküsü 5:9

Panongu no ale kithe hitoi phe, “Nono liküküzü kaku ikhilu no michida xükho küzüe, kughengu No ye ghiqhive, eno Nono O ji pesü ashiaye, atsa jeli, timi mqo eno shiye kümtsü xachile sawo Alhou tsü,