IBRIMI 13:4 - Sumi Naga CL (Re-edited) Bible (BSI)

⁴ Kümtsü no külakupu gihu masae, eno külakupu lüpa shipixi kepu kumoe, kughengu kipti toti dolo mithekumomi eno küsalhami shou Alhou no küghathabe nani.

BAIBEL (BSI)

⁴ Timi kumtsuno kulakupu gihukepu shilo; eno akimi anipu dolo pukhukile kulupu shilo; kughengu kiptimi totimi dolo mithemokemi eno kutuqha chekemi shou Alhou no kughathabe nani.

Sümi Tiqhelimi Bible

⁴ Kümtsü no külakupu gihu moayesae, eno külakupu lipa kitiqemo no qhi moayesae, kughengu Alhou no shupumi eno kipito kimthe kumo kümlà shi chekemi kümtsü shou küghathabe nani.

IBRIMI 13:4 Mawu Ofanana

BOTHUBO 2:21

Ikehu Ampeu Alhou no timi pelo zücheivepe, eno pa no zü ake lono pa kuchughi lakhi luve no ashicho pesü tipa-a jonhave tsü.

BOTHUBO 2:24

Tighenguno timi lakhi ye pa puaza qhive no pa nipu sasü küghüna wuveni, eno pama ye ashi lakhi shiveni.

KUKAMI AKINIU 22:14

Ikehu achineu Hilkiah, Ahikam, Akhbor, Shaphan, eno Asaiah no achineki lo tiphimini jukükütsüu Harhas nu Tikvah nu Shallum nipu Huldah tungkupliu, lau wuno li sasü küptsa (li ye Jerusalem lo asa akiniu lo ache).

JOB 31:12

ti ye Kithimi yeghi kutolo maha iqi tove kepu mi ke, I küakini kümtsü akuhu kutolo pitileve tsükulupu anie.

ISAIAH 8:3

I no I nipu lau wukelo li no mishive, eno anu punuve. Tileno Ampeu no I vilo pi, “Pa je ‘Maher-shalal-hash-baz’ kutsülo,

ACHINE 15:18

Ashiaji küqhave kethiu akiptiu ngo atotiu pama gha azü kuchhuveni eno avela kutolo mithemo niae.

ACHINE 18:20

No ye o kisüghüu nipu sazüve no li gholono o shikitiqe moni.

MALAKI 3:5

“Tishino I no nongu lau küghakütha ghenguno kupunu ighi nani. Küdüumi, shupu chekemi, khunono akimki shoqhi shi cheni, khunono aqe kiqemi jume lo pishiqhi cheni, chimemi, mighimi eno inaghami qoqhi cheni, eno I sümsa chemo keno, I no panoqo shou küghatha nike ke-i thopi shi ighi nani, aqokitikhi Mpeu no pi.

1 Kor. 5:13

Ashoumi ye Alhou no küghathabe nani. “Küsaküghami ye nongu gholono haphevelo.”

1 Kor. 6:18

Kipti-toti dolo mithekumo lono polulo. Timi lakhi no axine shikeu kümtsü aphimpi khalau noke, ikemu khuu no kipti-toti dolo mithekumo shi keno, pa ye pa phimpi shou axine shipuku ani.

1 Kor. 6:9

Amikucho kumomi ye Alhou yekipe ighimla nanie pi nongu ye mtha keshea? Nongu pishiqhipe kevilo: kipti-toti dolo mithekumomi na, ajulho kümllami na, küsalhami na, kiptimi no kiptimi sazü kemi na,

1 Kor. 7:38

Ikehu timi khuu no pa no lumove keu ayiliu sasü külaveni keno, pa ye achipi shiani, ikemu khuu no külau move keno pau no akiviu shivae.

1 Kor. 9:5

Apostolmi kütami eno Ampeu thiküzümi ngo Cephas no shiche ketoi ningu ye anipu sasü izüwuni keu chipiu küha keshea?

2 Kor. 5:10

Kughengu ningu kümtsü Khristow küghakütha zülo puthugho masa nani, eno akivi na alhoksa namu pütüta no kiu mla püani keno tipau kiqi lono asaje ithulu nani.

Galatiami 5:19

Ashi lhoaye ye mtsüqheino hipaqo ke: kipti toti dolo asalha, mithekumo, ngosükümla,

Galatiami 5:21

aghichikupo, shokümzü, kuthole chusho keu, eno hitoi keu lhoayeqo. I no azüu no nongu ghutuve ketoi itaghi ghutu ani, khunono hipaqo shicheni keno Alhou yekipe ighimla nani.

Ephesiami 5:5

Nongu no hi thebeilu nani ke küsalhami, mithekumomi momu alakimnemi (ti ye, ajulho kümllau) ye Khristo eno Alhou yekipe amheghi ithulumo nani.

ZAKINIU 22:22

“Timi lakhi no kütami nipu sazü aghi kelono küghalu aye, pama kinikujo pithiveni. Hitoi alhoksa ye nongu dolono ikhiveni.

1 Thes. 4:6

tishianguno hipa vehulo khunomu akumou lono pa thiküzümi pimimo nani, kughengu nino azüu no tsaqüi nongu kütüve ketoi hi kümtsü lo Ampeu no amkhülu nani.

1 Tim. 3:12

Deaconmi ye anipu lakhi likhi akemi shimasa, eno pano tianuli ngo akibo akivishi peitha lukemi shimasae.

1 Tim. 3:2

Kughengu akukuho lo sakiphemi ye akipimi kükühami shimasae, anipu lakhi akemi shimasa, tsükhüi kemi, alikhi aghasülu kemi, gihuküzümi, inami sasükinimi, eno shikathi kemi shimasae,

1 Tim. 3:4

Pa ye thokha lo akivishi pa kibo peithalu kemi shimasa eno pa tianuli no pa gihulu chekemi shimasae.

1 Tim. 4:3

Panongu no külakupu lakha cheni eno achuqupu khikhi pülü luve no kuchou ithi kemi pelo shikimthikütsü lono ikhipe chu peniye Alhou no lhosü keno, tipaqo chukevilo picheni.

1 Tim. 5:14

Ikehu ni ye chimemi lhotheqo pelo külave no atianuli auve penishi eno akibo peithauve penishie, tishikeu lono ni ghümi no ni lhoksa pimo nani.

Titus 1:6

Kichimi lakhi ye tukutiye küha kemi, anipu lakhi akemi, pa tianuli ye küpülümi shimasae, eno ghasü kümla momu aghokulu kumo shimoni.

IBRIMI 12:16

Esau no ana akhu lakhi ghenguno pa punu chipiu jeveke toi alhoksa eno mithekumo shive nosake kutokupuilo.

Piyeküsü 22:15

Kughengu khalau ye atsüqo, küdüu kishimi, ashupu asalhami, ghikiqhimi, ajulho kümllami, eno pishikiqhi kimiye no tipau lono xüche kemi no acheni.