HOSIYA 8:7 - Sumi Naga CL (Re-edited) Bible (BSI)

⁷ Panongu no amülhü yisü, ikemu miyitsü xolu nani. Aghibo puthughope akeqo ye aghipe movae; tipaqo ye athi pithimo nani; tsala tipaqo no pithi namu inaghami no chuvetsü nani.

BAIBEL (BSI)

⁷ Panonguno amlhu yisukeulo pasapagha xolu nani! Athi nimokeuye khilemu pesu asho shimlake. Ikemu shilukepu shiepinamu inaghamino tipau chukhave nani.

HOSIYA 8:7 Mawu Ofanana

BOTHUBO 41:23

Tithiu, ape tsüni, thizümüi, amuu eno kipelau mülhü no fuputho keu peipeghi,

KUKAMI AKINIU 15:19

Assyria kükau Pul no Israel leighi kelono Menahem no pa kükalakhü iqhikumto tsü apenike ghükayi ahu 34,000 pa tsü.

KUKAMI AKINIU 15:29

Israel kükau Pekah ghuloki lono Assyria kükau Tiglath-pileser no ighi no Ijon, Abel-beth-maacah, Janoah, Kedesh, Hazor, Gilead, Galilee, Naphtali yeghi kümtsü leluve tsü, eno timiqo kughu sasü Assyria lo wuve.

JOB 4:8

I no ithuluve ketoi, khunono axine hokide cheni eno aküküpna xusüni keno athoshi xolu chenie.

AHOLE 22:8

Khunono achipikumo yisü keno kütsakungo xolu nani, eno pa loghu küsü ye icheve nani.

YETSAPIU 5:16

Hi ghi ighono alhoksa lakhi: pa no kiutoi ighi keno titoi wove nani, amülhü ghenguno ichheime chekeu ye kiu ala ani kea?

ISAIAH 17:11

ti shoke tsalani no thuiku eno thanau ye puilelu aghi namu, amloghuju eno shipivi kümla küsü tsala lo ghile humlave nani.

ISAIAH 55:2

Kushiye asho lono kumono kütau lono pisa peveni kea? kushiye kiumu aghapiqimla keu lo mlapuku ani kea? Tsaqüi I tsa inilo eno kiu no akivi keno ti chulo, eno achuqupu kivi pesü nongu lopivilu lo.

ISAIAH 66:15

Julo, Ampeu ye ami lono ighi nani, eno Paw khurkulu ye amülhü fuchighi ketoi ighi nani, Pa loghu puku nani, eno ami mili lono Pa no sakiyi nani.

JEREMIYA 12:13

Panongu no ashothi xusü kemu asahu ghilehu; panongu no ime mla kemu kiumu ala shimoe. Ampeu yiküsa mlo kighide ghenguno panongu no panow ghile jupe kujo nani.”

AKUMLO 5:2

Ni mheghi ye khalaumi tsüvae, ni kiqo no inaghami tsüvae.

HOSIYA 2:9

Tighenguno ado tove kemtsa I no I thi ngo I tsaiji ikhichile luve nani, eno li phikümsa küzü chekeu Iw akülüphi ngo phepheike phi I no luchileve nani.

HOSIYA 7:9

Inaghami no pa kumto qhasü luvae ikemu pa ye ti ithi amoe; asa kümpa pa shou ikughi khavae, ikeghi pa ye tiumu ithi amoe.

HOSIYA 9:16

Ephraim ye micheqhivae; pano kuhu ye qhaivae; panongu ye axathi pithimoae. Panongu no atianuli punu namu, I no pano no qhuivü chekeu tianuliqo pithive tsü nani.

NAHUM 1:3

Ampeu ye asheshino amloide cheni eno aküka kuloghi, Ampeu ye khilemu pimive keu phepuwuve chemo. Pa laghi ye miyitsü eno pasapagha lo ani, eno khüngküsü no Pa pukhu lo ayeghimkhu ke.

HAGAYI 1:6

Nongu no kutomo xusü kemu aghulo likhi ghile hulue. Nongu no chucheni kemu lukümkha kühae; nongu no sho cheni kemu aghapiqilu chemoe. Nongu no pepu mini cheni kemu khunomu lüvüilu chemoe. Eno khunono aqe qelu cheni keno pewo süqhu küixü lo süve chenie.

Galatiami 6:7

Nongu pishiqhive pekevilo: Alhou kiphikumo shimlae, kughengu milakhi no kiu xusü keno ti xolu nani.

Galatiami 6:8

Khuu no ashi gholau no xusüni keno, ashi lono shiküpsapu xolu nani, ikemu khuu no Aghungu lono xusüni keno Aghungu launo lhokta küxü xolu nani.

ZAKINIU 28:33

Nongu no akaveshi tüxatini mlaphe keu kümtsü nongu no ithimo keu shiye no luvetsü nani, eno nongu qodaqhi kijipüsa nani,