HOSIYA 13:13 - Sumi Naga CL (Re-edited) Bible (BSI)

¹³ Apunu küsü pa lau ighivae, ikemu pa ye alotsümo keu nu, kughengu ado tove keghi pa ye atita lo ikipe la lo ighimoe.

BAIBEL (BSI)

¹³ Israil ye xukulupu dokivi sholuke eno tipau lunikeulo izuzuveke, anga lakhi pununiye shiakelo atita lono ipemopi auvekeu toike.

HOSIYA 13:13 Mawu Ofanana

KUKAMI AKINIU 19:3

Panongu no pa vilo pi, “Hezekiah no ishi piani, Atsala hi ye kütakihi, alomipi, eno thaigha keu tsalae; atianuli punu kepu do ighive akemu punulu kepu küka kühavae.

LESHELE 48:6

Panongu ye topumi no apunu küsü sü akeshi khokho shive.

AHOLE 22:3

Lotsü-loghümi ye akümsapu chekeu ithulu no itshüve cheni, ikemu itikütüpa kemi ye vejoi ilo imeve cheni.

ISAIAH 13:8

Panongu ye thüghüive no apunu küsü sü akeshi aghime no tshüluve nani. Panongu no kichimamashi agi no hughüipe lakhino lakhi jukile nani.

ISAIAH 21:3

Hi ghenguno ni ye totimi no apunu küsü sü akeshi aküsü no I phi kümtsü tsügha luvae; hi chilu eno ithulupe ni ye pishepe apuchopungo auvae.

ISAIAH 26:17

Totimi no apunudo touve kelo aküsü lono ighamku ihi keshi, nino O zülo tishike, O Ampeu;

ISAIAH 37:3

Panongu no Isaiah vilo pi, “Hezekiah no ishi piani: ‘Atsala hipau ye aveküsa, tichetighe, akukujo tsalae; atianuli punu niye milepe ngove akemu shoqhilu kepu küka kühavae.

ISAIAH 66:9

Ampeu no pi, Ni ye li pelo punu penike kupunukhoive no punu pemove kepu keshea?” Nongu Lhou no ishi iniju ani, “Imaye I no punulu penike khaqhitsü chekeu huno atita khave tsüni keshea?”

JEREMIYA 13:21

Nono o küsami shi penike shika keqo no o kütsü shou ikughive kelo no ye kiu pilu nani kea? Totimi no apunu küsü sü aketoi no ye küsakushu no o tsügha luve moni keshea?

JEREMIYA 22:23

O Lebanon lo küxümiqo, Cedar kilo akeqo, topumi no apunu küsü sü aketoi nongu shou kushuküqha ikughi kelo kishi kimiye kepu shinani kela!”

JEREMIYA 30:6

Itehi ighiju no julo, kiptimi ye anga punulu nani keshea? Imaye kushiye totimi no punu niye akeshi kiptimi kümtsü pa u no apo thape akeu ni ye ithulu ani kea? Kushiye kümtsü no agi phalai ani kea?

JEREMIYA 4:31

Topumi no apunu küsü ghügha shi aketoi I no chilu; li no anga punu tüghülo ijuke toi Zion limi ye atuthu shekukuno qa ani, li u chhopuwu ani, “I hasapue! Ghikiqhimi zülo ni ye thiqhi ani.”

JEREMIYA 49:24

Damascus ye miqemleive no tsüghüsü povae, shithüghüi keu no tshü luvae; totimi no apunu küsü lo aketoi, aküsü aghime no tsüghavae.

HOSIYA 5:4

Panongu kümla no lakhape panongu pelo pano Lhou lau ideighilu peamoe. Kughengu asalha ghawu no panongu lolo ani, eno panongu ye Ampeu ithi amovae.

John 16:21

Totimi lakhi no anga pununi kelo, li tüqhüdo ye ighive akehu li ye amloksa shicheni, ikemu kughou no anga punuveni keno, anga lakhi ayeghi lo punu sülukeu lokivi lono li ye aghime kümsü mlave cheni.

John 5:4

Kughengu ado adolo kungumi no ayizükucho lo iqi azü xukutho tsüche: azü xukuthove kethiu khukhumu atüghüshi ilolu keu ye pa no kiukiu küsü aghimu viluve che.

Apostolmi 24:25

Pa no amikucho, alikhi aghasükulu, eno küghakütha chekeu vehu apasü shi lhewo kelo, Felix ye thüghüive no pi, “Hi no tave aghilo, kughou adokivi ithuluni keno I no o ku puwuni.”

2 Kor. 6:2

Kughengu Pa no pi ani, “Ikhikulupu ghuloki lono I no nongu sütsa initsü, eno xakulupu tsala lono I no nongu kuphue.” Julo, itehi no ikhikulupu doke; itehi no xakulupu tsalae.

ZAKINIU 32:6

Nongu mbomzü eno akükümsü küha keqo, hitoi Ampeu lochileni keshea? Pa ye nongu Papu, Pulhoküsüu, nongu iqhikumto tsüke kumo?

1 Thes. 5:3

Timiqo no, “Iqüghai eno sükusho ani,” ipi ake lono totimi no apunu küsü ighive ketoi züleno pano shou kütsakungo ighi nani, eno panongu ye poka mlave nani.