HAGAYI 2:5 - Sumi Naga CL (Re-edited) Bible (BSI)

⁵ kughou nongu no Egypt lono ipeghi keno tileno I no nongu sasü puloshoqhi shikeu kiqi lono ke. I Ghungu no nongu gholo ani, msa kevilo.

BAIBEL (BSI)

⁵ Nonguno Ijip lono ipeghikelo niye pulhapuju nongu sasu anani kepi tushoqhike. Niye nongu sasu aphike ghenguno musa kevilo.

HAGAYI 2:5 Mawu Ofanana

YEKIKITHI AKINIU 20:17

Nongu ye hipa ghüshi shimo nani. Mtotoi puthugho lulo, eno nongu züqhushi Ampeu no xakulu tsükeu julo, O Judah ngo Jerusalem timi.’ Msa kevilo eno aghüthisü kevilo. Thoghiu panongu küpüghü nike wulo, eno Ampeu no nongu gholo anani.”

NEHEMIA 9:20

O Ghungu kivi Nono panongu tsü, pano launo Ow manna süchileve moe eno pano tüghü ghenguno azü tsüke.

NEHEMIA 9:30

Ampe kutomo Nono panongu lau kheakulu shino tungkupmi vecheo O Ghungu no panongu kütüghü ke. Ikeghi panongu no initsü moe, tighenguno Nono ashiayeqo pelo pano leluve peke.

IPEKULU 19:4

‘I no Egyptmi lau kiu shi, eno kishi alhuqu chishibo lono nongu xapu eno nongu sasü I lau ighi keno nongu no ithuluvae.

IPEKULU 19:6

eno I ghenguno nongu ye achinemi kükaqha lakhi eno akimthe shiye shi nani.’ Nono Israelmi vilo pini keu tsa ye hipaqo ke.”

IPEKULU 24:3

Moses no ideighi no timiqo vilo Ampeu tsa eno akhuaye kümtsü pive. Eno timi kümtsü no asütsa lakhi lono khochile pi, “Ampeu no atsa piqhive keu kümtsü ningu no shini.”

IPEKULU 24:8

Moses no aji ikhipe timiqo shou lepuku no pi, “Julo, hi ye Ampeu no atsa hipaqo kiqi lono nongu sasü puloshoqhi shikeu ji ke.”

IPEKULU 34:10

Ampeu no pi, “Julo, I no puloshoqhi lakhi shi ani. Ayeghiqha kümtsü lo momu khuno shiye laumu shimo keu I no akümzapu ow timi kümtsü zülo shinie. Eno timi kümtsü no Ampeu kümla ithulu nani, kughengu I no akümzapu thime nongu gholo mla nani.

IPEKULU 34:8

Moses no mtazü ayeghi lo pa kütsü pishiqho luve no Ampeu mlla.

ISAIAH 41:10

I no o sacheni ke msa kevilo; aghüthisü kevilo kughengu Ni ye o Lhou ke; I no o shikumto eno o kuphu nani, I chipiu mikucho pesü I no o süqhe nani.

ISAIAH 41:13

Kughengu Ni Ampeu, o Lhou no, o u ajeu sünhepe anike; I no o vilo hi piani, “Msa kevilo, I no o kuphu nani.”

ZEKHARIA 4:6

Ikehu pa no I vilo pi, “Hi ye Zerubbabel tsükeu Ampeu tsa ke: Akumto no kumo, momu aküka nomu kumoe, ikemu I Ghungu vecheo noe, ipi aqokitikhi Mpeu no pi.

ZEKHARIA 8:13

Nongu ye ghushove kemie pi shiyeqo gholo küghakiche shiveke, O Judah ngo Israel laghami, ikehu I no nongu xalu nani eno nongu ye kükümghau shive nani. Msa kevilo, ikemu nongu u mtotoi lulo.”

ZEKHARIA 8:15

hipa ghuloki lo ghi I no Jerusalem ngo Judah lagha lau akivi süghini ye kughuvae; msa kevilo.

MATTHEW 28:5

Kungumi huno totimiqo vilo pi, “Msa kevilo, kughengu nongu ye kros lo yedave keu Jisü juniye chenie pi I no ithi ani.

Apostolmi 27:24

eno pi, ‘Msa kevilo, Paul, no ye Caesar zülo puthugho masae. Julo, Alhou no zükilu lo o gholo kichemi kümtsü o tsüvae.’

JOSHUA 1:9

Akumto shilo eno amlo kuloghi shilopi azah o tsüve ake kumo keshea? Msa kevi momu amlo tülalo kevilo kughengu ni Ampeu o Lhou ye nono khilekhile chemu, o gholo che nani.”

JOSHUA 8:1

Ampeu no Joshua vilo pi, “Msa kevi eno amlosa kevilo. Ithulo, Ghüshimi kümtsü o gholo sasü Ai lo iqholo. I no Ai kükau eno paw timi, mishighüna ngo yeghi o u lo süve tsüae.

Piyeküsü 1:17

Kughou I no Pa ithulu keno ni ye thive keshi Pa pukhu philo ikiqive. Ikemu Pa no Pa u ajeu pesü I shou beno pi, “Msa kevilo, Ni ye Atüghüu eno Ashekhau,

SAMUEL ATUGHIU 12:20

Samuel no timiqo vilo pi, “Msa kevilo; nongu no küsakügha hi kümtsü shivae. Ikemu Ampeu pape mono tsüghüve kevilo, nongu mlo kuchopu pesü Pa qelo.