HAGAYI 2:22 - Sumi Naga CL (Re-edited) Bible (BSI)

²² eno kükalakhüqo ikhiveni cheni. Ni ye shiyeqo kükaqha kumto kütsa niye ani, eno khurkulu ngo tile chekemi tukulu niye ani. Khurshi eno khurshimi kümtsü pano thiküzümi zütakikihi lono ikiqive nani.

BAIBEL (BSI)

²² eno akukaqhaqo xaleveno panoqo kuka kishekhave tsuni. Ino khurkulu ngo tipau sakicheu tukidevetsu nani; khurshi qoye thive nani eno tipaqo shou ikuchekemiqoye lakhino lakhi pithikileve nani.

HAGAYI 2:22 Mawu Ofanana

YEKIKITHI AKINIU 15:6

Panongu pesü atachu shi hephove, shiye no shiye qhasü eno aphughi no aphughi qhasü, kughengu Alhou no aküküpna jeli pesü panongu pünaqhi ke.

YEKIKITHI AKINIU 20:22

Kughou panongu no akishe le phethu keno, Ampeu no Ammonmi, Moabmi eno Seir Toghi lo küami, khunoqo Judah leniye ighi keno, panoqo kheluve no theqhive.

YEKIKITHI AKINIU 20:23

Kughengu Ammonmi ngo Moabmi no Seir Toghi lono ighi kemi lethuve eno tipaqo kütsave, eno kughou panongu no Seirmi pithi khave keno, itaghi panongu dolo lakhi no lakhi kütsa khave.

LESHELE 46:9

Ayeghi shekha kutolo Pa no aghükishi kishekhave tsüe; Pa no shexilika ngo angupa hechheve tsü; Pa no khurkulu ami lono pitive tsüe.

LESHELE 76:6

O Jacob Lhou, Nono panoqo lomipive aye, khurshi ngo khurshimi ghi akichiqhipe ngove cheni.

IPEKULU 14:17

Eno I no Egyptmi mlo shikümkave tsü nani, tishikeu lono panongu no Israelmi pape ilo nani, eno Pharaoh ngo paw aqokitikhi, khurkulu eno khurshimi shou I no ajuküvü ithuluve nanie.

IPEKULU 14:28

Azü no qochile ighi no khurkulu ngo khurshimi yimive; Pharaohw aqokitikhi azüghi lo panoqo hasü ighi keqo dolo khumu xümlave.

IPEKULU 15:19

Kughou Pharaohw khurshi ngo khurkulu eno khurshimi no azüghi lo ilo keno, Ampeu no panoqo shou azüghizü qochile ighivepe, ikemu Israelmi ye azüghi mta lo ayeghi qhai keu lono ala chesü wuve.

IPEKULU 15:4

“Pa no Pharaohw khurkulu ngo ghüshimi azü lo vesüve, paw kishekiphe kijemi Akuhu Züghi lono pütsüqhive.

ISAIAH 19:2

I no Egyptmi pesü Egyptmi xukutho püzü panoqo dolo, akisüghümi dolo, aphughi momu kükaqha dolo kichighipe nani;

ISAIAH 60:12

Kughengu shiye momu kükaqha khipaqo no nongu qemoni keno, tipaqo ye qhoi püghave nani.

ISAIAH 9:19

Aqokitikhi MPEU loghu no ayeghi pitivae, süküghüpu sü toi timiqo piti ani, eno khumu khuu püxülu amovae.

EZEKEL 21:27

Ixapinyi, ixapinyi, I no tipau ixapinyive tsü nani. Küghakütha ye milakhi khuuw keno pa no ighi moke kutolo, hipau ghi tishi pemo nani, eno I no tipau pa tsüve nani.

EZEKEL 26:16

Tileno azüghimkü lo kükapumi kümtsü no pano kükalakhü lono iqighive no chijeboike phi ngo aye shisükeu phimini xaqhive nani. Msaighü keu no panongu kuuphi shi pepu nani; panongu no ayeghi lo iqave no atüqhüdo kümtsü khokhoshi nani eno nongu jupe akichiqhi nani.

EZEKEL 38:21

I no Iw naghutoqo lono Gog shou azütakikihi süghipe nani ipi Ampeu Alhou no asheshu. Timi kümtsü no pa thiküzüu mjochile azütakikihi penani.

EZEKEL 39:20

I ghulhu lüpa lo nongu no khurshi, khurkulu küsami, aghütomi eno ghüshimi jeli kümtsü sasü aghakiqi shi chunani,’ ipi Ampeu Alhou no asheshu.

DANIEL 8:25

Pa mqükini vecheo pa no pishikiqhi pesü pa u qholono kinikülü shipe nani, eno pa kükümsü lono pa ye kije shinani. Pa no ghutu mono kutomo kütsa nani. Eno kükapumi shou Kükapuu lau ghi pa no mjochile ithughi nani, pa ye kuboleve nani—ikemu timi u lono kumo nani.

AMUS 2:15

shexilika kipeu ghi puthugho mlave nani, eno apukhu kümthüu ghi pa ampi xamla nani, tike kumono khurshi sakicheu ghi pa küxü xamla nani;

MICAH 5:10

Tipani, Ampeu no shuphe, I no nongu launo now khurshi ngo khurkuluqo kütsave tsü nani;

MICAH 5:15

I no amlokighide eno aloghu lono agholumo keu shiyeqo shou amkhülu nani.

MICAH 5:8

Eno Jacobw ghükulumi ye shiye eno ashiaye kutomo gholo anani, abongshuu lakhino aghasa lo tüghashiqo gholo aketoi, abongshuu lhothe no ambeloji gholo aketoi, kughou pa sholuni keno xapheni kemi kühano nedaqhi eno sütha pinyive cheni.

MICAH 5:9

O u no o ghümi shou tokulu shi peqhe nani eno o ghümi kümtsü kütsave nani.

MICAH 7:16

Shiyeqo no ithulu no pano kumto jupe kujove nani; panongu no au pesü pano kichi kujukha luve nani; panoqo kini ye ipove nani;

ZEFANIA 3:8

“Tighenguno I no ithughi no thopi tsüni keu tsala khelo” ipi Ampeu no sheshu. Kughengu Iw xakütha ye shiye eno kükaqhaqo hekütsüni keu, panongu shou I xukighide pitipüza keu lepukuni keu ke; kughengu I loghu miküqü no ayeghi kümtsü pitileve nani.

ZEKHARIA 10:11

Pa no aveküsa züghi kathasü wuno azü fukukucho ghasü nani, eno Nile züghi kuthoku kümtsü qhaive nani. Assyria qheküza kuchunive tsü eno Egypt kükaküsü kishekhave tsü nani.

ZEKHARIA 10:5

Panongu ye aghüshi lo aghütomi toi nani, alaghila lo aniba lono aghümi nedaqhi nani; Ampeu no pano gholo ani kehu panongu no aghü shino khurghüshimi shikukujo nani.

ZEKHARIA 12:9

Tipa tsalani Jerusalem mjochile ighi keu shiye kümtsü I no kütsaveni ke phu nani.”

ZEKHARIA 14:3

Tithiu Ampeu no aghüshi tsala lo küpüghü cheke toi wuno shiye hupaqo küpüghü nani.

ZEKHARIA 4:6

Ikehu pa no I vilo pi, “Hi ye Zerubbabel tsükeu Ampeu tsa ke: Akumto no kumo, momu aküka nomu kumoe, ikemu I Ghungu vecheo noe, ipi aqokitikhi Mpeu no pi.

ZEKHARIA 9:10

I no Ephraim launo khurkulu eno Jerusalem launo aghükishi khurshi ikhive nani; aghüshi shexilika ikhive nani, eno pa no shiyeqo lau külakishi tsa pi nani; pa yekipe no azüghi lono azüghi kutolo eno Aghoki lono ayeghi shekha kutolo shinani.

MATTHEW 24:7

Kughengu shiye lakhi no lakhi sasü aghüshi nani, kükaqha lakhino lakhi le nani, püqümiye ngo ayeghi küghütha no a-a kütüta lo ipeghi nani.

Piyeküsü 11:15

Tileno kungumi akütsüniu no pa fuko küigha kelo kungugha lono asütsa vekipighi pi, “Ayeghiqha yekipe ye ni Mpeu eno Paw Khristo yekipe shivae, eno Pa no alholo eno pülhapuju ayepe nani.”

XAKUTHAMI 7:22

Kughou panongu no afuko 300 igha keno, Ampeu no aghümi zütakikihi pelo pano dolono ghiqhikile thuvepe. Ghüshimi no Zererah küdau Beth-shittah kutolo pove eno Tabbath phivilo Abel-meholah kutolo pokhave.

SAMUEL ATUGHIU 14:16

Benjamin yeghi Gibeah lo Saul khemi no pishipuwo jukelo aqokitikhi no küsakiphi hula hila pocheghi.