HAGAYI 1:4 - Sumi Naga CL (Re-edited) Bible (BSI)

⁴ “Imaye hi ye nongu ampi no aki kivi lo ngono Ampeu ki huno ixapinyi apeni keu ghuloki keshea?

BAIBEL (BSI)

⁴ “Iwu timiqo, kushiye nonguye aki kivilo ngo ani puzu iAchine kiye ixapiniyi anipe kya?

HAGAYI 1:4 Mawu Ofanana

SAMUEL AKINIU 7:2

pa no Nathan tungkupu vilo pi, “Julo, itehi ni ye cedar kilo ngo ani, ikemu Alhouw puloshoqhi bohu ye aphiki lo anie.”

KUKAMI AKINIU 5:26

Ikemu pa no pi, “Timi huno paw khurkulu lono iqighi no o sasü kusholu kelo, I mlo ye o gholo wuke kumo keshea? Ti ye pisa ngo aphimini, olive ghutu ngo atsailu, ambe ngo amshitsü, aqemi ngo aqelimi luke ghuloki keshea?

LESHELE 102:14

Kughengu O qemi no li tuquqo kimiye cheni, eno li yeghimkhu kimiye cheni.

LESHELE 74:7

Panongu no O chineki lo ami süvetsü; O je achekeu ki shikitiqeve, eno ayeghi lo xaleqhive tsüe.

YETSAPIU 3:3

pithi kepu do, eno shipivi kepu do; hephove kepu do, eno shiqhe kepu do;

JEREMIYA 22:14

pa no picheni, ‘I no I sala aki kije mlano kunguu achebo ililai mlani,’ pa no alashe mlano cedar süpa pesü akupuwu shino huchuyi keu pesü tipau nuda cheni.

JEREMIYA 26:18

Moresheth lo Micah no Judah kükau Hezekiah ghuloki lono Judah lo timi kümtsü vilo tungkuptsa ishi pi: ‘aqokitikhi MPEU no ishi piani, “‘Zion ye alu toi hokide nani; Jerusalem kütsalepe amoqhe puku nani, achineki toghi ye aghasa shive nani.’

JEREMIYA 26:6

I no akibo hipau pesü Shiloh toi shitsüni, eno mishighüna hipau pe ayeghi lo shiye kümtsü ghenguno ghukusho shivetsü nani.’”

JEREMIYA 33:10

“Ampeu no ishi piani: A-a hipau khikhi nono, ‘Hi ye pighive no timi ngo tüghashi mu kühavae,’ ipi cheni keno, Judah phughi eno Jerusalem laghila pighive no timi na tüghashi mu tile xüni kemi kühave keu-a lono itaghi hipaqo chilu nani

JEREMIYA 33:12

“Aqokitikhi MPEU no ishi piani: Timi na tüghashi namu kühano pighive keu-a hipau lo, eno mishighüna kümtsü lo itaghi ambekhemi no küghüna no ambe loji kulhoqhi tsü nani.

JEREMIYA 52:13

Pa no Ampeu ki, kükaki eno Jerusalem lo aki kümtsü pitive tsü; aki kijeje thaqhü pa no pitive tsü.

AKUMLO 2:7

Ampeu no Pa kiptia lomipi, Pa kimthe-a milivae; Pa no li kükaki liwoqo pesü aghümi u lo phesüve tsüae; tiqhetini tsala lo toi panongu no Ampeu ki lono angukashi ighae.

AKUMLO 4:1

Ameshoyi ye kishi thibuiva, thakimtheve keu meshoyi ye kishi kiliva kelae! Alaghila kümtsü lo akimthe tuquqo ye apanaghavae.

EZEKEL 24:21

‘Israel laghami vilo pilo, Ampeu Alhou no ishi piani: Julo, I no I kimthe chineki shikitiqeve nani, nongu qheküzapu küka, nongu nhethi lo ikighi, nongu ngulho no khelho chekeu, nongu pu-anga khunoqo nongu no Jerusalem lo qhive keno panongu ye azütakikihi lono ikiqive nani.

ACHINE 19:25

Eno ampe apunguu lono nongu no axathi chuni. Nongu no hi kümtsü shilu aye nongu xathibo no axathi alau pithi nani: Ni ye Ampeu nongu Lhou ke.

MICAH 3:12

Ikehu nongu ghenguno Zion ye aluza toi hokideve nani; Jerusalem ye xine-xigha pekilepu-a shive nani, eno achineki toghi no aghasü ilhouve nani.

HAGAYI 1:3

Tileno Haggai tungkupu vecheo Ampeu tsa ighi,

HAGAYI 1:5

Tighenguno, itehi aqokitikhi Mpeu no piani: Nongu laghi chhejulo.

HAGAYI 1:9

Nongu no kutomo laju akemu julo, aghulo likhi ghile huke. Eno kughou nongu no aki lo xapughi keno, I no fuleve tsü. Kushiye kea? ipi Aqokitikhi Mpeu no asheshu. Kughengu nongu lakhikhi no pütüta kilo mighimghai auve kelo I ki ye ixapinyive kehue.

MATTHEW 6:33

Ikemu atüghüshi Alhou yekipe eno Pa mikucho phulo, eno thime hi kümtsü pesü nongu lau küphatsü nani.

FILIPIAMI 2:21

Kughengu kümtsü no Jisü Khristo lopu kumono pütüta pulou phucheni.