HABAKUK 3:6 - Sumi Naga CL (Re-edited) Bible (BSI)

⁶ Pa no puthugho no ayeghi mighi; Pa no jupuwo no shiyeqo süküthü; tileno alholo naghutoqo ye apanaghave; alholo toghiqo no aqhou iqüilove. Pa laghi ye pülhapuju la ke.

BAIBEL (BSI)

⁶ Kughou pano ngoveni keno ayeghino sukinike; pano jupuwo kelo ashi ayehqono khokhoshive. Alhokupuju achekeu naghutoqono ipopinyive; alhokupuju achekeu toghiqono ipa-ilove, kha-ghi pano khilehi chewuchekeno tipa toghiqoke.

HABAKUK 3:6 Mawu Ofanana

BOTHUBO 49:26

O puw kükümgha ye I puasü noqo kükümgha nguno akijeu, mulholo toghiqow kükümgha nguno akijeu ke. Tipaqo no Joseph kütsü lo apelo, pa thiküzümi launo kütüta shive keu kütsü shou apeniu.

JOB 21:18

Panongu ye ghuthu khije amülhü zülo khauteni toi, eno pasapagha no amuu fupewu ketoive akea?

JOB 9:5

Khumu ithi mono Pa no naghuto pekiqeve cheni, Pa mlokighide lono Pa no tipaqo tukideve tsü cheni.

LESHELE 103:17

Ikemu Ampeu sükümsami lau Paw iqemokeu kikimiye ye shekhaha acheni, eno Pa chipiu mikucho ye atianuli lono atilimi kutolo acheni,

LESHELE 104:32

Pa no ayeghi shou jupuku kelo tino khokhoshi itha; Pa no naghuto bu aye, tipaqo no amchhi phopipe cheni!

LESHELE 35:5

Ampeuw kungumi no panoqo hale sawuve kelo panongu ye amülhü no amuu fuleve ketoi pelo!

LESHELE 68:16

Alhou no Paw timi kungo-a shipenike kümsü akeu naghuto shou, iyei, Ampeu no tile alholo acheni, O atoghi kutomo akeu naghuto, kushiye no ye kimthikile ti ju ani kea?

LESHELE 90:2

Naghutoqo lho mphi lono, ayeghi eno ayeghiqha pulhosü mphi lono, pülhapuju lono pülhapuju lo No ye Alhou ke.

LESHELE 97:5

Ampeu zülo naghutoqo eno ayeghi kümtsü no aghügha toi ijileve.

IPEKULU 15:14

Ashiayeqo no chiluvae; panoqo ye msa khokhoshi ani; apunu küsü no Philistia lo küxümiqo tsügha luvae.

IPEKULU 15:15

Edom lo atomi ye itehi aghüthi süvae; akümsa no Moab sakiphemiqo tsüqü luvae; Canaan lo küxümi kümtsü no amlo hauvae.

IPEKULU 15:17

O Ampeu, a-a khikhi Nono O kungo-a shipüani keno, akimthe-a khikhi O u no shiqhe keno, O Ampeu, Nono tile panoqo sailo Ow naghuto lo shosü nani.

IPEKULU 19:18

Sinai Naghuto ye amchhi no küzüpho luve kughengu Ampeu no ami lono tipau shou ikughive ke. Tipau michhi no amiphokilo michhi toi phoiku, eno naghuto kupuju no shishe ithae.

IPEKULU 21:31

Tsala amshitsü no timi lakhi nu momu anga shoqhi pithive aye, ayezah hipau kiqi lono aphiphi shi pa lau peithani.

ISAIAH 51:6

Atsütsü küdau jupukulo, eno ayeghi qhou jupiqilo; kughengu atsütsü no amchhi toi hailove; ayeghi no aphimini toi ixüthave nani, eno tile küghüna akemi no tipaphi lono thive nani; ikemu Iw xakulupu ye alholo ache nani, eno Iw achipiu-mikucho ye khilemu hauvemo nani.

ISAIAH 51:8

Kughengu apila no aphimini toi panongu tsave nani, eno aninga no asüpha chukeshi panongu chuve nani, ikemu Iw achipiu-mikucho ye alholo ache nani, eno Iw xakulupu ye tiqheli kupuju lo ache nani.”

MICAH 5:8

Eno Jacobw ghükulumi ye shiye eno ashiaye kutomo gholo anani, abongshuu lakhino aghasa lo tüghashiqo gholo aketoi, abongshuu lhothe no ambeloji gholo aketoi, kughou pa sholuni keno xapheni kemi kühano nedaqhi eno sütha pinyive cheni.

NAHUM 1:5

Naghutoqo no Pa zü lo itha; atoghiqo no ayitsü shivae; ayeghi eno tile xüküami kümtsü khokhoshi Pa zü lo ipeghi.

HABAKUK 1:12

O Ampeu I Lhou, Iw Akimtheu, No ye pülhapuju acheni kekumo kea? Ningu ye thimo nani. O Ampeu, Nono küghatha nike panoqo süsüe, O Atuqu, Nono sakiyini ye panoqo puthuphe ke.

HABAKUK 3:10

Naghutoqo no No ithulu no thüthüshi; azü no fuchighi qowu; azükutho no mqhomzai ipeghi no azü fukuchope qhemghai süqhe.

MATTHEW 24:35

Atsütsü ngo ayeghi ye hauve nani, ikemu I tsa ye khilemu hauvemo nani.

Luke 1:50

Paw kimiyekini ye tiqheli no tiqheli kutolo Pa sümsa chekemi ghenguno ke.

Apostolmi 17:26

Pa no timi lakhi launo shiye kümtsü lho no panongu pelo ayeghi kümtsü lo xülupe, eno pano do-aghuloki ngo aghüna lo alughi kihitha tsüe,

ZAKINIU 32:8

Shishe Akiqheu no shiyeqo pütüta mheghi kutotsü kelo, Pa no timiqo kijetha kelo, Pa no Alhou nuliqo kikihi kiqi lono ashiayeqo lughi shotsü.

ZAKINIU 33:15

mulho naghuto lo xathi akiviu, pülhapuju toghi lono kupukuno shi,

IBRIMI 13:8

Jisü Khristo ye ighi, ishi eno alholo aphiphie.

JOSHUA 10:42

Joshua no ghuthu khavino kükami hipaqo eno pano yeghi kümtsü leluve, kughengu Ampeu Israel Lhou no Israel züqhushi aghüshi tsüke.

XAKUTHAMI 5:5

Naghutoqo no Ampeu zülo khokhoshi, Sinai thotsü Ampeu Israel Lhou zülo ithae.