Galatiami 6:8 - Sumi Naga CL (Re-edited) Bible (BSI)

⁸ Khuu no ashi gholau no xusüni keno, ashi lono shiküpsapu xolu nani, ikemu khuu no Aghungu lono xusüni keno Aghungu launo lhokta küxü xolu nani.

BAIBEL (BSI)

⁸ Timi khunono timi lhoayelo xusuni keno paye tipau launo akithipu xolu nanike; ikemu khunono Aghungu lo xusuni keno paye tipau launo alhokupuju kuxu xolu nani.

Sümi Tiqhelimi Bible

⁸ Khuno no axiné pulou shi niye xusü cheni keno tipau lono kütsakungo keu xolu nani; khuno no Aghungu pulou shi niye xusü cheni keno tipau lono lhokta küxü xolu nani.

Galatiami 6:8 Mawu Ofanana

JOB 4:8

I no ithuluve ketoi, khunono axine hokide cheni eno aküküpna xusüni keno athoshi xolu chenie.

AHOLE 11:18

Kixikilami ye pishikiqhi jume qelu cheni ikemu khuu no amikucho xusüni keno mtsüqhei no asaxü ithulu cheni.

AHOLE 22:8

Khunono achipikumo yisü keno kütsakungo xolu nani, eno pa loghu küsü ye icheve nani.

YETSAPIU 11:6

Inaqhe no apiti yisüve no avelau ye akümla lono o u süchileve kevilo, kughengu no ye hiu no keo huu no akivishi thuwu nani keno mthae, momu kinikujo mu akivi shive luvi.

ISAIAH 32:20

nongu khuu no azü phivilo xusü eno amishi ngo khurha kuqhope kighilini keno alokivipue.

JEREMIYA 12:13

Panongu no ashothi xusü kemu asahu ghilehu; panongu no ime mla kemu kiumu ala shimoe. Ampeu yiküsa mlo kighide ghenguno panongu no panow ghile jupe kujo nani.”

HOSIYA 10:13

Nongu no axine hokide; nongu no achipikumo xolue; nongu no akimki xathi xochue. Kughengu nongu no nongu shou likhi eno now ghüshimi aqokitikhi shou pükhübeve,

HOSIYA 8:7

Panongu no amülhü yisü, ikemu miyitsü xolu nani. Aghibo puthughope akeqo ye aghipe movae; tipaqo ye athi pithimo nani; tsala tipaqo no pithi namu inaghami no chuvetsü nani.

MATTHEW 19:29

Eno khunono I je ghenguno aki-alu, chepu-cheli, apuaza, atianuli, momu ayeghi qhive keno, panongu ye ghuthu aqhe piqi ithulu nani, eno lhokta küxü mheghi ithulu nani.

MATTHEW 25:46

Panongu ye alho ghimepu lo ilove nani, ikemu achipikaluve keqo ye lhokta küxü lo wu nani.”

Luke 18:30

asaxü pühave monani, ikemu hipa tiqheli lo eno hithiu lhokta küxü kutolo kutomo küghüsü no ithulu nani.”

John 4:14

ikemu khunono I no tsükeu zü shoni keno, pa ye khilemu tüghüthi kithemo nani. I no azü pa tsükeu huno pa lolo lhokta küxü züpuki shi qoipeghi nani.”

John 4:36

Ghile kuhuu ye ajume ithulu ayae eno lhokta küxü ghenguno athi pekütsü ani, tishianguno apiti kiveu ngo ghile kuhuu pamagha alovi küqha niye ke.

John 6:27

Pühave kepu chuqupu ghenguno kumono lhokta küxü kutolo akepu chuqupu, khikhi Timi Nu no nongu tsü nani keno, tipau ghenguno mlalo. Kughengu pa shou Apu no amchipu chishidavae.”

Rommi 13:14

Ikemu Ampeu Jisü Khristo lhoaye pepuni, eno khilemu ashi ghakiqipu shinike mineqhiyi keu jeli lo amlo tsümoni.

Rommi 6:13

Nongu phiau pesü axine lo tsüve ghi amikuchokumo ghenguno peitha kevilo, ikemu akithi lono aküxü lo süghive kemi toi Alhou lau nongu küxü ikhiphe tsülo, eno nongu phiau pesü amikucho ghenguno peitha penike tsülo.

Rommi 6:23

Kughengu axine jume ye akithi, ikemu Alhouw kümsagho huno ni Mpeu Khristo Jisü küdau no lhokta küxü ke.

Rommi 8:11

Tsala akithi lono Jisü xüputhu keu Ghungu no nongu lolo aghi aye, Khuu no akithi lono Khristo Jisü xüputhu keno, Pa Ghungu nongu lolo akeu vecheo Pa no nonguw thiveni keu phimpi lo ghi aküxüpu tsü nani.

Rommi 8:13

Kughengu nongu no ashi gholau no xü aye nongu ye thinia, ikemu Aghungu lono xü aye ashi phimpi lo axine kümtsü pithi luve ani kehu nongu ye xü nani.

Rommi 8:6

Ashi küdau amlo tsükeu ye akithipue, ikemu Aghungu küdau amlo tsükeu no aküxüpu eno alokiqipu ke.

1 Kor. 15:42

Kithimi xüchilekulu ghi titoi ke. Kiu yisü ani keno ti ye tsümave cheni; kiu xüputhu keno ti ye thikithe moae.

Galatiami 6:7

Nongu pishiqhive pekevilo: Alhou kiphikumo shimlae, kughengu milakhi no kiu xusü keno ti xolu nani.

1 Tim. 1:16

Ikemu I no kimiyekini ithulu keu ye hi gheno ke, ni, axinemi kümtsü nguno alhoksau, vecheo Khristo Jisü no paw kupukülai keu kutuukulu piye, tishikeu lono pa pülülu keu lono lhokta küxü ithuluni kemi lau kichekipiye shi peniye ke.

Titus 3:7

tishikeu lono Paw küpükini vecheo ningu pesü achipikalupe no lhokta küxü lajupu lo amheghi kiyighimi shilu peke.

James 3:18

Alashi chekemi no alakishi lono apiti yisü keu lono amikucho ghile hucheni.

2 Peter 2:12

Ikemu timi hipaqo ye akükümsü küha keu tüghashiqo paphishi sü-i khavi kiukiu mu shive chekeqo, küghape pithiveni keu kimji lono püxü püani, eno kiumu mthamithe keu vehu lo ghi pano no thaigha cheni kehu hi kümtsü pesü kütsave nani,

2 Peter 2:19

Panongu no khaqhikiphe ghili picheni, ikemu pano ampi ye shiküpsapu qemi. Kughengu kiukiu nomu timi shou qhasü luve aye, timi huye tipau qüaxemi ake.

Jude 1:21

lhokta küxü lo sawu chekeu ni Mpeu Jisü Khristow kimiyekini huqhe ghi nongu ye Alhou kikimiye lo alo.

Piyeküsü 22:11

Küsaküghami no küsakügha shi apelo, eno mithekumomi no mithekumo shi apelo, ikemu achipimi ye achipiu shialo, eno akimthemi ye akimthe shialo.”