Galatiami 6:15 - Sumi Naga CL (Re-edited) Bible (BSI)

¹⁵ Kughengu aphighüyiko ghana ghamo namu kiumu akiqi kühae, ikemu lhoxü kithe shiluve keu no akhotou ke.

BAIBEL (BSI)

¹⁵ Kughengu aphighu yiko ghana ghamo namu kiumu akhoto kumoe, ikemu lhoxu kithe lakhi shiluvekeuno akhotouke.

Sümi Tiqhelimi Bible

¹⁵ Aphighüyiko ghave keu momu aphighüyiko ghamo keu nomu akhoto kumoe; kiu no akhoto kepi aye, lhoxü kithé shiluve keu no ke.

Galatiami 6:15 Mawu Ofanana

Rommi 2:26

Tishi aye, khuana aphighüyiko ghamo keu no Ayezah lo azah tsü püakeu pelu cheghi aye, pa no ghapüaghi monamu ghaveke paphishi pa kihi nani ke kumo?

Rommi 2:28

Kughengu khunomu ashou likhino Jewmi kepi pimlae, tikumo no aphighüyiko kügha ye ashou aphi lo vehuke kumoe.

Rommi 6:4

Ikehu akithi lo baptiz shisü luve keu lono ningu ye Pa gholo qhove, tishikeu lono Apu juküvü küka lono Khristo pesü xüputhuve ketoi, ningu ghi aküxü kitheu lo cheche peniye ke.

Rommi 8:1

Tighenguno itehi ye khunono Khristo Jisü laumi shive akeno, panoqo ye kileqhive kepu kühavae.

1 Kor. 7:19

Kughengu aphighüyiko ghana monamu kihi amoe, ikemu Alhou zakütsü pelukeu no akhotou ke.

2 Kor. 5:17

Tighenguno khukhumu Khristo gholo xükime luve aye, pa ye lhoxü kithe shivae. Aqau ye wovae; julo, akitheu ighivae.

Galatiami 5:6

Kughengu Khristo Jisü küdau ye aphighüyiko ghakeu na ghamo keu namu kihi amoe, ikemu kikimiye vecheo aküpülü lono mlakeu likhino ke.

Ephesiami 2:10

Kughengu Alhou ye ningu pelo Khristo Jisü gholono Pa no azünatha kughu püake toi akümla kivi mlalu eno tipa lalo cheche peniye ningu pulhosüe, ikehu ningu ye Paw kütshakügha kümla ke.

Ephesiami 2:15

ti ye Ayezah lo azakütsü eno akhuaye jeli kümtsü shipühave tsükeu lono ke, tishianguno pa no timi mqo kini pesü pa lau timi kithe lakhi shi kughulhophe no külashi tsü,

Ephesiami 4:24

kuchou mikucho ngo akimthepu pesü Alhou kimihi lono lhokeu lhoaye kithe pepulu peniye ke.

FILIPIAMI 3:3

Kughengu ningu khunoqo Aghungu lono mlla eno ashi shou pükhübemo no Khristo Jisü lau akijivile cheni keno ninguu no aphighüyiko ghakemi ke,

JOSHUA 5:5

Egypt lono ipeghi keqo kümtsü aphighü yiko ghave kemi, ikemu ala lo asayeqha lono punu keqo ye aphighü yiko ghamo keqoke.

Piyeküsü 21:5

Kükalakhü lo khuu iqa akeno Pa no pi, “Julo, I no thokha kümtsü akithe kughulho tsü ani.” Eno itaghi pi, “Hi yepe qhilo, kughengu atsa hipaqo ye kuchou eno pükhükulupu ke.”