Galatiami 6:12 - Sumi Naga CL (Re-edited) Bible (BSI)

¹² Khunono nongu pelo ashi lono timi shipiye penishi cheni keno, panoqo no tsümomo nongu pelo aphighüyiko ghave penishi ani, tishikeu lono Khristow kros ghenguno panongu ghime pemo niye ke.

BAIBEL (BSI)

¹² Timi lhoaye kuxulo aje pipinishi eno timi piyenishi kemino tsumomo nongu pelo aphighu yiko ghavepeniye pukaputsa ani, tishi anguno Khristo kros ghenguno panongu shikighime pemoniyeke.

Sümi Tiqhelimi Bible

¹² Khunoqo no timi lhoaye vechewo timi kütami pulou shinishi cheni keno panongu ye nongu pelo tsümomo aphighüyiko ghave peniye pükapütsa anie. Panongu no hipau shi akeu ye Khristo’w kros ghenguno pishi-puju keu lono müxüve nikeu ghengu likhi no ke.

Galatiami 6:12 Mawu Ofanana

MATTHEW 23:27

“Nongu Ayezah shikükami ngo Phariseemi hasapue, keghilishi chekeqo! Nongu ye akumona metsüghoi mushuve ketoie, ashou ye juviqhiyi ithulu ani, ikemu alou ye kithimi saghi ngo mithekumo no chhitoi ani.

MATTHEW 23:28

Tihutoi nongu ghi ashou ye kümtsü lau amikuchomi toi, ikemu nongu lolo ye kühakügha ngo kixikila no chhitoi ani.

MATTHEW 23:5

Pano kümla kümtsü timi pelo ithulu peniye shicheni. Tigheno akishe lo ashiyiko bohu khapu chekeu ghi panow paje, eno aphimini lo akighikipili ghi panow no akushuu shicheni,

MATTHEW 5:10

“Achipiu mikucho ghenguno khuno ghimeni keno akümghapue, kughengu kungugha yekipe ye panow ke.

MATTHEW 6:16

“Kughou nongu no kümvüni keno keghilishi kemi toi nongu ye khümüi keu ju piye kevilo, kughengu panongu ye kümvü anie pi timi pelo ithulu peniye panoqo gi mu phamono thibui piye cheni. Kuchou no I no nongu vilo piani, panongu ye pano jume qhoi ithulu khavae.

MATTHEW 6:2

“Ikehu, kughou nono aveküsami kuphuni keno, khilemu o fuko küigha ghi shikevilo, ti ye keghilishi kemi no timi pelo sheqhe peniye sinagog eno alaghila lono tishi cheni. Kuchou no I no nongu vilo piani, panongu ye pano jume ithulu khavae.

MATTHEW 6:5

“Eno kughou nongu no inikhuni keno, khilemu keghilishi kemi toi kevilo. Kughengu panongu ye timi pelo ithulu peniye sinagog lo eno alaphe lo puthugho no inikhuni keu no pano lokütü cheni. Kuchou no I no nongu vilo piani, panongu ye pano jume qhoi ithulu khavae.

Luke 16:15

Jisü no panongu vilo pi, “Timi zülo achipiue pi pükha chekeqo ye nongu kene, ikemu Alhou no nongu mlo ithi ani. Kughengu timi müzülo kiu no ajuaje ipi cheni keno Alhou nhethe loye aphikümqhüpue.

Luke 20:47

Panongu no chimemi kiqo lo ilo pishiqhi luve tsüno kuchou toi akighini kushuo shi cheni. Panongu ye aghimepu alau ithulu nani.”

John 7:18

Khuu no pa kükagha lono pini keno pa jekipipu phucheni. Ikemu khuu no pa puwu keu jekipipu phuni keno, pa no kuchou eno pa lau ye kichile kühae.

Apostolmi 15:1

Ikemu Judea lono timi khami Antioch lo ighi no ishi athiküzümi kütsü, “Moses khuaye kiqi lono nongu no aphighüyiko ghamo aye, nongu ye xamlae.”

Apostolmi 15:5

Ikemu Phariseemi mqo gholo pülüve kemi khami no puthugho no pi, “Panongu ye aphighüyiko ghavetsü masae eno Moses yezah pape pemasae.”

2 Kor. 10:12

Ningu ye khunoqo alikhi ampi sheqhe cheni keno tipaqo sasü jokümtsa momu kimghi amoe. Ikemu kughou panongu no alikhi ampi mighiju eno kütami sasü jokümtsaju ani keno, panongu ye vethakulu kighithi kühae.

2 Kor. 11:13

Kughengu timi titoi keqo ye kichile apostolmiqo, pishikiqhi kümlami, Khristow apostolmi ghilishi chekeqo ke.

Galatiami 2:14

Ikemu kughou I no panongu ghili-aye ithulu keno panongu ye kuchou tsakiviu lo cheghi move kehu I no panongu kümtsü zülono Cephas vilo pi, “Nono Jewmi keghi Jewmi toi mono Jewkumomi toi xü aye, no ye kishino anguka lono Jewkumomi vilo Jewmi toi xülo piluni kea?”

Galatiami 2:3

Ikemu le Titus khuu I gholo chekeno pau ye Greekmi keghi anguka shi aphighüyiko ghavelo pimoe.

Galatiami 5:11

Ikemu, athiküzümiqo, tsala I no itehi kutolo aphighüyiko kügha sheshu cheghi aye, kushiye itehimu I ghime aphi kea? Tishini kelo kros lono shokukholu chekeu ye ikhivae.

Galatiami 6:13

Kughengu khunono aphighüyiko ghave akeno panoqou ghi Ayezah pelu chemoe, ikemu panongu ye nongu pelo aphighüyiko ghave penishi ani, tishikeu lono nongu phiashi vecheo qheza niye ke.

FILIPIAMI 1:15

Khami ye anhekushu eno kitighekile keu lono Khristo sheshu cheni, ikemu khamiu ye achipiu mlo xapu sheshu cheni.

FILIPIAMI 2:4

Pütüta pulou likhi kümsü kepu kumoe, ikemu kütami pulou ghi jutsü kepue.

FILIPIAMI 3:18

Kughengu ni ye azüu ghi anguno pivae eno itehi ghi anhezü piji ghi pi anike timi kutomo no Khristow kros ghümi shi acheni.

Kolosiami 2:23

Hipaqo ye akutoshi no iqükeu chine thuwu peni keu lokütsü lono ipeghi ani, eno alikhi ampi milive no aphimpi ghime chekeu, ikemu ashi lo pishikiqhi hipaqo ye kiumu ame kühae.