Galatiami 6:10 - Sumi Naga CL (Re-edited) Bible (BSI)

¹⁰ Tishiaye ningu no ado kivi ithuluke kümtsü lo timi kümtsü lau akivi kümla shini, eno akhotoshi khunoqo aküpülü lo kibolomi shive akeno panongu lau mlani nolo.

BAIBEL (BSI)

¹⁰ Tishiaye, akivi shini nolo, eno akhotoshi akupulu lono abolomi shiluvekeqo lau akivi shiani nolo!

Sümi Tiqhelimi Bible

¹⁰ Tishiaye, ningu adokivi ithulu keu lo, timi kümtsü lau akivi kümlà shi aní nolo, eno akhotoshi khunoqo aküpülü lono abolomi shiluvea keno panoqo lau mülà aní nolo.

Galatiami 6:10 Mawu Ofanana

LESHELE 37:27

Alhoksa lono tsüghüve no akivi mlalo; nongu ye alholo ache nani.

LESHELE 37:3

Ampeu pükhü lo, eno akivi mla lo; no yeghi lo küghüna no pükhükulu sasü shou-pau shilo.

AHOLE 3:27

Nono tolukivi thaqhü akukuphu avehupu shi aghi kemi kuphuni thono süchileve kevilo.

YETSAPIU 3:12

I no pimhelu keu no timi ye xüake tivilo alokivishi eno akivi kümla shikeu nguno akiviu kiumu kühae;

YETSAPIU 9:10

Kiu kiu kümla lomu o kumto süno mlalo, kughengu nono wuche keu kithimi yeghi loye akümla, akükümsü, akighithi, alokütsü, kiumu kühae.

MATTHEW 10:25

Akhopeu ye pa kükütsüu kimihi shilu keu no lukümkhae, tihutoi aqüaxeu ghi tishike. Timiqo no akibo mpeu vilo Beelzebul ipi kucheni aye, pa kibolomi kütami vilou ye kishi aje küsa tsünani kelae.

MATTHEW 12:50

Kughengu khukhumu I pu kungugha lo akeu pulou shikeu huno I thiküzümi ngo I chelimi eno I zake.”

MATTHEW 25:40

Akükau no panoqo khochile nani, ‘Kuchou no I no nongu vilo piani, nongu no I thiküzü chelimi hipaqo gholo akitilau lau kiu shi keno, nongu ye I lau shive tsüae.’

MATTHEW 5:43

“Ishi pikeu nongu no chiluvae, ‘O kisüghümi kimiyelo eno o ghümi ye mithilo.’

Mark 3:4

Pa no panoqo vilo ighiju, “Sabbath lo khikhiu no akhuaye kiqilo achipi kea: akivi mlakeu no keo timi ghüza keu no kea; momu püxülu keu no keo pithive keu no kea?” Ikemu panoqo ye tshümu shimono ngove.

Luke 6:35

Ikemu no ghümi kimiye lo, akivi mla lo, ithulu chileni keu kiumu lajumo no püna lo, eno nongu jume ye kije shi nani, nongu ye Shishe Akiqheu tianuli shi nani, kughengu Pa ye amlo lo shikimthikütsü küha kemi eno alhoksami lau ghi kimiyeqhiyi cheni.

John 12:35

Tile Jisü no panoqo vilo pi, “Aküvü ye ado hami likhi nongu sasü aniae. Aküvü aphi lono chelulo, tikumo aye aküzü no nongu züthave nosae. Khunono aküzü lo checheni keno pa ye khila wucheni keno mthae.

John 9:4

Atsala küa lono ningu ye I puwu keu kümla shimasae; khunomu akümla shimlave kepu putho tsala wocheni.

Apostolmi 6:7

Alhou tsa alaushi ikowove, Jerusalem lo akhopemi kikihi shishe küghüsüve, eno achinemi kutomo no aküpülü khuaye ikhiluve.

2 Kor. 2:8

Tighenguno I no nongu qhüiniju anike nonguw kikimiye pesü pa iqhikumto kithelo.

Galatiami 1:23

Panongu ye ishi pikeu likhi chiluche, “Khuu no ningu shikighime chekeno itehi ye pa no aküpülü khikhi ghuthu lakhi lo shipühave nishi chekeno tipau kütsü anie.”

Ephesiami 2:19

Ikehu nongu ye tüsümi eno kupokichemi kumovae, ikemu Alhou kibolomi eno küpülümi sasü kümtsa aghakütsami shiluvae.

Ephesiami 3:15

Pa vecheo kungugha eno ayeghi lo akibo kümtsü je kutsü cheni.

Ephesiami 4:28

Hinguno hilau ye küpkami no aküpka qhivelo, tishi nike züqhu ichheime mu aphiau pesü amikucho lono mla chulo, tishikeu lono khuana avesa akeu lau küsajelu nani.

Ephesiami 5:16

ado lhoksa shive akehu akivishi ado peitha lo.

FILIPIAMI 4:10

I no Ampeu küdau no shishe alovi akeu ye ado kushuo thiuno nongu ye I ghenguno alomsü kithe ani. Kuchou no nongu ye I ghenguno alomsü chekemu ado kivi ithumla no ake.

Kolosiami 4:5

Ado akiviu peitha no khalaumi zülo alokütsü lono xüpiye lo.

1 Thes. 5:15

Khumu khuu lau alhoksa pesü alhoksa lochile pemoni ke jukutolo, ikemu alhokuthu lakhino lakhi lau eno kümtsü lau akivi kümla shinike phulo.

1 Thes. 5:21

ikemu thokha pejulo; kiu no akivi keno mtotoi tsüqü lulo.

Titus 2:14

Khristo no kixikila kümla kümtsü lono ningu qhüchile lunike Pa küxü tsüve, eno akivi kümla shinike khelho chekemi pesü Pa mheghi shi shikimthe luve.

Titus 3:8

Akipitsa hi ye ameküapue, ni ye o pelo hipaqo pikichichi apenishi ani, tishikeu lono khunono Alhou pülüluve akeno panongu pelo tsaqüi akümla kivi lo amlotsü penishi ani. Hipaqo ye timi ghenguno akighiche eno ala shikulupu anike.

IBRIMI 13:16

Akivi mlani keu kughucho kevilo eno nongu no akeu pesü küsaje kilelo, kughengu titoike ghakishi no Alhou lopuke.

IBRIMI 3:6

ikemu Khristo ye Anu lakhi shi Alhou kibo shou pükhükulupu shike. Eno tsala ningu no mtotoi niw lajupu lo amlo kuloghi shi aye ningu ye Alhou kike.

IBRIMI 6:10

Alhou ye achipiu kehu nongu no akümla eno kikimiye, Pa je lono küpülümi lau pephe püakeu eno itehi kutolo mu tishi akeu juzüvetsü nanike kumoe.

1 Peter 2:5

aküxüpu tuquqo toi nongu ampi pesü aghungulo chineki shiqhetsü, akimthe chine kümlapu shilupe, eno Jisü Khristo vecheo aghungulo ghakishi pesü Alhou lau ikhikulupu shi mllalu peke.

1 Peter 4:17

Kughengu Alhou kibolomi launo huthusü küghakütha shikepu ghuloki shivae; eno ningu launo huthulu aye, Alhou tsakiviu pülü chemo kemi ghengu ye kiu visavili ipeghi nani kea?

1 John 5:1

Khunono Jisü ye Messiah kepi pülü cheni keno pa ye Alhou nuli, eno khunono Apu kimiye cheni keno Alhou nuli shiluve kemi kütami ghi kimiye cheni.

3 John 1:10

Ikehu I no ighi aye pa no kiu shi ani keno, ningu shou küsakügha tsa zalepuku püakeqo lhephe nani. Tiu ghi aghaqimo no pa ye athiküzümi sasüni keu lachile cheni, eno kütami no sasünie pi keghi pa no lakhave püzü akukuho lono panoqo hapheve cheni.

3 John 1:11

I qhuu, akivi kühakileni thono alhoksa kühakile kevilo. Khukhumu akivi mla chekeu ye Alhou laumi; khukhumu alhoksa mla chekeu ye Alhou ithulu mphie.

3 John 1:3

Kughou athiküzümiqo no ighi püzü nono kuchou küxü lo puthugho achekeu pesü ashepe shi keno, ni ye shishe alovive, kughengu mtsüqheino no ye kuchou küdau checheni ke.