Biblia Todo Logo
Baibulo la pa intaneti

- Zotsatsa -




Galatiami 6:1 - Sumi Naga CL (Re-edited) Bible (BSI)

1 Athiküzümiqo, khuana no axine lo ikiqive aye, nongu aghungu lomi no mtshaminhei pa sachile saghilo. Nongu jukuto lo tikumo aye nongu ghi ghukuju lo ilove nosae.

Onani mutuwo Koperani

BAIBEL (BSI)

1 Athikuzumiqo, timi lakhino hebide cheghi aye nongu aghungu kuxulo akemiqono amlo kumtsha shino pa shikumzu tsukepue. Nongu ghi alikhi ampi jukutolo tishianguno oghukeqhive pemonike.

Onani mutuwo Koperani

Sümi Tiqhelimi Bible

1 Athiküzümi eno achelimiqo, khuala no axiné shi aghí keu ithulu aye, nongu Aghungu küxü lo akemiqo no agholau no timi tipau shikümzü tsü moayesae. Ikemu nongu likhi nongu jukuto lo, tishimo aye nongu ghí ghuju kepu shiluvi ke.

Onani mutuwo Koperani




Galatiami 6:1
41 Mawu Ofanana  

Ghulo lakhi avelau David no pa zü-a lono ithughi no kükaki kütsüqa lo ala cheche kelo, pa no akütsüqa lono totimi lakhi azü kuchhu aghikeu ithulu; li ye ighono ajukivie.


Amikuchomi pelo I ghaqhi pelo—ti ye kimiyekini ke; pa pelo I sakiyi pelo—ti ye I kütsü lo thazü ke; I kütsü pelo ti milivepe kevilo. Ikemu I kighini ye alhokuthu pano kixikila kümla ghochile acheni.


I no pühave keqo phuwu nani, eno I no itsüsü wuve keqo sachile ighi nani, izapusü akeqo khakide küdai tsü nani, miqemlei keqo shikumto tsü nani, eno atha pubeyi akeqo ngo akumto shi akeqo ye I no kütsave nani. Achipiu lono I no panoqo loji nani.


Iw kuokhasü ikhipe xapulo, eno I launo shikalu lo, kughengu ni ye ivünhei eno aqhokighemi, eno nongu ngulho ghenguno nongu no akulhokiqhi ithulu nani.


Peter no aki khala lo iqa akelo achinetou qelimi lakhi no pa lau ighi no pi, “No ghi Galileemi Jisü gholo cheke lae.”


Eno Jisü no pikeu tsa Peter no kümsüchilelu, “Awudu no igha mphilo no ye ni mthae pi ghuthu küthü milive nani.” Peter no khalau ipeve no amloiju qae.


Hi ye kiu kiqi keno wuno shika lulo: ‘Ni ye kimiyekini laju ani thono aghakishi kumoe.’ Kughengu I no ighikeu ye amikuchomi kumono axinemi kuni ke ghenguno ke.”


Khuu no aküpülü lo miqemlei ani keno alokivishi ikhiluni thono akükümsü kiyeqü ke ghenguno mto kevilo.


Ningu khunoqo no aküpülü lo mtotoi ani keno, ningu ampi pulou kumono miqemlei akeqo no ikiqive kelo xaqhe masa kepu ani.


Ashi küdau amlo tsükeu ye akithipue, ikemu Aghungu küdau amlo tsükeu no aküxüpu eno alokiqipu ke.


Tighenguno khukhumu mtotoi puthugho ani aye pa ye veqhimo kepushi jukutolo.


Khuana no pa ye tungkupmi, momu aghungu lomi kepi kümsü aghi aye, pa ye I no nongu lau kiu yepuwu ani keno ti ye Ampeu no azah tsüe pi ithi masae.


Aghungulo timi no thokha kümtsü kiqikutoju cheni, ikemu khunomu pa shou küghathabe chemoe.


Athiküzümiqo, nongu ye aghungulo timi kumono ashi lo timi eno Khristo küdau angakughunu toi ni ye nongu pütsa masavae.


Nongu pulou ye khikhiu kea? Ni ye akihepusü peighi lopi keo, kikimiye lono mtshaivü ighi lopi kea?


Nongu no akighini shiniye pulo küqhano ado hami kusholu move kelo kumo aye lakhino lakhi milive kevilo. Kütüta shivemu itaghi kuloqu luvelo, tishianguno nongu no alikhi aghasümla namu Satan ye nongu ghuju mla nani.


Ni, Paul ampi no Khristo kümtsha küghüvü pesü nongu qhüiniju ani—kughou nongu sasü kinheqhe kusholuni keno ni ye ivünhei ikemu nongu launo putosüve aye mghachhoi!—


ikehu itehi ye nongu no idewo pa kipimi peve tsüno pa lokughuno tsülo, tikumo aye amloksa no pa mhoqhive nosake.


Tighenguno I no nongu qhüiniju anike nonguw kikimiye pesü pa iqhikumto kithelo.


akümtsha, alikhi aghasükulu; hitoi keqo shou ayezah kiumu kühae.


Athiküzümiqo, ni Mpeu Jisü Khristow küpükini no nongu ghungu gholo apelo. Amen.


Ashekha shi athiküzümiqo, Ampeu Jisü je lono nino nongu qhüiniju eno hakite ani, nongu no ni launo kishi Alhou lopu shi xükepu keno ithuluve ketoi, ti ye nongu no itehi xüake toi, itaghi tinguno alau shi xülo.


Ikemu athiküzümi toi pa kütüghüni thono aghümi toi kihi kevilo.


eno mtshaminhei pa mjochile kemi shikithe tsü masae. Ishiake Alhou no pano pelo amlo xaidelu no kuchou ithilupe nani,


nongu la müzüchoi shilo, tishianguno apukhu kinitave kemi no ala chepimimo nani ikemu shipivilu nani.


Nongu no akughumi gholo akughushi akeshi panoqo kümsü lulo, nongu ampi no shilusa akeshi aghimeshi akeqo kümsü lulo.


Nongu gholo khuu no alokütsüu eno vethakuluu kea? Pa khuaye kivi vecheo mtshaivü keu lokütsü lono pa kümlaqo pephe piye pelo.


Kughengu ningu kümtsü ala kutomo lo pimive cheni. Khuana no pa tsapi lo khilemu shipimi cheghi moaye, pa ye kupukulumi, pa phimpi kuchopu ghasükulumi ke.


ikemu nongu mlo lo Khristo ye Ampeu eno akimthe kepi gihulo, nongu lolo lajupu akeu kiqi khuana no iniju aye sükusho tsa pilu kepushi alhokuthu kutope alo; tishimu akümtsha eno sükümsa lono shilo,


Khuana no pa thiküzümi lakhino akithipu kumo xine shi aghi keu ithulu aye, Alhou lau khulo, eno Alhou no aküxü pesü akithipu kumo xine shive kemi tsü nani. Akithipu lo sailove chekeu xine ghi ani; tipau ghenguno inikhu kepue pi ni ye piamoe.


Titsatireni:

Zotsatsa


Zotsatsa