Galatiami 5:13 - Sumi Naga CL (Re-edited) Bible (BSI)

¹³ Kughengu athiküzümiqo, nongu ye kuqhopheve keu küxü lo kuluvae. Ikemu nongu no ililaive keu dokivi pesü ashi pulou shi kevilo, ikemu kikimiye lono lakhino lakhi huthu kilelo.

BAIBEL (BSI)

¹³ Athikuzumiqo nonguye kuqhophevekeulo kuluvae, ikemu nonguye kuqhopheveake pi tino ajeku kivi shiveno nongu shiaji pulou gho shikevilo, ikemu Alhou kimiyekini vechewo nongu lakhino lakhi qekilelo.

Sümi Tiqhelimi Bible

¹³ I thiküzümi eno I chelimiqo, nongu ye kuqhopheve keu küxü xüpe niye kulù ke. Ikemu nongu ye kuqhophevea kepi tino ajekukivi shive no timi lhoaye pulou lo chhosü wuve kevilo; tishini ke züqhulo kikimiye vechewo akuchunu shi püzü nongu lakhi no lakhi qe lo.

Galatiami 5:13 Mawu Ofanana

ISAIAH 61:1

Ampeu Alhou Ghungu no I shou ani, kughengu Ampeu no I nukishevae, I pelo kumlhomi lau sütsa kivi süghi peniye, Pa no amlo ghimeshi akemi shipivi peniye I puwue, akughumi lau kuqhokiphe sütsa sheshu peniye, eno akughumi ghenguno akughuki khaqhitsü peniye ke.

Luke 4:18

“Ampeu Ghungu no I shou ani, kumlhomi lau asütsa kivi sheshu penike Pa no I nukishe. Pa no I puwu keu ye akughumi lau khakiqhi sheshu; anhechemi lau ithukulu tsü; nedaqodape akemi kuqhophe;

Apostolmi 20:35

I no thokha lo nongu piyeve ake ningu ye ichheime mlano miqemlei kemi kuphu, eno Ampeu Jisü ampi no pikeu tsa kümsülu masae, ‘Tsükeu no lukeu nguno akümghapue.’”

1 Kor. 8:9

Ikemu nongu chipiu hipau no aküpülü lo miqemlei kemi pukhu küpsüpu shi nosake kutokupuilo.

1 Kor. 9:19

Kughengu ni ye khuu qeumu kumo kemu I no ni ampi pesü kümtsü qeu shivae, tishikeu lono Khristo lau timi alau saghi luniye ke.

2 Kor. 12:15

I no aghikeu eno I küxü ghi pesü nongu ngulho ghenguno alokivishi tsüve nani. I no alaushi nongu kimiye ke ghenguno nongu ye akimkheu shi I kimiyeni keshea?

2 Kor. 2:8

Tighenguno I no nongu qhüiniju anike nonguw kikimiye pesü pa iqhikumto kithelo.

2 Kor. 3:17

Ampeu ye Aghungu, eno khilehi Ampeu Ghungu ani keno tilehi kuqhokiphe ani.

2 Kor. 4:5

Kughengu ningu ye ningu ampi sheshu chenike kumoe ikemu Jisü Khristo ye Ampeu kepi sheshu cheni eno Jisü ghenguno nongu qemi shi acheni.

Galatiami 2:4

Kughengu kichile thiküzümi no tuqhou no nino Khristo lau ililai xüakeu lo puju iloghi, tishikeu lono ni sasü akütsügha lo saghini ye shike.

Galatiami 4:22

Kughengu ishi yepüani ke Abraham no anu kini ache, lakhi no aqüaxeu totimi vecheo eno lakhi no ililai xüchekeu totimi vecheo punuke.

Galatiami 5:1

Khristo no ningu pesü ililai keu lo kuqho phevae. Ikehu mtotoi puthugho lo, eno itaghi aqüaxemi kuokhasü xapu kithe kevilo.

Galatiami 5:14

Kughengu Ayezah kuchopu atsathi lakhi lono shikupuvae: “O likhi o toi o kisüghümi kimiyelo.”

Galatiami 5:22

Ikemu Aghungu xathi ye kikimiye, alokivi, aloino, kutuukulu, kimiyeqhiyi keu, akivi, pükhükulu,

Galatiami 6:2

Lakhino lakhi makho putsü kilelo, tishikeu lono Khristo yezah shikupu tsülo.

Ephesiami 5:21

eno lakhino lakhi lau Khristo gihu keu michishi qhoqhü kilelo.

1 Thes. 1:3

ningu Papu Alhou zülo nongu küpülü kümla, kikimiye ghime, eno ni Mpeu Jisü Khristo lau iqemokeu lajupu akeu nino kümsülu cheni.

1 Peter 2:16

Kuqhopheve kemi toi xülo, ikemu Alhou qemi toi xüni thono ililaive keu pepimi pe alhoksa shi kevilo.

2 Peter 2:19

Panongu no khaqhikiphe ghili picheni, ikemu pano ampi ye shiküpsapu qemi. Kughengu kiukiu nomu timi shou qhasü luve aye, timi huye tipau qüaxemi ake.

Jude 1:4

Kughengu khunomu mthano ake lono Alhou kümthami khami no tuqhouno ningu gholo iloghivae. Panongu ye khaghi no kileqhive nike amichi shipe qhive keqo, ni Lhouw küpükini pesü pano shiaji pulou lo süve no ni Mpeu lakhi likhi akeu Jisü Khristo milive keqo ke.