Galatiami 5:1 - Sumi Naga CL (Re-edited) Bible (BSI)

¹ Khristo no ningu pesü ililai keu lo kuqho phevae. Ikehu mtotoi puthugho lo, eno itaghi aqüaxemi kuokhasü xapu kithe kevilo.

BAIBEL (BSI)

¹ Khristo no ningu kuqhophevae. Tighenguno kuqhopheveke toi akumtoshi puthugholo eno itaghi aquaxemi makho lo kitime kithe kevilo.

Sümi Tiqhelimi Bible

¹ Ningu pelo khaqhipheve keu küxü xü penike ghenguno Khristo no ningu kuqhophevae. Tishiaye, akumto shi puthugho lo, eno aqüaxemiw kuokhasü lo O likhi O kitime kithe kevilo.

Galatiami 5:1 Mawu Ofanana

LESHELE 51:12

Ow xakulu lokivi I tsüchile lo, eno pulopinyi keu ghungu pesü I choqhe tsülo.

AHOLE 23:23

Kuchou qhülulo eno je kevilo, alokütsü, akükütsütsa eno vethakulu qhülulo.

ISAIAH 61:1

Ampeu Alhou Ghungu no I shou ani, kughengu Ampeu no I nukishevae, I pelo kumlhomi lau sütsa kivi süghi peniye, Pa no amlo ghimeshi akemi shipivi peniye I puwue, akughumi lau kuqhokiphe sütsa sheshu peniye, eno akughumi ghenguno akughuki khaqhitsü peniye ke.

MATTHEW 23:4

Panongu no puqhe kümla kho kimshi pesü timi xapipe cheni, ikemu panou ye auloti mu chhopuwo ti peqhetsü chemoe.

Luke 5:38

Ikemu atsaiji kithe pesü ahughi kithe lo sümasae.

Apostolmi 15:10

Imaye, nongu ye kushiye Alhou peju ghi küpülümi shou ni puasü eno ningu no puqhemla keu kuokhasü betsü ani kea?

Rommi 6:14

Kughengu nongu ye Ayezah qholo kumono küpükini qholou ani keke axine ye nongu qhasüve mo nani.

Rommi 6:18

eno axine lono kuqhopheve akehu Alhou chipiu qüaxemi shiluvae.

Rommi 7:3

Titoi, akimi no xü aphi lono li no kütami sasü küghünauve aye, li ye küsalhami ipi kuniae. Ikemu li kimi no thive aye, li ye tipa yezah lono kuqhove akeke kütami sasü küghünauve namu küsalhami kumoae.

Rommi 7:6

Ikemu Ayezah khikhi ghuthu lakhi lo ningu tsügha püache keno, ti küdau ye thive keu lono itehi ningu ye Ayezah lono kuqhovae, tishi kehu ningu ye aqau laghi, ti ye yepüakeu Yezah, lono kumo püzü aghola kithe, ti ye Aghungu laghi, lono huthu niye ke.

Rommi 8:15

Kughengu nongu ye akümsapu lo ideilove peniye aqüaxekishi ghungu ithulu ke kumoe, ikemu Alhou no atianuli shi saluve keu Ghungu ithulu ke, tishikeu lono ningu no “Apuo! Apuo!” ipi ighamku cheni.

Rommi 8:2

Kughengu aküxüpu Ghungu yezah huno Khristo Jisü küdau no axine ngo akithi yezah lono nongu kuqhovae.

1 Kor. 15:58

Tighenguno, I qhuu I thiküzümiqo, mtotoi puthugholo, itha kevilo, alhokuthu Ampeu kümla pekho tsüalo, kughengu Ampeu lau mlaitha akeu ye adou shivemo nanie pi nongu no ithi anie.

1 Kor. 16:13

Tsükhüi jukuto lo, aküpülü lo mtotoi puthugho lo, amlo kumto shilo.

1 Kor. 7:22

Kughengu khuu aqüaxemi shiake lono Ampeu lau kulu keno, pa ye Ampeu no kuqhopheve kemiae. Titoi khuu no kuqhophe keu lo ake lono kulu keno pa ye Khristo qüaxemi shivae.

2 Kor. 11:20

Kughengu khuana no nongu pesü aqüaxemi shive, nongu qhasü, nongu shou adokivi luve, nongu jukünatha, momu nongu gilo ghatsü namu, nongu ye kutuulu cheni.

2 Kor. 3:17

Ampeu ye Aghungu, eno khilehi Ampeu Ghungu ani keno tilehi kuqhokiphe ani.

Galatiami 2:4

Kughengu kichile thiküzümi no tuqhou no nino Khristo lau ililai xüakeu lo puju iloghi, tishikeu lono ni sasü akütsügha lo saghini ye shike.

Galatiami 3:25

Ikemu itehi ye aküpülü ighive ake ningu ye ghaküsüu qholo kumovae,

Galatiami 4:26

Ikemu kungugha lo Jerusalem akeu huno ililai keu totimi, li ye ningu paza ke.

Galatiami 4:31

Tighenguno, athiküzümiqo, ningu ye aqemi tianuli kumoe, ikemu anipu kuchou nuliqo ke.

Galatiami 4:9

Ikemu itehi nongu ye Alhou ithivae, momu Alhou no nongu ithivae, tishiaye kishino itaghi idewo qeinai eno ame küküha ayeghi lo kükütsü jeli no qhasüve penishi eno tipaqo qüaxemi shikitheni shiani kea?

Galatiami 5:13

Kughengu athiküzümiqo, nongu ye kuqhopheve keu küxü lo kuluvae. Ikemu nongu no ililaive keu dokivi pesü ashi pulou shi kevilo, ikemu kikimiye lono lakhino lakhi huthu kilelo.

Ephesiami 6:14

Ikehu mtotoi puthugho lo, kuchou pesü apokha shilo, achipiu mikucho pesü amlaküxa shipulo,

FILIPIAMI 1:27

Akhotou ye hike, nongu xüghola ye Khristo tsakiviu gholo aküzüqhiyi kimshilu pelo, tishianguno I no ighi no nongu kujuthulu na monamu, nongu ye amlo akükümsü küthape lakhi shino atsakiviu küpülü ghüshi ghenguno kümtsa akumto shi puthugho anipi ni ye chiluni shi ani

1 Thes. 3:8

Nongu no Ampeu lau mtotoi puthugho aghi aye ningu ye xü ani.

2 Thes. 2:15

Ikehu, athiküzümiqo, ni tsapi momu yesü lonomu nongu shikave keu khuaye lo mtotoi puthugho lo.

IBRIMI 10:23

Ningu ithamo no nino laju piphe chekeu mtotoi tsüqü peni nolo, kughengu khuu no piqhi püani keno Pa ye pükhükulupu ke.

IBRIMI 3:14

Kughengu ningu no abothu lo ni mlo kuloghi shiche ketoi ashekha kutolo mtotoi tsüqü pelu aye ningu ye kümtsü Khristo lau kulojilu kemi ake.

IBRIMI 3:6

ikemu Khristo ye Anu lakhi shi Alhou kibo shou pükhükulupu shike. Eno tsala ningu no mtotoi niw lajupu lo amlo kuloghi shi aye ningu ye Alhou kike.

IBRIMI 4:14

Tishi aye ningu ye achinetou akijeu, khuu kungugha lo ani keno, Alhou Nu Jisü hu ani keke ningu niw pikiphe küpülü mtotoi tsüqü peni nolo.

1 Peter 2:16

Kuqhopheve kemi toi xülo, ikemu Alhou qemi toi xüni thono ililaive keu pepimi pe alhoksa shi kevilo.

2 Peter 2:19

Panongu no khaqhikiphe ghili picheni, ikemu pano ampi ye shiküpsapu qemi. Kughengu kiukiu nomu timi shou qhasü luve aye, timi huye tipau qüaxemi ake.

Jude 1:3

Kimiye chekeqo, ninguw aqü xakulupu akeu vehu yenishi kütü akemu Alhou no aküpülü khikhi ghuthu khavino küpülümi kümtsü lau tsü keno, tiu süsho penike ni ye nongu ghutu ghi ye masave.

Piyeküsü 2:25

Nongu no kiu ani keno I no ighi moke dolo tilikhi mtotoi tsüqüpe lulo.

Piyeküsü 3:3

Tishi aye, nono kiu ithulu eno chilu püani keno kümsü lulo. Tipau pepimhe no xaidelo. Nono ithughimo aye, Ni ye küpkami lakhi toi ighi nani, eno kiu tüqhüdo lono I no o mjochile ighi nani keno no ye ithimo nani.