Galatiami 4:19 - Sumi Naga CL (Re-edited) Bible (BSI)

¹⁹ I tianuliqo, nongu lolo Khristo lhophelu moke kutolo ni ye itaghi nongu ghenguno apunu küsü toi süani!

BAIBEL (BSI)

¹⁹ Ino kimiyechekemi anuliqo, totimino apunu kusu suakeshi niye itaghi nongu lolo Khristo lhoaye gholumoke kutolo nongu ghenguno ino ime suani.

Sümi Tiqhelimi Bible

¹⁹ I no kimiye chekemi anuliqo, nongu lolo Khristo gholuvemo ke kutólo ni ye apunu küsǜ sǜ akeshi nongu ghenguno itaghi sǜ anie,

Galatiami 4:19 Mawu Ofanana

ISAIAH 53:11

Pa ngulho no ghichheghime shi akeu dolono Pa no juno aghapiqilu nani; I qeu, achipiu huno Pa lokütsü vecheo, timi kutomo pelo achipiu shilupe nani, eno Pa no tipaqo kipimi puluve tsünani.

Luke 22:44

Pa no amloiju akehu alau amlo tsüqhiyi inikhu; eno pa tsünhizü no aji toi ayeghi lo ijiqighi.

Rommi 13:14

Ikemu Ampeu Jisü Khristo lhoaye pepuni, eno khilemu ashi ghakiqipu shinike mineqhiyi keu jeli lo amlo tsümoni.

Rommi 8:29

Timi khunoqo Alhou no azünatha ghi ithi akeno panongu pelo Pa Nu julho kimihi shiluve peniye Pa no panoqo kishe kütüta shive, tishianguno athiküzümi kutomo gholo Anu pelo amsüu shi peniye ke.

2 Kor. 12:14

Hi ghuthu aküthüu ni ye nongu lau ighini ke kutope ani. Eno ni ye nongu ghimemo nani, kughengu ni ye nongu küakini kumono nonguu phucheni. Kughengu apuaza no atianuli ghenguno kiketsü cheni kethono atianuli no apuaza ghenguno kiketsü chemoe.

Ephesiami 4:13

Ningu kümtsü no tekhoi xükülaye luno aküpülü ngo Alhou Nu kighithi lo lakhi shi küqhalu, eno Khristo lhoaye kupukülai shi ithilu moke kutolo hitoi mla apeniye ke,

Ephesiami 4:24

kuchou mikucho ngo akimthepu pesü Alhou kimihi lono lhokeu lhoaye kithe pepulu peniye ke.

FILIPIAMI 1:8

Kughengu I no kishi Khristo Jisüw ivüilai keu mlo xapu nongu kümsükütü cheni keno Alhou no Iw thopiu ke.

FILIPIAMI 2:17

Tsala I küxü ji huno atsaizü kümllagho toi nongu küpülü ghakishi kümllagho shou lepuku kepu shive namu, ni ye amloqi nani eno nongu gholo alovi küqha nani.

FILIPIAMI 2:5

Khristo Jisü kükümsü ghola khikhi nonguw shilu keno, hi no nongu gholo alo,

Kolosiami 1:27

Alhou no panongu kishelu no Jewkumomi gholo ajuküvüpu kini kije pephe tsüke, ajuküvü lajupu huye Khristo nongu lolo akeu ke.

Kolosiami 2:1

Nongu eno Laodicea lo küami ngo khunoqo I sasü kusholu mphi keno, ni ye nongu ghenguno ime mla akeu nongu pelo ithi penishi ani,

Kolosiami 3:10

eno alhoaye kithe pepu luvae, ti ye Lhoküsüu no Pa ithitoilu penike Pa kimihi shitsü acheni.

Kolosiami 4:12

Ampeu Jisü Khristo qeu Epaphras, nongu gholo lakhi huno petha nongu tsü ani, pa kighini lo alhokuthu nongu ghenguno kükhakulu acheni, tishianguno nongu pelo Alhou pulou kümtsü lo tekhoi eno thebeilu peniye ke.

1 Thes. 2:7

Ikemu aza lakhi no atianuli lamlu ketoi ningu no nongu lau mtshaivü piyeke.

1 Tim. 1:2

Aküpülü lono I nu kuchou Timothy lau ye ani. Apu Alhou eno ni Mpeu Khristo Jisü launo ighi keu küpükini, kimiyekini eno aloinokeu tsü ani.

Titus 1:4

Aqü küpülü kiqi lono I nu kuchou shi chekeu Titus lau: Apu Alhou eno ni Xakuluu Jisü Khristow küpükini eno aloino keu tsü ani.

Philemon 1:10

I no I nu Onesimus, khuu I no akughushi akelono papu shilu keno, pa ghenguno o qhüiniju ani.

Philemon 1:19

Ni Paul no, I u no hi ye ani: I no lochile nani—I no o piputo akepu küha kemu kuchou loye nou no I pi puanie.

IBRIMI 5:7

Jisü no ayeghi lo ache kelo aghügha kuloghi eno anhezü kipiji pesü Alhou khuu no akithi lono pa xalu nani keno, Pa vilo khuche, eno pa lolo sükümsa akeu ghenguno ikhilu tsüche.

James 1:18

Pa pulou lono kuchou tsa vecheo Pa no ningu lhosüe, tishianguno Paw pulhoküsüqo gholo ningu pelo amsüu xathi shipeniye ke.

1 John 2:1

I tianuliqo, I no nongu lau hipaqo yepuwu akeu ye nongu pelo axine shi pemo niye ke. Ikemu khuana no axine shi aye, ningu ye Apu zülo ni ngulau Jisü Khristo amikuchou hu anike.

1 John 2:12

Anuliqo, ni ye nongu lau ye ani, kughengu Khristo je lono nongu xine ye qhive tsüae.

1 John 5:21

Atianuliqo, nongu ye kichileu lhou julhoqo launo putosü lulo.

3 John 1:4

Ni ye I tianuliqo no kuchou küdau chechenie pi chilu keu lokivi nguno akijeu kütau kühae.