Biblia Todo Logo
Baibulo la pa intaneti

- Zotsatsa -




Galatiami 3:16 - Sumi Naga CL (Re-edited) Bible (BSI)

16 Pikiqhitsa ye Abraham ngo pa tikughuko lau shike. Ti ye kutomo lau pipuku ghi, “Eno atikughukoqo lau” ipimoe, ikemu milakhi, ti ye Khristo, lau pipuku ghi, “Eno o tikughuko lau” ipike.

Onani mutuwo Koperani

BAIBEL (BSI)

16 Ikelo, Alhou no Abraham lau eno pa polo kughuko lau ashoqhi shike. Tipaulo, “pa polo kughukomiqo” ipi puamoe, tishikeaye timi kutomo lau shinicheke, ikemu tipaulo. “apolo kughuko” ipi puani, tipau kiqiye timi lakhi pi anike, tiye Khristo ke.

Onani mutuwo Koperani

Sümi Tiqhelimi Bible

16 Alhou no Abraham lau eno pa tikughukomiqo lau pikiqhi shike. Kuchoyesü lo “eno atikughukoqo lau,” ipi pipüamoe, tipau kiqi ye timi kutomo, ikemu “eno O tikughuko,” ipi pipüani, tipau kiqi ye timi lakhi, tiye Khristo ke.

Onani mutuwo Koperani




Galatiami 3:16
28 Mawu Ofanana  

Khunono o kümgha tsüni keno I no kümgha tsüni, khuu no o thaighani keno I no ghushoni, eno o launo ayeghi lo akibolomi kümtsü mügha peni.”


Tithiu Ampeu no Abram lau ipeghi no pi, “O tikughukomi lau I no ayeghi hipau tsüni.” Ikehu pa no Ampeu, khuu pa lau ipeghi keno, Pa lau akümlla-khache shiqhe.


Pa no khalacheu pa saipe no pi, “Atsütsü küdau julo, eno tsala nono ayepuqo kihilu kepu shi aye kihiju lo.” Tishino Pa no pa vilo pi, “O tikughuko ye hitoi nani.”


Ikemu Alhou no Abraham vilo pi, “Anu ghenguno eno o qüaxeu atopuu ghenguno aloqimo no akevilo. Sarah no o vilo kiu piani keno titoi shilo, kughengu Isaac vecheo o tikughuko kihi nani.


Sükusho süqha Judah lau süghi moke kutolo kükaküsü ye Judah phevemo, momu yepeu küsü ye pa pukhu dolono kühave monani; eno ashiayeqo no pa lau aghokulu shi nani.


Jisü Khristo, David nu, Abraham nu, puasüqo laghaphi kaku.


ti ye Pa no ni puasü Abraham eno pa tikughukomi vilo alholo ghenguno piqhive keu kiqi lono ke.”


Nongu ye tungkupmi nuli, eno Alhou no nongu puasüqo sasü puloshoqhi shikeu nuliqo ke. Pa no Abraham vilo pi, ‘O polo kughuko vecheo ayeghi lo alagha kümtsü kümghatsü nani.’


ningu ghi kutomo shi anamu Khristo küdau no aphimpi lakhi shiluve akehu pütüta müzülo lakhino lakhi sasü kütshükime luvae.


Kughengu Abraham no ayeghiqha ighilu nanie pi pa eno pa laghami lau pikiqhitsa tsükeu ye Ayezah lono kumono aküpülü vecheo Alhou lau achipikalu keu lono ke.


Ikehu pikiqhitsa ye aküpülü shou bepe ani, tishikeu lono tino küpükini shou bepe no Abraham laghami—ti ye Ayezah pelu kemi likhi kumono pa küpülü küsajelu kemi ghi, kümtsü no ithulu peniye ke, kughengu aküpülü lo pa ye ningu kümtsü papu ke,


Panongu ye Israelmi, eno hi kümtsü panoqo saje shitsüe: Alhou nuli shi saluve keu; ajuküvüpu; puloshoqhi; Ayezah; akümlla; eno pikiqhitsa.


Aphimpi lakhi lo aphiau jeli kutomo aketoi eno aphiau jeli kutomo no aphimpi lakhi lo aketoi, Khristo gholo ghi titoi ke.


Tishiaye, nongu ye Khristo phimpi ke, eno milakhi khino tipau lo kihimpemi ke.


Panongu ye Hebrewmi keshea? Ni ghike. Panongu ye Israelmi kea? Ni ghike. Panongu ye Abraham polo kughukomi keshea? Ni ghike.


Tishiaye kushiye Ayezah tsü kea? Ti ye Axüthi, khuu lau ashoqhi shi keno, pa ighi moke kutolo axine ghenguno süküqha tsüke, eno ti ye kungumi vecheo lacheu u lono pekishe ighike.


Kuchoyesü no azünatha ghi Alhou no Jewkumomi pelo aküpülü vecheo achipikalu penani pi ithi akehu azüu no Abraham lau atsakiviu pikülha no pi, “O vecheo shiye kümtsü kümghatsü nani.”


Tuqhou tsa hipau ye thonhei ani eno I no piani ke hi ye Khristo ngo akukuhou ghenguno ke.


eno Khristo khuu Akütsü, khuu launo aphimpi kuchopu tuchomjo tsüno aqü anhü tshü küqhape Alhou launo ighikeu lono thukuu pesü thuwu lupe cheni keno, pa gholo kimepe move pecheni.


Hipau loye Greekmi eno Jewmi, aphighüyiko ghave kemi eno ghamo kemi, ayekümthami, tüghashi toi xükemi, aqemi eno ililai kemi kühae; ikemu Khristo no thokha ke, eno kümtsü lo ani.


Titsatireni:

Zotsatsa


Zotsatsa