Galatiami 2:19 - Sumi Naga CL (Re-edited) Bible (BSI)

¹⁹ Kughengu Ayezah vehulo ni ye Ayezah vecheo thivae, tishianguno Alhou lau xülu niye ke.

BAIBEL (BSI)

¹⁹ Kughengu imzu loye Ayezah qholono ipithivae, tishianguno Alhou lau xulupeniyeke. Niye Kros lono Khristo gholo yeda pithivae,

Sümi Tiqhelimi Bible

¹⁹ “Kughengu ni ye Alhou ghenguno xü anike ghenguno ayeza vechewo ni ye ayeza lo thivae.

Galatiami 2:19 Mawu Ofanana

Rommi 4:15

Kughengu Ayezah no aloghu süghi cheni, ikemu khile Ayezah küha keno, tile ye küqüve kepu ghi kühae.

Rommi 5:20

Ayezah ye akipimi kighisheni ke iloghi, ikemu khile axine kighishe keno küpükiniu no alau pofushi kithe,

Rommi 6:11

Tihutoi, nongu ampi ghi axine küdau ye thive akemu Khristo Jisü gholono Alhou lau xü anipi kihilo.

Rommi 6:14

Kughengu nongu ye Ayezah qholo kumono küpükini qholou ani keke axine ye nongu qhasüve mo nani.

Rommi 6:2

Kiu gholau nomu kumoe! Ningu khunoqo axine küdau ye thive akeno kishi püzü itaghi tipau lo xüni kea?

Rommi 7:14

Kughengu Ayezah ye anguagha küxü lo ghenguno kepi ningu no ithi ani, ikemu ni ye ashi lo timi axine qüaxe lo jesüve kemi.

Rommi 7:4

Tihutoi I thiküzümiqo, nonguu ghi Khristo phimpi vecheo Ayezah küdau ye thivae, tishianguno nongu ye Alhou no Khuu akithi lono xüputhu keno, Pa laumi shino Alhou ghenguno axathi pithilu peniye ke.

Rommi 8:2

Kughengu aküxüpu Ghungu yezah huno Khristo Jisü küdau no axine ngo akithi yezah lono nongu kuqhovae.

1 Kor. 10:31

Tighenguno, nongu no chuna shona kiukiu shinamu kümtsü Alhou juküvüpu ghenguno shilo.

1 Kor. 9:20

Jewmi alau saghi lunike ni ye Jewmi gholo Jewmi toi xüke. Ayezah qholo akemi saghi lunike ni ye Ayezah qholo akemi gholo ye panoqo toi xüke (kuchou lo ni ampi ye Ayezah qholo kumoe).

2 Kor. 5:15

Pa no kümtsü ghenguno thive, ikehu khunoqo xüani keno panongu ye pütüta ghenguno kumono Khuu panongu ghenguno thive no xüputhuve keno Pa ghenguno xü peniye ke.

Galatiami 2:20

Ni ye Khristo gholono yedavae. I lolo xüakeu ye ni kumovae, ikemu Khristo no I lolo xüani. Eno itehi I no ashi lo xüakeu ye Alhou Nu, khuu no I kimiye no I ghenguno pa ampi tsüve keno, pa gholo aküpülü vecheo xüani.

Galatiami 3:10

Khunono Ayezah pelu keu shou pükhü cheni keno pano ye müsüinivae; kughengu ishi yepüani, “Khunono Ayezah Kaku lo yepüakeu kümtsü pape moni eno tipaqo mla moni keno müsüinivae.”

Galatiami 3:24

Ikehu Khristo ighi mphi kutolo Ayezah no ningu ghaküsüu shiche, tishikeu lono ningu pelo aküpülü vecheo achipikalu peniye ke.

Galatiami 6:14

Ikemu I müzülo ni ye ni Mpeu Jisü Khristo kros nguno alau ye khilemu qhezamo nani, kughengu paw kros vecheo ayeghi lo küxü ye I launo yedavae, eno ni ye ayeghi küdau ye thivae.

Kolosiami 2:20

Khristo gholono nongu no ayeghi lo aghawuqo lau thive aghi aye, kushiye itehi ghi ayeghi laumi toi ayezah qhoqhü ghi—

Kolosiami 3:3

Kughengu nongu ye thivae, eno nongu küxü ye Khristo gholono Alhou lau küsüvae.

1 Thes. 5:10

Pa no ni ghenguno thivetsü kehu ningu no idathu aghina züaghi namu Pa gholo xülu peniye ke.

Titus 2:14

Khristo no kixikila kümla kümtsü lono ningu qhüchile lunike Pa küxü tsüve, eno akivi kümla shinike khelho chekemi pesü Pa mheghi shi shikimthe luve.

IBRIMI 9:14

Khristo, khuu no lhokta Ghungu vecheo tukutiye kühano Alhou lau pa ampi pephe tsü keno, pa ji ye tinguno alau ningu pelo aküxüpu Lhou huthu peniye akithipu kümla lono niw kiviküsa lotsü shikimthe tsülu nani.

1 Peter 2:24

Pa phimpi lono Pa ampi no ni xine xapu kros lo ikuve, tishianguno ningu pelo axine küdau ye thive no amikucho lono xülu peniye ke. Pa ghüzaku vecheo nongu shipivi luvae.

1 Peter 4:6

Akiqi hipau anike gheno Atsakiviu ye thive no akemi lau ghi pesü kütsü wue, tishianguno ashi küdau ye panoqo ghi kütami lau toi küghathabe aghimu aghungu xü lou no Alhou pulou kiqi lono xülu peniye ke.