FILIPIAMI 4:6 - Sumi Naga CL (Re-edited) Bible (BSI)

⁶ kiu lonomu amlo kütakihi kevilo, ikemu thokha lo shikimthikütsü gholono akighini eno akupulo pesü Alhou lau qhüiniju lo.

BAIBEL (BSI)

⁶ Kiu lonomu amlokutakihi kevilo, ikemu nongu kighini kumtsulo nonguno kiu avehupu shinikeno Alhou vilo khulo, pulhapuju shikimthikeu mlo pu puzu nonguno khuinilo.

Sümi Tiqhelimi Bible

⁶ Kiu ghengu nomu amlo kütakihi kevilo, ikemu atüqhüdo kümtsü lo akighini eno qhüiniju keu gholo shikimthikütsü vechewo nongu vehupu pesü Alhou vilo pilo.

FILIPIAMI 4:6 Mawu Ofanana

KUKAMI ATUGHIU 8:28

Ikeghi, O Ampeu I Lhou, o qeu no akighini shi akeu eno pa no khu akeu chilu tsülo, eno ishi pa no ighamku O zülo inikhu akeu initsü lo,

YEKIKITHI AKINIU 32:20

Tithiu Hezekiah ngo Amoz nu tungkupu Isaiah pama no hipa ghenguno kungugha lau ighamku inikhu.

LESHELE 51:15

O Ampeu, I mütsü xükho tsülo, eno I kichi lono O shekiqhe sheshuni.

LESHELE 55:17

Avela, inaqhe eno puchomghü lo I no muchho eno aghuju shi igha, eno Pa no I sütsa chilu tsüe.

LESHELE 55:22

O makho pesü Ampeu lau qhitsülo, eno Pa no o püxü tsü nani; Pa ye khilemu amikuchomi pelo ithave peni keu za tsümo nani.

LESHELE 62:8

O timiqo, ado kümtsü lo Pa pükhü lo; Pa zülo nongu mlo lheqhi lo; Alhou ye niw sükusho ke.

AHOLE 15:8

Kixikilami ghakishi ye Ampeu zülo aphikümqhüpue, ikemu timi kivimi kighini no ikhikulupu shi cheni.

AHOLE 16:3

Ampeu lau o kümla eno o kukughu kulhuqhi tsülo eno Pa no tipaqo iqhikumto tsü nani.

ALE KIMCHI 2:14

O Iw miqhedu, atu nhepho lo eno atuxu cheku lo itshü akeu, I pelo o gi ithulu eno o sütsa chilu pelo, kughengu o sütsa ye jumghai eno o gi ye juvike.

JEREMIYA 32:16

“Aküqhü kiyepa pesü Neriah nu Baruch tsüve kethiu I no Ampeu lau ishi inikhu:

JEREMIYA 33:3

I ku ighilo eno I no o khochileni, nono ithimphi keu thime kije eno tuqhou I no o vilo pini.

DANIEL 3:16

Shadrach, Meshach, eno Abednego noqo no khochile akükau vilo pi, “O Nebuchadnezzar, hipau vehu lo ningu ye o khochileni keu avehupu kühae.

DANIEL 6:10

Kughou Daniel no kiyepa lo jemchi süvae pi ithive keno, pa ye pa ki kunguu chebo lo alasheqo Jerusalem küdau khaqhipe qhi chekeu lo ikuve. Pa no azüu shiche ketoi, atsala lo ghuthu küthü qhoqhünhe no akighini shi eno pa Lhou zülo shikimthi tsüe.

MATTHEW 10:19

Kughou panongu no nongu küghani keno, nongu ye kishi pini momu kiu pini kea pi kütakihi kevilo, kughengu nongu no kiu pikepu keno, atüqhüdo ighi kelono nongu tsü nani.

MATTHEW 13:22

Asahuli lo vesülu keu piti ye Atsa chiluve keu timi, ikemu ayeghi lo küxü no azüküvü shiuve, eno küakini kimne no pishiqhipe Atsa hu ghüsüve, eno ti ye athi pithi move.

MATTHEW 6:34

“Tighenguno thoghiu ghenguno amlo kütakihi kevilo, kughengu thoghiu no tipa sala kütakihi kepu aphike. Atsala lo aküküpna sholu akeu no tipa tsala ghenguno lukümkhae.

MATTHEW 6:8

Panoqo toi shikevilo, kughengu nongu no kiu avehupu shiani keno nongu Papu lau khumphi züuno Pa ye qhoi ithi anie.

Luke 10:41

Ikemu Ampeu no khochile, “Martha, Martha, no ye thime kutomo ghenguno nughüza ani,

Luke 12:22

Jisü no pa khopemi vilo pi, “Tighenguno I no nongu vilo piani, nongu küxü lo kiu chushoni; momu nongu philo kiu pepuni kelapi keu lono amlo kütakihi kevilo.

Luke 12:29

Tishiaye, kiu chushoni kelapi alomsü auve kevi, momu tipa ghenguno kütakihi kevilo.

Luke 18:1

Jisü no pa khopemi pelo alomtshü mono alhokuthu inikhu peniye panongu vilo kimghikipiye hipau pi.

Luke 18:7

Imaye Alhou ye Paw kishekiphemi khunono putho pucho Pa lau ighamku cheni keno, tipaqo lau kuchou xakütha tsümoni keshea? Pa ye panoqo kuphuni ke süpushu nani keshea?

1 Kor. 7:21

O kulu kelo no ye aqüaxemi shiche keshea? Amlosa kevilo. (Ikemu o khaqhiphe kepu do sholu aye adokivi lulo).

1 Kor. 7:32

Ni ye nongu pelo kütakihi penishi amoe. Külaumo kemi ye kishi Ampeu pulou shini keno Ampeu kümlapu lo kütakihi cheni.

2 Kor. 1:11

Nongu ghi akighini lono ningu kuphutsü alo, tishianguno timi kutomo kighini vecheo kükümgha ni tsükeu huno itaghi timi kutomo no ni züqhushi Alhou shikimthi tsü nani.

Ephesiami 5:20

Alhokuthu lo thokha kümtsü ghenguno ni Mpeu Jisü Khristo je lono Apu Alhou lau shikimthi tsülo,

Ephesiami 6:18

Ado kümtsü lo Aghungu lono Alhou vilo khu, eno qhüiniju keu kighini shilo. Tipau kimji lono tsükhüi shino küpülümi ghenguno khuini tsülo.

Kolosiami 3:15

Khristow aloino keu no nongu mlo lo ayepe pelo, hipau ghenguno aphimpi lakhi lo nongu kuluve ake. Eno shikimthi qhiyi lo.

Kolosiami 3:17

Nongu no kiukiu mla namu, atsapi eno akümla lo Ampeu Jisü je lono Apu Alhou shikimthi ghi thokha shilo.

Kolosiami 4:2

Tamono mtotoi akighini shi alo, shikimthikütsü gholono tsükhüi khekuto alo.

1 Tim. 2:1

Tishiaye kümtsü nguno atüghüshi, I no hakite akeu ye timi kümtsü ghenguno Alhou vilo khulo, akighini shilo, qhüiniju lo eno shikimthikütsü tsülo;

1 Tim. 5:5

Khuu no kuchou no chimemi shive akeno, li ye liw lajupu Alhou shou bepe auvae eno putho pucho tamono qhüiniju inikhu acheni.

1 Peter 4:7

Thokha kümtsü shekuho ye kupunuvae; tigheno akighini shikulupu shi alikhi aghasü eno tsükhüi lulo.

1 Peter 5:7

nongu mlo kütakihi chekeu kümtsü Pa lau kulhuqhive tsülo, kughengu Pa no nongu tucho achenie.

SAMUEL ATUGHIU 1:15

Ikemu Hannah no khochile, “Moe, I mpeu, ni ye aghungu lono ime akemi topumi lakhi ke. Ni ye khilemu atsaizü momu aji kümka yeju mphie, ikemu ni ye Ampeu zülo I ngulho süghi ani.

SAMUEL ATUGHIU 30:6

David ye ighono avesave, kughengu timi kümtsü no pano tianuli ghenguno alolo kukhukimji shi akehu atu pesü pa veqhiveni piuve. Ikemu David no Ampeu pa Lhou launo pa ampi shikumto luve.

SAMUEL ATUGHIU 7:12

Tithiu Samuel no atu lakhi ikhipe Mizpah ngo Shen küma dolo shosüve eno tipau je pesü Ebenezer kutsü; kughengu pa no pi, “Ampeu no itehi kutolo ningu kuphue.”