FILIPIAMI 1:21 - Sumi Naga CL (Re-edited) Bible (BSI)

²¹ Kughengu I müzülo ye I no xüakeu ye Khristo ghenguno, eno thive keu huno I lake.

BAIBEL (BSI)

²¹ Kughengu ino xuakepu shiaye Khristo la shinia ikemu thivekepu shiaye ila shiniake.

Sümi Tiqhelimi Bible

²¹ Kughengu I no xü akepu shi aye Khristo ghenguno ke, eno thive kepu shi aye I lá ke.

FILIPIAMI 1:21 Mawu Ofanana

1 Kor. 1:30

Pa ghenguno nongu ye Jisü Khristo lau kimepe ani, ni ghenguno Khristo ye Alhou launo ighikeu lokütsü, amikucho, shikimthekütsü, eno xachilekulu ke.

1 Kor. 3:22

Paul na, Apollos na, Cephas na, ayeghiqha na, aküxü na, akithi na, itehi akeu na, ighini keu namu—kümtsü nonguw ke,

2 Kor. 5:1

Kughengu nino ithi akeu no tsala ayeghi lo ni kungo phiki huno shipüsave namu ningu ye au no shimokeu, lhokta atsütsü lo achekeu ki Alhou lau ani.

2 Kor. 5:6

Ikehu ningu ye alhokuthu amlo kuloghi shicheni. Nino ithi akeu no ni phimpi kilo ake tiviloye Ampeu launo putosü ani,

2 Kor. 5:8

Iyei, ningu ye amlo kuloghi shi ani, eno aphimpi qhive püzü Ampeu gholo auveni keu pavi nani.

Galatiami 2:20

Ni ye Khristo gholono yedavae. I lolo xüakeu ye ni kumovae, ikemu Khristo no I lolo xüani. Eno itehi I no ashi lo xüakeu ye Alhou Nu, khuu no I kimiye no I ghenguno pa ampi tsüve keno, pa gholo aküpülü vecheo xüani.

Galatiami 6:14

Ikemu I müzülo ni ye ni Mpeu Jisü Khristo kros nguno alau ye khilemu qhezamo nani, kughengu paw kros vecheo ayeghi lo küxü ye I launo yedavae, eno ni ye ayeghi küdau ye thivae.

FILIPIAMI 1:20

kughengu I mlo alouno laju achekeu ghi ni ye kiu lonomu kujovemo nani, ikemu thosülo toi itehimu akumto shino xüna thinamu, Khristo pesü I phimpi lono agigihupu shitsü niye ke.

FILIPIAMI 1:22

Tsala I no ashi phimpi lono xü akepushi aye, I ghenguno ti ye athi pithilu kepu kümla shi amasa keu ke. Tishimu ni ye khikhiu kishe kepu keno pilu amoe.

FILIPIAMI 1:23

Ni ye hi küma dolo I tsakibipe ani: hipa yeghi qhive no Ampeu gholo auve keu pavi keke tiuno I pulou shi ani;

FILIPIAMI 2:21

Kughengu kümtsü no Jisü Khristo lopu kumono pütüta pulou phucheni.

Kolosiami 3:4

Khristo, khuu nongu küxü keno, pa no ipeghi kelo, nongu ghi ajuküvü lono pa gholo ipeghi nani.

Piyeküsü 14:13

Tishino kungugha lono asütsa lakhi I no chilu: “Hi yelo, hinguno hilau ye khunono Ampeu laumi shi thiveni keno akümghapue.” Aghungu no piqatsü, “Iyei akümghapue, panongu ye pano ghime lono akulhoqhi luniae, kughengu panongu kümla no pano pape chenie!”