EZRA 7:10 - Sumi Naga CL (Re-edited) Bible (BSI)

¹⁰ Ezra ye Ampeu Yezah phino tipau pape eno Israel lo Pa yezah shika nike amlo tsüqhiyi shike.

BAIBEL (BSI)

¹⁰ Ezra no amlo tsuqhiyi AMPEU yezah phi eno pelunike pulolu eno puloshoqhi kukutsu eno tipa yezahqo pe Israilmi kutsunikeu shi.

EZRA 7:10 Mawu Ofanana

YEKIKITHI ATUGHIU 29:18

O Ampeu, ni puasü Abraham, Isaac, eno Jacob Lhou, hitoi keu kimji eno akükümsü pesü pülhapuju Ow timiqo lolo qhi püatsü eno panongu mlo pesü O phivilo qhi püatsü lo.

YEKIKITHI AKINIU 12:14

Rehoboam no alhoksa mlae, kughengu pa ye Ampeu phu keu lo pa mlo tsümoe.

YEKIKITHI AKINIU 19:3

Tishimu o lolo akivi hami phulue, ti ye nono Asherah julho aghakhu lono ikhive tsüno o mlo tsüqhiyi Alhou phuke.”

YEKIKITHI AKINIU 30:22

Levimi no shitsa shi Ampeu huthuke ghenguno Hezekiah no panoqo shikumto tsü. Panongu no atsala tsüni aghulhu shi, külakishi kümllagho tsü eno Ampeu pano puasü Lhou shikimthi tsüe.

EZRA 7:11

Hi ye akükau Artaxerxes no Ezra achineu, ayezah kükütsüu, Ampeu zakütsü eno Israelmi tsükeu yezah ithisheve keu lau yesü yekeu kiyepa ke:

EZRA 7:25

“Eno no, Ezra ye o Lhou lokütsü o lolo akeu kiqi lono yepemi eno xaküthami süküsü shino panoqo pelo Aghoki Kukuu phughi lo timiqow xaküthami shipelo, ti ye o Lhou yezah ithi akemi. Eno panongu no ithi aghimo aye nono shikani.

EZRA 7:6

Ezra hipau ye Babylon lono iqhoghi. Pa ye Ampeu, Israel Lhou no tsükeu Moses Yezah kighithimi lakhi, eno pa no khukeu kümtsü akükau no pulotsüe, kughengu Ampeu pa Lhou u no pa gholo ake.

JOB 11:13

“Nono o mlo kutope aghi aye, no ye Alhou lau o u chhopuwo nani.

LESHELE 1:2

pa lokiqipu ye Ampeu Yezah lo ani, pa ye putho pucho Pa Yezah lo kümsüputho cheni.

LESHELE 10:17

O Ampeu, Nono aghimemi kighini chilu tsü cheni; Nono pano mlo shikumto tsü, O kini kugho puwotsü nani,

LESHELE 119:112

Ashekha kutolo I mlo pelo O zakütsüqo papelu pelo.

LESHELE 119:45

eno ni ye kuqhophe keu laghi lo ililai cheche nani, kughengu ni ye O kükütsütsa phuluvae.

LESHELE 19:7

Ampeu yezah ye kupukülai, angulho püxü kithetsü cheni; Ampeuw thopi ye mtsüqhei, azükütütüi kemi pelo alotsü lupe cheni;

LESHELE 57:7

O Alhou, I mlo ye ithave moe, I mlo ye ithave moe! I no ale kithe eno ale kungo pheni!

MALAKI 2:7

Kughengu achinemi lakhi kichi loye akighithi tsa pükha phetsü masa, eno timiqo ye pa tsapi lono akükütsütsa phu masae, kughengu pa ye aqokitikhi Mpeu tsapeu ke.

MATTHEW 5:19

Tighenguno khukhumu azakütsü hipaqo dolo akimkheu mu kughuchove no kütami ghi titoi shika piye cheghi keu ye kungugha yekipe lo akitilau shi kihi nani, ikemu khuu no tipaqo pekupulu no kütami vilo ghi pelu penike pini keno kungugha yekipe lo akijeu shi kihi nani.

MATTHEW 7:24

“Tishiaye khukhumu I tsa hipaqo chilu no pekupulu keu ye alokütsümi lakhi no atu shou pa ki shiqhe keu toike.

John 13:17

Nongu no hipaqo ithi no papelu aye nongu kümghapue.

Apostolmi 1:1

O Theophilus, Iw kaku atüghüu lono I no hi kümtsü yevae: Jisü no mla eno shika thu kelono wo

ZAKINIU 16:12

Nongu ye Egypt lo aqüaxemi shiche kepi kümsülu lo; eno tsaqüi akhuaye hipau pepimhe lo.

ZAKINIU 33:10

Panongu no Ow pimheye pesü Jacob shika nani eno O Yezah pesü Israelmi shika nani; panongu no axokütsüngü O zülo qhi nani eno O kümlla khache lo kuchopu kipti kümllagho qhi nani.

1 Tim. 3:2

Kughengu akukuho lo sakiphemi ye akipimi kükühami shimasae, anipu lakhi akemi shimasa, tsükhüi kemi, alikhi aghasülu kemi, gihuküzümi, inami sasükinimi, eno shikathi kemi shimasae,

2 Tim. 4:2

ado ghuloki akivi na monamu atsa pesü sheshulo, thokha lo kutuukulu eno shiküka pesü shikithetsü, sakiyi eno shikumto tsülo.

Titus 2:1

Ikemu nou ye mtsümishei keu külütsa pesü shikalo.

Titus 2:15

Thime hipaqo pe sheshulo; eno kükagha kümtsü pesü shikumto no sakiyi lo. Timi khuu pelomu o jukünatha pekevilo.

Piyeküsü 22:14

Khunono aküxüpu sübo xathi küsajelu kepushi eno khagho vechesü aphughi lo ilolu kepushi pano phimini ishi kimtheveni keno akümghapue.

SAMUEL ATUGHIU 7:3

Samuel no Israel laghami kümtsü vilo pi, “Tsala nongu no nongu mlo kümtsü pesü Ampeu lau xaide aye, nongu ye inami lhouqo eno Ashtaroth phevelo, nongu mlo pesü Ampeu tsülo eno Pa likhi qelo, tishiaye Pa no Philistiami u lono nongu xaphetsü nani.”