EZEKEL 34:5 - Sumi Naga CL (Re-edited) Bible (BSI)

⁵ Ikehu panongu ye apanagha khavae, kughengu ambekhemi khumu kühave eno panongu ye tüghashiqo chuqupu shiveke.

BAIBEL (BSI)

⁵ Bheriqoye akheu kuhake ghenguno panonguye hapiye pighivae eno tughashino panoqo heqhi puzu tsuchuvae.

EZEKEL 34:5 Mawu Ofanana

KUKAMI ATUGHIU 22:17

Pa no pi, “Israel ghüshimi kümtsü akheu küha keu mbe toi apanagha naghuto lo chekeu I no ithulue. Eno Ampeu no pi, ‘Hipaqo ye ampeu kühae; panongu pelo iqüghai aki lo wove pelo.’”

YEKIKITHI AKINIU 18:16

Pa no pi, “Israelmi ghüshimi kümtsü naghuto lo akheu küha keu mbe toi apanagha chekeu I no ithulu. Eno Ampeu no pi, ‘Hipaqo ye ampeu kühae; panongu pelo iqünhei aki lo wove pelo.’”

ISAIAH 56:9

Aghasü lo tüghashi akeqo eno aluza lo tüghashiqo, hilau ighi no tsüchuve lo.

JEREMIYA 10:21

Ambekhemi no Ampeu vilo küsütsaju moke anikhae tigheno panongu ye ikoishe moe, pano mbeloji kümtsü apanaghavae.

JEREMIYA 23:2

Ikehu Israel Lhou, Ampeu no ambekhemi khunono Iw timiqo tucho cheni keno panongu vilo ishi piani: “Nongu no I mbeloji kuthole eno hapupove no panoqo jukütsü moe. Ikehu julo, nongu no alhoksa kümla shike ghenguno I no ghime nani, ipi Ampeu no asheshu.

JEREMIYA 50:17

“Israel ye abongshuu no haleve keu mbe toivae. Atüghüshi Assyria kükau no Israel kütsave, eno itehi Babylon kükau Nebuchadnezzar no panoqo saghi tsachheve tsüae.

EZEKEL 33:21

Ningu haphe sawuve keu ampe chighiakiniu, aqhi achighiu eno atsala apunguu lo Jerusalem lono pokaighi kemi lakhi I lau ighi no pi, “Mishighüna ye kütsalevae.”

EZEKEL 33:28

I no ayeghi pesü küghüküghalei amekühave tsü nani, li kumto qheküza kishekhave tsü nani, eno Israel lo naghutoqo agha itsüvepe nani tishikeu lono khumu katha move nani.

EZEKEL 34:28

Panongu ye shiyeqo no ghime keu shimo nani momu tüghashiqo no tsüqhimo nani. Panongu ye sükusho lono küghünalu nani eno khunomu panoqo shikümsa mla nani.

EZEKEL 34:6

I mbeqo ye apanagha khavae; panongu ye naghuto eno atoghi kümtsü lo itsüsü wuvae. I mbeqo ye ayeghi kümtsü lo apanagha khavae, panoqo phuwu momu juwuni kemi khumu kühavae.

EZEKEL 34:8

I no xüake toi, Ampeu Alhou no asheshu, mtsüqheino I mbeqo ye tsüqhi chuniye shivae, I mbeqo ye tüghashiqo chuqupu shivae, kughengu ambekhemi khumu kühavae, eno I mbekhemi no I mbeqo phusaghi movae, ikemu ambekhemi ye pano ampi likhi loji auvae, eno I mbeqo loji movae,

ZEKHARIA 13:7

“O azütakikihi, ithu Iw ambekhemi mjochile lo, Timi khuu I shelo puthugho ani keno mjochile lo,” ipi aqokitikhiMPEU no asheshu. “Ambekheu ghiqhilo eno ambeqo ye apanaghave nani; I no itimiqo shou I u süqheni.

AKIKIHI 27:17

pa no timiqo züu shi ipeilo eno saphe pelo, tishianguno AMPEUw timiqo ye akheu kühakeu mbeloji toi pemonie.”

MATTHEW 9:36

Kughou pa no aqokitikhi ithulu keno, panongu ghenguno pa mlo ighiqhiyive, kughengu panongu ye akheu kühakeu mbeloji toi pishipiyi eno akukuphu kühano ae.

Mark 6:34

Kughou Jisü no axüsa tokeno, pa no aqokitikhi kije ithulu, eno panoqo ye akheu küha keu mbeqo toi aghi kehu pa mlo ighiqhiyive. Pa no thime kutomo pesü panoqo shika thuve.

John 10:2

Ikemu khuu no ahukikha lono iloni keno pa no ambe kheu ke.