EZEKEL 34:24 - Sumi Naga CL (Re-edited) Bible (BSI)

²⁴ Eno Ni, Ampeu no panoqo Lhou shive nani, I qeu David no panoqo gholo kükapuu shive nani. Ni ye Ampeu ke; I no piqhivae.

BAIBEL (BSI)

²⁴ Ni, AMPEU no panoqo Lhou shi nani eno iqeu David toikemi akukau lakhino panoqo shou ayehkipeu shive nani. Ino pivae.

EZEKEL 34:24 Mawu Ofanana

LESHELE 2:6

“I kimthe toghi Zion lo I no I ghenguno Akükau süsüvae.”

ISAIAH 55:3

O kini kughopuwo lo eno I lau ighilo; Inilo tishianguno o ngulho ye xülu nani; eno I no nongu sasü shekhaha puloshoqhi shini, eno Iw iqemokeu kikimiye David shou akeu nongu tsüni.

ISAIAH 55:4

Julo, I no pa pelo ashiayeqo shou thopiu, eno sakipheu eno zatsüu shipeke.

JEREMIYA 30:21

Pano sakipheu ye pano dolo timi no shinani; pano yepeu ye pano gholono ipeghi nani; I no pa sasü aphivilo ighi eno pa no I kupunu ighi nani, kughengu khuu no I kupunu ighi luni kea? ipi Ampeu no asheshu.

JEREMIYA 30:9

Ikemu panongu ye Ampeu pano Lhou, eno pano kükau David, I no pano ghenguno saputhu niye akeu huthu nani.

JEREMIYA 31:1

“Ampeu no sheshu, tipa ghuloki lo I no Israel lagha kümtsü Lhou shive nani, eno panongu no Iw timi shive nani.”

JEREMIYA 31:33

Tithiu I no itehi Israel kibo sasü puloshoqhi shini keu ye hike, Ampeu no sheshu: I no I yezah panongu lolo sütsüni, panongu mlo lo yesü tsüni. I no panongu Lhou shinani eno panongu no Iw timi shinani.

JEREMIYA 32:38

Panongu no Iw timi shive nani, eno I no panongu Lhou shinani.

EZEKEL 20:5

eno pilo, Ampeu Alhou no ishi piani: I no Israel kishelu ke tsalani, Egypt yeghi lono I no panoqo lau pephe piye no ithilupe eno I no Jacob kibolomi tikughukoqo vilo pi; I no panoqo lau tushoqhi no pi, Ni ye Ampeu nongu Lhou ke.

EZEKEL 20:7

I no panoqo vilo pi, ‘Nongu nhethi ghapiqilu chekeu aphikümqhüpu thimeqo nongu lakhikhi no pevelo, eno Egypt lo asü-atu julho vecheo nongu ampi shikitiqe kevilo; Ni ye Ampeu nongu Lhou ke.’

EZEKEL 21:27

Ixapinyi, ixapinyi, I no tipau ixapinyive tsü nani. Küghakütha ye milakhi khuuw keno pa no ighi moke kutolo, hipau ghi tishi pemo nani, eno I no tipau pa tsüve nani.

EZEKEL 36:28

Nongu ye I no nongu puasüqo tsükeu yeghi lo küghünalu nani, eno nongu no Iw timi shi, eno I no nongu Lhou shinani.

EZEKEL 37:22

I no Israel naghutoqo lo, pano yeghi lo panoqo pesü shiye lakhi shive tsü nani. Akükau lakhi no panoqo kümtsü kükau shinani, eno panongu ye shiye kini momu kükaqha kijetha pesü kini shimove nani.

EZEKEL 37:23

Panongu ye pano julhoqo eno aphikümqhüpu thimeqo momu pano kipimi pesü pano shikitiqe move nani. Ikemu panongu no athiu idewove keu xine lono I no panoqo xalu nani, eno shikimtheve nani; panongu no Iw timi shive nani eno I no pano Lhou shive nani.

EZEKEL 37:24

“I qeu David no panoqo shou akükau shinani, panongu kümtsü ghenguno ambekheu lakhi anani. Panongu ye Iw pimheyeqo pape nani eno I yezahqo gholuni ke kutokupui nani.

EZEKEL 37:25

I no I qeu Jacob tsükeu yeghi, khile nongu puasüqo no xüche keno nongu no tile küghüna nani. Panongu eno pano tianuli ngo atilimi no tilehi alholo küghüna acheuve nani, eno I qeu David no alholo panow kükapuu shive nani.

EZEKEL 37:27

I kungo-a ye panoqo gholo anani, I no pano Lhou shinani, eno panongu no Iw timi shinani.

EZEKEL 39:22

Tipau tsala nguno hilau ye Israel kibolomi no Ni ye Ampeu panongu Lhou kepi ithi nani.

EZEKEL 44:3

Kükapuu likhi no tile iqa no Ampeu zülono asho chunani. Pa ye khagho ikulo lo achebo akeu küdau no ilo nani, eno tipau laghi lono ideipe nani.”

EZEKEL 45:7

“Akimthe tokukujo no kulola eno kipelau kughuthupe akeu yeghi ye kükapuu sala shini, kulola lughi lono kulolau Azüghi kutolo; eno kipela lughi lono kipelau ghakhu lughi kutolo, tishianguno ti akushulau ye Israelmi lakhikhi lau kotha tsükeu yeghi akushulau tohi shipenie.

EZEKEL 48:21

“Akimthe saje lo ako hula-hila kiu achili aghini keno ti ye kükapuu ghenguno shini. Akimthe saje lono kilometer 12 qhachhope kipelau ghuthu kuto, eno kilometer 12 kulolau ghuthu kuto, ashiayeqo saje mtsa lono kükapuu saje shini. Akimthe saje lo achineki ye tipau mta lo anani.

HOSIYA 3:5

Tithiuno Israel tianuliqo no ideighi no Ampeu pano Lhou eno pano kükau David phu nani, eno ashekha ghuloki lo panongu no Ampeu sükümsa eno Pa kivi küdau ighi nani.

MICAH 5:2

Ikemu O Bethlehem Ephrathah, no khuu Judah lagha gholo aghulou keno, I ghenguno Israel lo yepeu shiniye akeu lakhi o launo ighi nani, Pa ighini keu ye khaghi mulhou tsae.

ZEKHARIA 13:7

“O azütakikihi, ithu Iw ambekhemi mjochile lo, Timi khuu I shelo puthugho ani keno mjochile lo,” ipi aqokitikhiMPEU no asheshu. “Ambekheu ghiqhilo eno ambeqo ye apanaghave nani; I no itimiqo shou I u süqheni.

ZEKHARIA 13:9

I no hi aküthüu pesü ami lo süno ghükayi thakimthe ketoi shinani eno ameshoyi peju ketoi shinani. Panongu no I je ku nani, eno I no khochile nani. I no ishi pi nani, ‘Panoqo ye Iw timie’; panoqo no pi nani, ‘Ampeu ye I Lhoue.’”

MATTHEW 28:18

Jisü no kupunu ighi no panoqo vilo pi, “Kungugha lo ngo ayeghi lo kükagha kümtsü I tsüvae.

Apostolmi 5:31

Alhou no pa pesü Sakipheu eno Xakuluu shi Pa u ajeu süqhepe qhino Israelmi pelo xaidelu no axine qhikütsü ithulu peniye ke.

1 Kor. 15:25

Kughengu Alhou no Pa ghümi kümtsü Pa pukhu philo qhitsü moke kutolo Pa no ayepe masae.

Piyeküsü 21:3

Kükalakhü lono asütsa kuloghi lakhi no pikeu I no chilu, “Julo, Alhou no achekeu Phiki huye timi gholo auvae. Pa no panongu sasü xü nani eno panongu no Paw timi shi nani, eno Alhou ampi no panongu Lhou shi pano gholo xünani.