EZEKEL 32:7 - Sumi Naga CL (Re-edited) Bible (BSI)

⁷ Kughou I no no ikhiveni keno, I no atsütsü küzüve nani, eno ayepuqo zümoive tsü nani, I no khüngküsü pesü khetsünhe nhave tsü nani eno aqhi no aküvü tsümove nani.

BAIBEL (BSI)

⁷ Kughou ino okutsani keno ino khungkusu nhaluve eno ayepuqo kuzuphove nani. Tsukinheye khungkusu thiu itshuluve nani eno aqhino akuvu tsumove nani.

EZEKEL 32:7 Mawu Ofanana

JOB 9:7

Pa no khetsünhe azah tsüve aye tino ipeghi move cheni; eno ayepuqo nhape qhive cheni;

AHOLE 13:9

Amikuchomi küxü ye aküvü toi yevüqai alokiqipue, ikemu kixikilami kulu ye pai tsüqü pinheve tsü nani.

YETSAPIU 12:2

ti ye khetsünhe ngo aqhi eno ayepuqo no züchiyive mphi lono eno khüngküsü no tsütsüghu shelo shi ighi mphi lono tishilo,

ISAIAH 13:10

Kughengu atsütsü lo ayepu-ayesü no pano küvü tsümove nani; khetsünhe ipe chephi lono züchiyive nani, eno aqhi no pa küvü tsümove nani.

ISAIAH 34:4

Atsütsü ye kaku toi liküzüve no aqhi ayepu kümtsü hailove nani. Tipaqo ye atsaibo, mububo nipa ighiqi keshi ikiqighive nani.

JEREMIYA 13:16

Pa no aküzü süghi mphi züuno, zümoive keu naghutoqo lo nongu pukhu no küpxa mphi lono, eno nongu no aküvü laju akelo Pa no züchiyive tsüno aküzü kutho shivetsü mphi lono, Ampeu o Lhou sheqhelo.

EZEKEL 30:18

Kughou I no Egypt kuokhasü hephove tsüni keno, Tehaphnehes lo tsüküvü no tsüküzü shive nani, eno li kumto qheküza ye kishekhave tsü nani; li ye khüngküsü no küzüve nani, li ngaqo ye akughu lo wuve nani.

EZEKEL 30:3

Kughengu atsala ye kupunuvae, Ampeu tsala ye kupunuvae; ti ye khüngküsü no nhapho keu tsala, shiyeqo ghimepu tsalae.

EZEKEL 31:15

“Ampeu Alhou no ishi piani: Tipa tsalani cedar no Kithigha lo ikiqi ilove kelo I no mloqape ke; I no akuthoku nhave tsü, eno tipau ghokiqo ghasüve, eno azü kutomo lakhave tsü. Aküzü pesü I no Lebanon küzüve, eno tipau ghenguno aluza lo asübo kümtsü thizümüivae.

EZEKEL 34:12

Ambekheu no ambe hami pa gholo akelono apanaghave keqo phuwu ketoi, I no I mbeqo phuwu nani, eno khüngküsü ngo aküzü kutho tsala lo panongu no khile apanaghave keno tilau no I no panoqo xaphelu nani.

JOYIL 2:10

Panoqo zülo ayeghi no ithae; atsütsü no khokhoshie. Khetsünhe ngo aqhi no zümoive, eno ayepuqo no aküvü tsümove.

JOYIL 2:2

aküzü eno züchiyi keu tsala, akimhi eno aküzü kutho tsala! Akumtomi kütsasa no aküzü kutho toi naghutoqo nhakhape ani, titoi keu ye khilemu shiju mphi, itaghi panoqo thiumu tiqheli kupuju lo khilemu ithulumo nani.

JOYIL 2:31

Ampeu tsala kije eno akümzapu ighi mphilo khetsünhe no zümoive nani eno aqhi no aji toive nani.

JOYIL 3:15

Khetsünhe ngo aqhi no zümoi, eno ayepuqo no aküvü tsümovae.

AMUS 8:9

“Tipa tsalani,” Ampeu Alhou no asheshu pi, “I no khetsünhe pelo puchou no ilovepe nani eno puchomghü lono ayeghi pesü aküzü shivetsü nani.

MATTHEW 24:29

“Tipa tsala lo aghime kitikhi tave kemtsa khetsünhe no zümoive nani, aqhi no aküvü tsümove nani, ayepuqo no atsütsü lono ikiqive nani, eno atsütsü lo küka jeliqo sükiniqhi nani.

Mark 13:24

“Ikemu tipa ghuloki lo kijiküpsa thiu, khetsünhe no züchiyi hailove nani, eno aqhi no aküvü tsümove nani.

Luke 21:25

“Tishino amchipu kutomo khetsünhe, aqhi, eno ayepuqo lo ipeghi nani, eno ayeghi lo azümülhü tukide igha ipeghi no ayeghi lo shiye kümtsü veküsapu shi kütakihi nani.

Piyeküsü 8:12

Kungumi abidiu no pa fuko küigha kelo khetsünhe kikije küthü lo lakhi ye kütsave, titoi aqhi eno ayepuqo ghi küthü lo lakhikhi ye kütsaleve, tishikeu lono tipaqo küvü ghi kikije küthü lo lakhi ye zümoive, ikehu puchou pimu küthü lo lakhi ye khetsünhe küvü kühave, eno putho lomu lakhi ye aqhi ayepu küvü kühave.