EZEKEL 23:18 - Sumi Naga CL (Re-edited) Bible (BSI)

¹⁸ Kughou li no li salha pekiphe shi eno aphikümsa pephe piye keno, I no aphimqhü qhiyi li pafo launo tsüghüve ketoi, Ni ye li launo aphimqhü qhiyi tsüghüve.

BAIBEL (BSI)

¹⁸ Lino aqha zulo pekipheshi piyeke eno kumtsu pelo liye kusalhami kepi ithipeke. Niye afo lau angaghaive ketoi li lau ghi ingaghaive ke.

EZEKEL 23:18 Mawu Ofanana

LESHELE 106:40

Tithiu Ampeu mlokighide ye Paw timiqo shou iqü ipeghive, eno Pa no Pa mheghi jumithive;

LESHELE 78:59

Alhou no ti chilu kelo, Pa ye aloghu no chhitoive, eno Pa no Israel milive.

ISAIAH 3:9

Panongu gino pano shou thopi shi ani; Sodommi toi küsü mono axine shi ani. Pano hasapue! Kughengu panongu no pano ampi shou alhoksa süghi anike.

ISAIAH 57:8

Nongu no no hukikha sholokuu aphikümqhüpu julho qhipüani; nongu ye I pheve keu lono, nongu lüpa xape kümsa qhivae, nongu no tilau iku, eno nongu no ti qhape qhi, panongu sasü puloshoqhi shike; nongu no pano lüpa kimiye, eno panongu sasü nongu shiaji ghapiqi cheni.

JEREMIYA 12:8

I mheghi ye aghasü lo abongshuu lakhi toivae; li no I shou asütsa süqhe; tighenguno I no li mithike.

JEREMIYA 15:1

Ampeu no I vilo pi, “Moses ngo Samuel pama no I zülo puthugho püaghi namu, I mlo ye timi hipaqo lau tsüghü ighimo nani. I zülono panongu hapheve no puwuve lo!

JEREMIYA 6:8

Kütü keu lulo, O Jerusalem, tikumo aye I no o launo tsüghüve nani, o küghape pighive no küghüna mokeu yeghi shive tsü nani.”

JEREMIYA 8:12

Kuchhube kümla shive kelo panongu ye kujo keshea? Moe, panongu ye khilemu kujomoe; panongu ye kujoke ye mthae. Ikehu I no pano ghimeke tsala lo, panongu ye ikiqive kemi gholono ikiqive nani, ipi Ampeu no pi.

AKUMLO 2:7

Ampeu no Pa kiptia lomipi, Pa kimthe-a milivae; Pa no li kükaki liwoqo pesü aghümi u lo phesüve tsüae; tiqhetini tsala lo toi panongu no Ampeu ki lono angukashi ighae.

EZEKEL 16:36

Ampeu Alhou no ishi piani, Ow ghaghu ghale kükümsü lheqhi, o lojipumi eno ow aphikümqhüpu sü-atu julhoqo gholo o phikümsa lhapheke ghenguno eno nono o nuliqo ji panoqo tsüveke ghenguno,

EZEKEL 21:24

“Tighenguno Ampeu Alhou no ishi piani: Nongu no I pelo no kipimi kümsüchile lupe, tishianguno nongu xine ye lhaphe kehu nongu kümla kümtsü lo nongu xine ipeghi ani, nongu no hipau shive ake ghenguno, nongu ye au no küghaluve nani.

EZEKEL 23:10

Hipaqo no li phimpi lhapheve tsüe; panongu no li pu-angaqo küghaluve; eno panongu no azütakikihi pesü li ghiqhive; kughou küghakütha li shou bekeno li ye totimiqo zülo küghakiche lakhi shive.

EZEKEL 23:19

Ikeghi li no li lhothe tsala lo Egypt yeghi lo kütüqha chekeu kümsülu ghi alau kütüqhauve,

EZEKEL 23:9

Tighenguno, I no li lojipumi Assyriami khunoqo li sasü ghaghu shi akeno panoqo u lo li phesüve tsüae.

HOSIYA 2:2

“O za lomipi lo— kughengu li ye I nipu kumoe, eno ni ye li kimi kumovae— tishino li pelo kütüqha pemove, eno li pelo asalha tave pelo;

HOSIYA 7:1

Kughou I no Israel shipivini keno, Ephraim xine ngo Samaria kümla lhoksa pephe nani; kughengu panoqo no pishikiqhi kilhisho shi küpkami no hepho ilo, eno khalau no süxa ishike.

AMUS 5:21

Ni ye now tiqhetiniqo mithi eno junishi moe, eno nongu hukülü hohoqo lo I züküvü kühae.

AMUS 6:8

Ampeu Alhou ampi no tushoqhivae, ipi Ampeu, aqokitikhi Lhou no sheshu: “Ni ye Jacob qheküza kuchhube paw sükusho-aqo mithi, I no aphughi eno tile akemi pesü aghümi tsüve nani.”

ZEKHARIA 11:8

Aqhi lakhi lono I no ambekhemi küthü kütsave. Ikemu panongu lau Ni ye kheakulu shimlave eno panoqo ghi I jumithive.

ZAKINIU 32:19

“Ampeu no hi ithulu no panongu milive, kughengu pa nuliqo no Pa ghujue.