EZEKEL 13:23 - Sumi Naga CL (Re-edited) Bible (BSI)

²³ nongu ye kichile kungunhetsü momu saqhisali shimo nani. I no nongu u lono Iw timi xaluve nani. Eno Ni ye Ampeu kepi nongu no ithi nani.”

BAIBEL (BSI)

²³ Ike itehiye nowu kichile kungunhetsu ngo sabidekeu ashe azutsa pikeu kumtsu tavae. Niye nongu kuka launo iwu timiqo hakholuveni cheni, tishianguno niye AMPEU kepi nonguno ithi nani.”

EZEKEL 13:23 Mawu Ofanana

JEREMIYA 23:14

Ikemu Jerusalem tungkupmi gholo Ni ye aküighüpu ithulue: panongu no salha eno miki cheni; alhoksa kümlami shikumto, ikehu khunomu alhoksa lono tsüghü ighimoe; I zülo panongu kümtsü Sodom ngo Gomorrah timi toivae.”

EZEKEL 12:24

Kughengu Israel lagha lo kichile kungunhetsü momu tungkuptsa ala phasü piche keu kühave nani.

EZEKEL 13:21

Nongu gi künhaphi ghi I no süxüve tsü nani eno nongu u lono Iw timiqo xaphe luve nani, panongu ye nongu u lo kitimepe ngo move nani, eno Ni ye Ampeu kepi nongu no ithi nani.

EZEKEL 14:8

I no pa launo I gi kughove nani; pa pesü amchipu eno küghakichepu shitsü nani, eno Iw timi gholono ikhive nani, eno Ni ye Ampeu kepi nongu no ithi nani.

EZEKEL 15:7

I no I gi kughope panoqo lachile nani. Panongu no ami lono pokaluve namu, ami no panoqo pitiqhive nani, eno kughou I no I gi kughope panoqo lachileni keno panongu no Ni ye Ampeu kepi ithi nani.

EZEKEL 34:10

Ampeu no ishi piani, Julo, Ni ye ambekhemi lachile ani, I no I mbeqo ghenguno panongu launo kihikülai keu khu nani eno panoqo no ambe loji akeu lakhave nani. Ambekhemi ye pano lojilu moae. I no panoqo kichi lono I mbeqo xaphe luve nani, tishino panoqo chuqupu shipe move nani.

MICAH 3:6

Ikehu kungunhetsü kühano nongu ye zümoive nani, eno pichho keu kühano nongu lau aküzü ighive nani. Tungkupmi launo khetsünhe ilove nani, eno panoqo shou atsala no züchiyive nani;

ZEKHARIA 13:3

Khuana no itaghi tungkuptsa pi aye, pa punuu puaza no pa vilo pi nani, ‘No ye xümoae, kughengu nono Ampeu jelono akimki tsa pi anike.’ Eno kughou pa no tungkuptsa pini keno pa punuu puaza no pa jiqhive nani.

MATTHEW 24:24

Kughengu kichile Messiah ngo kichile tungkupmi ipeghi no kishekiphemiu ghi saküghüzüve nike amchipu ngo akümzapu kümla kije shi nani.

Mark 13:22

Kughengu kichile Khristo eno kichile tungkupmi no tolukivi thaqhü kishekiphemi ghi saküghüzü nike ipeghi nani eno amchipu ngo akümzapu kümlaqo shinani.

1 Kor. 11:19

kughengu nongu dolo amqo kütüta aghini cheni, tishino khunono kuchou keno tipaqo kimchilu peniye ke.

ZAKINIU 18:20

Ikemu tungkupmi khuu no I zakütsü lono kumono I je lono pini momu alhou kütauqo je lono pini keno pa ye thinani.

2 Tim. 3:9

Ikemu panongu ye khitohi mu wumla nani, kughengu hu pama shou kishive keno, titoi timi kümtsü lau hipaqo ghüzü piye nani.

Jude 1:24

Itehi ye khuu no nongu pelo küpxa pemo eno tukutiye küha no Pa juküvü zülo shishe alokivishi nongu ikhiphepe tsülu nani keno,

Piyeküsü 12:11

Ni thiküzü chelimi no pa shou tolukeu ye Ambeti ji eno pano küxü shepe tsa lono ke; kughengu panongu ye akithi kutolo mu pano küxü küpümo ke.

Piyeküsü 12:9

Dragon kuloghi huye küghape vepiqive, ti ye mulholo pighi, khuu pesü tüghami eno Satan ipi cheni keno, ayeghiqha kuchopu pishikiqhiu—pa küghape paw kungumiqo gholono ayeghi lo vepiqive.

Piyeküsü 13:5

Tishino aqheküza eno küthakügha tsa jeli pikulupu kichi pesü tüghashi tsüve, itaghi aqhi lhobidi kini kutolo pa küka peithalu penike azah tsüve.

Piyeküsü 13:8

eno Ambeti Khuu ghiqhive keno Paw aküxüpu kaku lo khunoqo je ayeghiqha boqha ghomphi lono yepuku püaghimo keno tipaqo thaqhü no tüghashi mlla nani.

Piyeküsü 15:2

Eno ayina züghi ipi kepu toikeu lo ami bubushi iqü akeu I no ithulu, eno khunono tüghashi eno pa julho ngo pa je kikihi theqhilu keno pano u lo Alhouw küghaküsü lebo pesü ayina züghi mkülo puthugho aghi.