ESTHER 9:4 - Sumi Naga CL (Re-edited) Bible (BSI)

⁴ Kughengu Mordecai ye akükau kilo kijemi lakhi shive, pa jekipi ye aphughi kümtsü lo veküpha wove, eno pa ye itaghi alau mto kitheve.

BAIBEL (BSI)

⁴ Kughengu Mordekai no akukau kilo akijeu shive eno pa jekipino ayeghiqha kumtsulo kulhave tighenguno Mordekai ye asheshino kije shiuve.

ESTHER 9:4 Mawu Ofanana

SAMUEL AKINIU 3:1

Saul lagha ngo David lagha dolo kushuo aghü shi ache. David ye akumto shikithe wove, ikemu Saul lagha ye miqemlei kithe wove.

YEKIKITHI ATUGHIU 11:9

David ye aqokitikhi Ampeu no pa gholo akehu alau eno alau shi kije shikitheve.

YEKIKITHI ATUGHIU 14:17

David jekipi ye aqha kümtsü lo kügha wove, eno Ampeu no shiye kümtsü pelo pa sümsape.

ESTHER 10:2

Pa küka eno ajekipi kümlaqo eno agigihu akighiche lono kishi pa no Mordecai süqhe keno, tipaqo ye Media ngo Persia kükami Yekikithi Kaku lo yepüani kekumo keshea?

LESHELE 1:3

Pa ye aghoki mkülo asübo akeu toi atusho achipi lono axathi pithi cheni, tipau nipa ye ighüive chemoe. Pa no mlakeu kümtsü lo ghenighilai cheni.

LESHELE 18:43

Timiqo no I qoda niye akelono Nono I xaphelue; Nono I pelo shiyeqo kütsü shilupe; I no khunoqo ithimo keno tipaqo no I qeke.

LESHELE 92:13

Panongu ye Ampeu kilo asübo shosü püake toi nani panongu ye ni Lhou chineki lo ikoishe nani.

IPEKULU 11:3

Ampeu no Egyptmi nhethe lo timiqo kimiyeqhiyi ithulupe. Tinguno alau, Moses ye Egypt yeghi lo Pharaoh qemi eno timiqo zülo ighono kije shive.

AHOLE 4:18

Ikemu amikuchomi laghi ye tsükutho küvü ipeche ketoi, puchomghü shimoke kutolo vüqai eno vüqai kithe acheni.

ISAIAH 9:7

Paw yepeka eno külakishi ye kishekhave mono ikoishe nani, Pa no David kükaqha shou hipa ghuloki lono lhokta kutolo kuchou xakütha eno amikucho shosütsü eno puthuphe tsü nani. Aqokitikhi MPEU kupulo lono hipau shi nani.

ZEFANIA 3:19

Julo, tipa ghuloki lo I no nongu qhasü chekemi ghimeqhi nani. I no aphiau kinitave kemi xalu eno hapheve kemi hekütsü nani, eno pano kukujo pesü shekiqhe lo süve tsüno ayeghiqha kümtsü ajepipi tsü nani.

MATTHEW 4:24

Ikehu pa jekipi ye Syria qha kümtsü lo veküpha wove, eno küsükinimi, aküsü jeli xapusü ime akemi, tüghaküsa no ghimeqhi akemi, kiligha kipemi, aphiau kithimi kümtsü pa lau saghi no pa no panoqo shipivi tsü.

JOSHUA 6:27

Ampeu no titoi Joshua gholo ae eno pa jekipi no ayeghiqha kümtsü lo acheke.

SAMUEL ATUGHIU 2:30

Tighenguno Ampeu, Israel Lhou no asheshu ani: ‘I no o kibolomi eno o puasüqo kibolomi pelo pülhapuju I zülo ipeilo peniye ashoqhi shike,’ ikemu itehi ye Ampeu no asheshuvae: ‘I launo putosüve lo, kughengu khunono I gihuni keno I no gihu nani, eno khunono I thaighani keno tipaqo thaigha nani.