ESTHER 9:1 - Sumi Naga CL (Re-edited) Bible (BSI)

¹ Adar qhi atsala chighiaküthüu, ti ye aqhi chighiakiniu lo kughou akükau yezah pephe niye shi akeno, tipani Jewmi ghümi no panongu shou ampeu shive niye laju ake lono bidelau shive: Jewmi no pano mithi akeqo shou ampeu shiluve.

BAIBEL (BSI)

^1-2 Adar qhi atsala chighi akuthuni akukau zah kutsu hu toveno pe ithanike kutove, tipa tsalalo Judami ghumino panongu shou kania pi kumsuve ikemu tipau hu bidelau shiveno Judamino hekutsupe ngoveno aghumi panongu ju mthi chekeqo shou kaluve, kughengu panonguye ighono msave.

ESTHER 9:1 Mawu Ofanana

SAMUEL AKINIU 22:41

Nono I ghümi, I mithi kemi pelo I launo tsüghüve pe, eno I no panongu kütsave ke.

ESTHER 3:13

Yesüqo ye aghinimi launo akükau ghakhuqo lo puwu, eno atsala lakhi lono, ti ye aqhi chighiakiniu, Adar qhi, atsala chighiaküthüu lono Jewmi, kichimi itimi, totimi eno anuli, kümtsü kütsave, pithive eno püghave penike, eno panow thime kiviqo xule luve penike azah tsüpuwu.

ESTHER 3:7

Akükau Ahasuerus yepe mpe chighiakiniu, aqhi atüghüu, ti ye Nisan qhi lo, panongu no tsalakipe Haman zülono asaqhi; eno aqhi chighiakiniu, ti ye Adar qhi, kutolo aqhi atsütsü asaqhi.

ESTHER 8:12

hi ye Adar qhi, aqhi chighiakiniu, atsala chighiaküthüni lono Akükau Ahasuerus kükaqha lo aphughi akeqo kümtsü lo tishilu penike khaqhi tsüe.

ESTHER 8:6

Kughengu kishino ni ye Iw timiqo lau amhekiqi ighi niye akeu shou jupuku luni kea? Momu ni ye kishino I laghaqo shou kütsakungo ighi niye akeu puqhe luni kea?”

ESTHER 9:17

Hi no Adar qhi atsala chighiaküthüu lono shikeu, eno atsala chighiabidiu loye panongu no akulhoqhi no tipa tsalani no aghulhu eno alokivi tsala shi.

LESHELE 18:40

Nono I ghümi pelo I launo kughosü wuvepe, eno khunono I mithi cheni keno I no kütsave.

LESHELE 30:11

Nono I mloghime pesü alokivi kighilhe shive tsüe; Nono Iw yeqhiyephi ikhiluve tsü, eno alokivi pesü I puuke,

Apostolmi 12:11

Peter no atsüveshe ipeghi kelo pi, “Itehi ye I no mtsümishei ithivae, Ampeu no paw kungumi hapuwu no Herod u lono eno Jewmi no shinie pi kümsü akeu kümtsü lono I xaphe luvae.”

ZAKINIU 32:36

Ampeu no Paw timi lolo aküka kühave keu, eno aqüaxemi na ililai kemi namu kühave keu ithulu kelono Paw timiqo xaphelu nani eno Pa qemiqo kimiyeqhiyi nani.

Piyeküsü 11:18

Shiyeqo no axuide anamu O loghu kighide ighivae, kithimi shou küghathabe kepu do shivae, tungkupmi O qemi, küpülümi, eno khunono O sümsa cheni keno, kijemi kitilami ajume tsünike, eno ayeghiqha shiküpsami shipüsa nike ighivae.”