ESTHER 7:9 - Sumi Naga CL (Re-edited) Bible (BSI)

⁹ Tileno akükau hiju chekeu shokomi lakhi Harbona no pi, “Tinguno alau, Haman no Mordecai ghenguno tshükiqhi-a kuto püani. Mordecai, khuu tsa vecheo akükau xalu keno, pa tshüqhi pithiveni ye tshükiqhi-a akiqhelau auxakuchho muku-kini Haman kilo mla püani.” Akükau no pi, “Tipau lono pa tshüqhivelo.”

BAIBEL (BSI)

⁹ Tishiveke mtsa akukau kukuphuu Harbona no pi. “Akughushu, Haman ye Mordekai khuu akukau pithiveniye amqu mlakeu lono xaluve keno pithive niye tshukiqhia akiqhe lau miter mukukini mlape puanie.” Tileno akukauno pi, “Tipau tshukiqhia lono pa tshuqhivelo.”

ESTHER 7:9 Mawu Ofanana

KUKAMI AKINIU 9:32

Pa no pishipuku juno pi, “Khuu no I küdau ania? Khuu no kea?” Shoko kinia küthüa no pishipipe pa ju.

ESTHER 1:10

Atsala akütsüniu lo, kughou akükau no aji shove no aloqi akeno, pa no Mehuman, Biztha, Harbona, Bigtha, Abagtha, Zethar eno Carkas, shokomi pano tsüni khunoqo Akükau Ahasuerus zülo aghinimi shi akeno panoqo azah tsü no,

ESTHER 5:14

Ikehu pa nipu Zeresh ngo pa küsami kümtsü no pa vilo pi, “Tshükiqhi-a lakhi akiqhelau auxakuchho muku kini mlalo, eno inaqhe no akükau vilo pive no tipau lono Mordecai tshüqhive pelo. Tishino alokivi shi akükau gholono aghulhu lo wulo.” Akükümsü hipau no Haman lopu shive, eno pa no tshükiqhi-a mlavepe.

ESTHER 6:14

Panongu no pa pütsa aphi lono akükauw shokomiqo no mtazü Haman sasü Esther no aghulhu kuto püakeu lo wuniye ighive.

ESTHER 6:2

Tilehi akükauw shokomi Bigthana ngo Teresh, khuu pama no ahukikha lashe khekuto ache eno Akükau Ahasuerus shou au beniye shi keno, pama ghili Mordecai no pikeu yepüaghi ke ithulu.

ESTHER 8:7

Ikehu Akükau Ahasuerus no Kükaliu Esther ngo Jewmi Mordecai pama vilo pi, “Julo, I no Haman ki Kükaliu Esther tsüvae, eno panongu no tshükiqhi-a lono pa tshüqhivae, kughengu pa no Jewmi shou pa u beniye shike.

ESTHER 9:14

Tighenguno akükau no tishilu penike azah tsüve. Ayezah lakhi Susa lono tsü puwu, eno Haman nuli pano chighi ye tshüqhive.

ESTHER 9:25

Ikemu kughou no akükau zülo hipa vehu süghi keno, pa no akiye lono azah tsüve, eno Haman no küsakügha kukughu Jewmi shou shiniye shikeu huno pa kütsü shou ikughive, eno pa ngo pa nuliqo ye tshükiqhi-a lono tshüqhi pithi kepu shive.

LESHELE 141:10

Küsaküghami pelo pano lichhe lo ikiqi ilove pelo, I pelo aküpüna küha no katha wulu pelo.

LESHELE 35:8

Pa no mtha no akelono kütsakungo pa shou ikughive pelo! Eno pa no alichhe shipüa keu no pa meluve pelo; pa kütsave penike tipau lo ikiqi ilove pelo!

LESHELE 73:19

Panongu ye kishi paikhavi lono kütsave kea, aküighüpu no qhoi jolepe wuvae!

DANIEL 6:24

Akükau no azah tsüno timi khunoqo no mqümgha shi Daniel nguku keno panoqo saghipe eno abongshuu kilo—panongu, pano nuli eno anipuqo vesüve. Eno panongu no abongshuu ki ilo abo tomphi lono, abongshuuqo no panongu yiqhipe aghi kümtsü mukhumuno shivetsü.

DANIEL 6:7

Kükaqha lo hiyampemi, yepemi, mijekütsümi eno angh kümtsü puloküqha anike akükau pelo ayezah lakhi mlave no tsatsai pape masa keu shipeni shi ani, ti ye, O akükau, khukhumu atsala shighi dolo, o lau likhi kumo aye, alhou momu timi vilo inikhu keu ye abongshuu kilo vesüveni.

SAMUEL ATUGHIU 17:51

Tileno David no powo Philistiami hu shou puthughove no pa zütakikihi süjophepe pa kütsü micheve tsü. Kughou Philistiami no panow asachuu thive keu ithulu keno panongu ye pokhave.