ESTHER 4:3 - Sumi Naga CL (Re-edited) Bible (BSI)

³ Eno aphughi khile akükauw xaküthaza ighi keno, tile Jewmi lau akumlo kije, kümvü keu, aküqa eno amloghuju ighive, eno kutomo no yeqhiyephi ngo ayevu lo ihozü luve.

BAIBEL (BSI)

³ Pa yeghiqha kumtsulo Judami dolo akukau yezah ghenguno amlo ghime, akuqa kumlo eno kumvu auve eno kutomono ayevu kuchhuno yeqhiyephi uno ayeghi lo ihiauve.

ESTHER 4:3 Mawu Ofanana

ESTHER 1:1

Ahasuerus ghuloki lo, Ahasuerus khuu India lono Ethiopia kutolo aghakhu 127 shou kache keno,

ESTHER 3:12

Tithiu aqhi atüghüu atsala chighiaküthüu lo akükau yezah kighithimi kusü, eno Haman zakütsü kiqi lono ayezah yephepe akuaqha lo akükauw yepemi, angh eno ashiayeqow hiyampemi kümtsü lau tsüpuwu, aghakhu kümtsü lo pütüta kiyethi eno ashiaye kümtsü lau pano tsauno yepuwu. Ti ye Akükau Ahasuerus jelono yephe eno akükauw jedapu nguthi pesü chishida no puwu.

ESTHER 4:16

“Wulo, Susa lo Jewmi ithulu keqo kümtsü hekütsü lo, eno I ghenguno kümvü lo, putho pucho tsala küthü chusho kevilo. Ni eno Iw lhothelimi ghi nongu toi kümvüni. Tishino ayezah hexa aghimu I no akükau lau wuni, eno tsala I pühave kepu shimu, ni ye pühaveni.”

ESTHER 4:2

Pa no akükau khagho kulaghi lo wu, kughengu timi khumu yeqhiyephi pepusü akükau khagho lo ilope chemo ke.

ESTHER 4:4

Kughou Estherw ililhotheqo ngo liw shokomi no ighi no li vilo pi keno, kükaliu ye shishe amlosave. Li no aphimini Mordecai pipeni ye tsüpuwu, tishino pa pelo yeqhiyephi xaqhive peniye shi, ikemu pa no tipaqo ikhilu move.

ESTHER 9:31

ti ye Mordecai, Jewmi eno Kükaliu Esther pama no panongu ghutu püake toi Purim tsalaqo ye atusho pekithi püakeu dolono ikhilu masa eno panongu tikughuko kümtsü no panongu no kümvü eno mlokeu kümsüma mono peche peniye ke.

JOB 2:8

Job ye pa piyi chuxa kepu alitsa tachu pesü ayevu lo ihiuve.

ISAIAH 22:12

Ampeu aqokitikhi Lhou no tipa tsala pesü mloqa keu, asa miyepe yeqhiyephi pepu kepu shive tsüae.

ISAIAH 22:4

Ikehu I no pi: “I likhi qhivelo; I pelo kukhukimji shi mlo pelo; Iw timi kütsave keu lo I lokughuno tsüniye pükapütsa tsü kevilo.”

ISAIAH 58:5

Timi lakhi no kümvü keu lono aqhokigheu shilu aye, Ni ye titoi kümvü keu ikhilutsü cheni ke kumo keshea? Ikemu nonguw kümvü keu ye ayeghübo no ihoiqi keshi, momu yeqhiyephi ngo ayevu shou ihozü keu no keshea? Nongu ye hitoi keu pesü kümvü keu momu Ampeu no ikhilutsü keu tsala kepi kümsü ani keshea?

EZEKEL 27:30

eno asütsa vekipighi ighamku eno kukhukimji shi qae. Panongu no pano kütsü lo ayevu ayeghimkhu lepuku no ihie;

DANIEL 9:3

I no Ampeu Alhou lau I gi kugho puwo, akighini eno kümvü keu, yeqhiyephi ngo ayevu vecheo küpükini piye penike qhüiniju.

JONAH 3:6

Atsa huno Nineveh kükau tove, eno pa no aküka lakhü lono ithuve, pa kükaphi lhaqhive, yeqhiyephi pesü pa küzüluve, eno ayevu lo iqave.

MATTHEW 13:42

eno panoqo pesü amiqo lo vesüve nani. Tile küqa kumlo eno ahu tsüghü bubushi nani.

MATTHEW 22:13

Tileno akükau no jukükütsümi vilo pi, ‘Pa phiau pheve no khalau aküzü lo vepheve lo, tile ahu tsüghü bubushi qa nani.’

MATTHEW 25:30

Ameküküha qeu ye küghape khalau aküzü lo vepheve lo. Tilehi ahu tsüghü bubushi mloqa nani.

JOSHUA 7:6

Tileno Joshua ngo Israelmi sakiphemi no amlo küsashi pano kuuphi süxüve no Ampeuw Puloshoqhi bohu zülo ikiqi avela kutolo ihi auve. Panongu no ayeghimkhu pesü pano kütsü lo lepuku.

SAMUEL ATUGHIU 11:4

Kughou atsapemi no Gibeah lo Saul lau ighi keno, panongu no timi kümtsü kini lo hipau sütsa pikülha, eno timi kümtsü no aghügha kije lono ighaqae.