Ephesiami 5:3 - Sumi Naga CL (Re-edited) Bible (BSI)

³ Alhou küpülümi shive akehu, shupu-salha, mithekumo jeli momu alakimne ye nongu dolo küptsa keumu shimoni.

BAIBEL (BSI)

³ Nonguye Alhou wu timiqo shivea kehu, shupu salha, mithekumo jeli momu alakiminepe khilemu nongu shou pipukupe kepu kumoe.

Sümi Tiqhelimi Bible

³ Ikemu nongu dolo kipito xüküpsa, momu mithekumo jeli kiu-kiumu, momu alakimine kitilamu aghí pe kepu kumoe, kughengu hipaqo ye Alhou’w akimthe timiqo ghenguno achipikumo ke.

Ephesiami 5:3 Mawu Ofanana

LESHELE 10:3

Kixikilami no pa mlo lo kümsü akeu pesü qheza cheni, eno alakimnemi no Ampeu ghusho eno milive cheni.

LESHELE 119:36

Alakimne küakini lo amlotsü mono I mlo pelo O kükütsüqo lo amlo tsüqhiyi pelo.

IPEKULU 18:21

Tinguno alau, timiqo dolo shitsami, khunono Alhou sümsa cheni, pükhübekulu eno külügho mithi cheni keno titoi keqo phujulo, eno titoi keqo pelo qhethonhe shou, aqhe shou, lhopungu shou eno chighi shou atou shipelo.

IPEKULU 20:17

“No ye o kisüghüu ki jumine moni; no ye o kisüghüu nipu, momu pa qemi kiptimi totimi, momu pa mishitsü, khurgha, momu kiu kiumu paw shi aghikeu jumine moni.”

IPEKULU 23:13

“I no nongu vilo pikeu kümtsü lo amlo tsülo, eno kütau lhouqo jeku moni, momu nongu kichi lono pikeu chilupe kevilo.

AHOLE 28:16

Yepemi vethakulu küha keu ye ayiküsa shi nedaqoda cheni, ikemu akumou lono ala shikeu mithi chekemi ye axüshu nani.

JEREMIYA 22:17

Ikemu nono o nhethi eno o mlo akeu ye achipi kumo lono ala shinikeu, pimihami ji peleni keu eno anguka lono qhasü nike ghengu likhino ke.”

JEREMIYA 6:13

“Aghulou lono akijeu kutolo achipi kumo lono ala shicheni, tungkupu lono achineu kutolo, kümtsü no pishiqhi cheni.

JEREMIYA 8:10

Tighenguno I no pano nipuqo pesü kütami tsüve nani, eno pano lu pesü leighi kemi tsüve nani, kughengu kitila lono kije kutolo akumou lono ala shiniye alamine ke; tungkupu lono achineu kutolo pishikiqhi kümla shike.

EZEKEL 33:31

Panongu no lakhi shi o lau ighi no o zülo iqa eno nono kiu pi keno chilu ikemu panongu ye ti papemo nani; kughengu pano kichi lo ghaghughale tsa pike toi mlaitha ke; pano mlo ye pano no ala shinikeu lo ghope ani.

ACHINE 15:18

Ashiaji küqhave kethiu akiptiu ngo atotiu pama gha azü kuchhuveni eno avela kutolo mithemo niae.

MICAH 2:2

Panongu no aluzaqo mine eno süxa luve cheni, eno akiqo süxa luve cheni; timi kibolomi nedaqoda cheni, eno pano mheghi luvetsü cheni.

AKIKIHI 25:1

Israelmi no Shittim lo aghazü shipe akelo, panongu ye Moablimi sasü xüpimiuve.

MATTHEW 15:19

Kughengu amlo lono alhoksa kükümsü ipeghi cheni, ghikiqhi, asalha, ghaghu ghale, aküpka, akimki shepe, xikishi.

Luke 12:15

Eno pa no timiqo vilo pi, “Alakimne jeli kümtsü lono nongu jukutolu lo, kughengu timi lakhi küxü ye pa küakini pofushi aghi keu huno kumoe.”

Luke 16:14

Phariseemi ye küakini mineqhiyi chekehu kughou no atsa hipaqo chilu keno, panongu no Jisü thaigha junu.

Apostolmi 15:20

Ikemu panongu lau yesü yepuwu no ajulho kümlla chuqupu, asalha, tshükiqhi lhoxü, eno aji mithekumo hipaqo lono putosüve pe kepue.

Apostolmi 20:33

Ni ye khuuw ameshoyi, ghükayi, aphimini mu mine püamoe.

Rommi 1:29

Ikehu panongu ye achipikumo, kixikila, akughuvu, aghichikupo, lhoaye no chhitoi ani. Pano lolo anhekushu, ghikiqhi, kuqhu-kidikumo, pishikiqhi, kütami lau alhoksa shini keu likhi ke. Panongu ye timi xikishimi,

Rommi 16:2

küpülümi sasükile chekeu ghola lono nongu no Ampeu küdau no li sasü tsülo, eno kiu kiumu li no nongu launo avehupu shi aghikeu ye li kuphu tsülo, kughengu li ye aghütsüghi shi, ni ghi kihisü no, timi kutomo kuphu acheni.

Rommi 6:13

Nongu phiau pesü axine lo tsüve ghi amikuchokumo ghenguno peitha kevilo, ikemu akithi lono aküxü lo süghive kemi toi Alhou lau nongu küxü ikhiphe tsülo, eno nongu phiau pesü amikucho ghenguno peitha penike tsülo.

1 Kor. 10:8

Panoqo khami toi ningu ye kipti-toti dolo mithekumo shikepu kumoe, kughengu ghulo lakhi lono pano 23,000 ikiqi thiveke.

1 Kor. 5:1

Nongu gholo kipti toti dolo mithekumo anipi kuchou tsa I lau pi ighivae, timi lakhi no papu nipu sasü küghüna anie pike ti ye Alhou mtha kemi gholou ghi kutuulu chemoe.

1 Kor. 6:13

“Achuqupu ye akive ghenguno eno akive ye achuqupu ghenguno ke”—ikemu Alhou no tiküma gha kütsave nani. Aphimpi ye kipti-toti dolo mithekumo ghenguno kumoe, ikemu Ampeu ghenguno, eno Ampeu ye aphimpi ghenguno ke.

1 Kor. 6:18

Kipti-toti dolo mithekumo lono polulo. Timi lakhi no axine shikeu kümtsü aphimpi khalau noke, ikemu khuu no kipti-toti dolo mithekumo shi keno, pa ye pa phimpi shou axine shipuku ani.

2 Kor. 12:21

Kughou I no ighini keno I Lhou no itaghi nongu zülono I shikuchuni nikeu ni ye msa ani, eno khunono azüuno axine shive no mithekumo, kipti-toti dolo xine eno ghasü kümla xine shi püakeu lono xaidelu mphi keno panongu ghenguno mloqa masani cheni.

Ephesiami 5:12

Kughengu panoqo no tuqhou no shiche keu ghili ye pinikeu ghi akukujopue.

Ephesiami 5:5

Nongu no hi thebeilu nani ke küsalhami, mithekumomi momu alakimnemi (ti ye, ajulho kümllau) ye Khristo eno Alhou yekipe amheghi ithulumo nani.

FILIPIAMI 1:27

Akhotou ye hike, nongu xüghola ye Khristo tsakiviu gholo aküzüqhiyi kimshilu pelo, tishianguno I no ighi no nongu kujuthulu na monamu, nongu ye amlo akükümsü küthape lakhi shino atsakiviu küpülü ghüshi ghenguno kümtsa akumto shi puthugho anipi ni ye chiluni shi ani

Kolosiami 3:5

Tighenguno nongu lolo ayeghilo ghola akeu pithive lo: ashupu asalha, mithekumo, ngosükümla, alhoksa kükümsü, alakimne, hi ye ajulho kümlla ke.

1 Thes. 4:3

Kughengu Alhou lopu ye hike: nongu shikimthe pe kipti-toti dolo mithekumo lono putosülu masae;

1 Thes. 4:7

Kughengu Alhou ye mithemo peniye ningu kuluke kumoe, ikemu akimthe shi peniye ke.

1 Tim. 2:10

eno kiu no Alhou ithitoi kemi totimi ghenguno aghibiu keno, akümla kivi gholono tishi penishie.

1 Tim. 3:3

shokümzümi shimoni, mtomshu kemi shimoni, ikemu ivünhei masa, eno pisa kimnemi shimoni.

1 Tim. 6:10

Kughengu pisa kikimiye no alhoksa jeli kümtsü kuhu-aghü ke. Hipau kimne lono timi khami ye aküpülü lono itsüsü wuvae eno amlo ghuju jeli no panongu jiqhi anie.

2 Tim. 3:2

Kughengu timiqo no ishi xüuve nani: alikhi ampi kimiye kemi, pisa kimnemi, aqheküza, akuchhomami, kütami thogha, apuaza hekibide, shikimthi kükühami, mithemo keu,

Titus 1:11

Panongu hasüve masae, kughengu panongu no kuchokumo lono ala shiniye shikamo kepu pesü akibo kümtsü xukutho ani.

Titus 1:7

Akhemi lakhi ye Alhou kibo jukükütsüu keke pa ye tukutiye küha aghi masae. Pa ye agho aghoshi moni, amloide kalo moni, momu shokümzümi, ngukangughami, ala shiniye alamine moni,

Titus 2:3

Topu layemi ghi titoi ghushoghili lo gihuküzüpu shimasae, xikishimi momu aji qüaxemi shikepu kumoe. Panongu ye akivi pesü timi shika masa,

IBRIMI 12:16

Esau no ana akhu lakhi ghenguno pa punu chipiu jeveke toi alhoksa eno mithekumo shive nosake kutokupuilo.

JOSHUA 7:21

aghüshi lono hakholu keqo gholo Shinar lono mlakeu hebephi jukivi lakhi, ghükayi ahu kini, eno ameshoyi ahu tüxa qhemi I no ithulu no püka luve. Tipaqo ye I pusho alou chhuqho püani eno ghükayi no aqhoshi no püanie.”

1 Peter 5:2

Alhou mbeloji nongu gholo akeu khekuto lo, tsüikhomo pike ghenguno kumono Alhou no nongu pelo shipenishi keu gholau no puloniqhiyi shilo; ala shiluni ke ghenguno kumo ikemu azükini shi qeni keu mlo xapulo;

2 Peter 2:10

eno ti ye akhotoshi khunono pano shiaji lo ngosükümla kükümsü pape no yepemi jukünatha cheni keno tipaqo pi ani. Msaighümo mithe panoqo no amlo kumto eno aqheküza shi ajuküvüpu lo akemi thaigha cheni,

2 Peter 2:14

Panongu ye asalha nhethi xapu ghasümla mithe axine shinishi cheni. Panongu no timi tsaqütsaleimo kemi züluve cheni. Panongu ye alakimne lono qopheve keu mlo xapu ani, Ghushove keu ti-anuliqo!

2 Peter 2:3

Eno pano lakimne lono akimki tsa pesü nongu launo ala shinike mqüqhi nani. Khaghi nomu panongu kipimi ye xüthilei püatsü aphi, eno pano kütsave kepu ye kike püaphie.

Piyeküsü 2:14

Ikemu Ni ye thime hami pesü o shou xube kepu ani: timi khami khunono Balaam kükütsü pape cheni keno tilau o gholo ani. Balaam no Israelmi zülo apukhu küpsüpu qhitsüni ye Balak kipe, tishianguno panongu pelo asüatu julho mllave keu chuqupu chuno shupu salhauve peniye ke.

Piyeküsü 2:21

I no li pelo xaidelu penike ado tsü kemu li ye asalha xine lono xaideni keu milive ke.

Piyeküsü 21:8

Ikemu amlo kulotimi, aküpülü pheve kemi, kitiqeve kemi, ghikiqhimi, küsalhami, küdüumi, ajulho kümllami, eno kimkimi, hipaqo saje ye ami eno amichu piti chekeu yizü lo anani, tino akithi akiniu.”

Piyeküsü 22:15

Kughengu khalau ye atsüqo, küdüu kishimi, ashupu asalhami, ghikiqhimi, ajulho kümllami, eno pishikiqhi kimiye no tipau lono xüche kemi no acheni.

Piyeküsü 9:21

tike kumono panow ghikiqhi, küdüu kümla, asalha ashupu momu aküpka lono xaide moe.

SAMUEL ATUGHIU 8:3

Ikemu pa nuli ye pa laghi lo chemove no ala shinikeu laghi lo wuve. Panongu no külügho lu eno kuchou xakütha tuchighive tsü.